|
تجربة الخوي ومفاجآته
عندي تجربة فيها عبرة مع خوي يمكن مامرت على أحد
هل مناسب طرحها في هذا الباب أو لها مكان أنسب علما أنها في تركيا ؟ |
صباح الخير أخوي سعد
أسدحها ياغالي ومنها نستفيد ، ومثل مايقولون ( الحياة تجارب ) . |
صحيح اتفق مع الاخ رافا
الخوي واحد سواء في المغرب ولا اي مكان في العالم حتى لو خوي في رحلة بريه لمدة يومين لأن المعدن الأصيل للخوي الطيب مايصيبه الصدأ حتى لو في ادغال افريقيا في انتظار تجربتك يالغالي |
الخوي ماينعرف فعلآ وتتأكد منه إلا في حالتين اذا صار بينكم تعامل مادي بزنس مشترك أو سلفه أو .... الخ والحاله الثانيه هي السفر.
بإختصار الفلوس والسفر هم اللي يبينون لك معدن اللي تتعامل معاه. بإنتظار تجربتك اخوي سعد |
اقتباس:
ياروحي يالوحيد فعلاً يابوابراهيم مثل ما تفضلت الفلوس والسفر . السفر بالذات هو اللي ممكن يكشف لك معدن الشخص لأن الفلوس سهله جداً وبإمكانك معرفة صاحبك بكل بساطه . لكن السفر يبين لك خبايا الشخص ويكشف لك حقيقته بكل وضوح . |
اقتباس:
|
سعدت بقبولكم التجربة مبدئيا
آسف على التأخير لإنشغالي وتأخري عن الدخول والرد السفرة كانت قبل 14 سنة لذلك سأتجاوز الأسعار والأماكن المزارة وأركز على الموضوع وهو الخوي والتعامل معه . الخوي معي وأعرفه معرفة شخصية نكتي وكريم ومطيع ومحبوب اتفقنا وسافرنا الى استانبول وبعد مانزلنا في المطار وختمنا الجوازات أعطاني جوازه وكل فلوسه وقال : احفظهن معك أنا أبشرب وأخاف أضيعهن (طبعا أعرف أنه يستهبل ويبغى يسوي أكشن قدامي) بعد ماانتهت السفرة مدتها 9 أيام رجعنا وصارت ذكريات بمافيها من حلو وعيره وبعد الرجوع للبلاد ومضي10 سنوات تقريبا حصل خلاف بيننا وهو السبب فيه رغم تنازلاتي فتركته وشأنه ولم أحمل في قلبي عليه وأعتبرته غير موجود في الوجود . لا أحب ذكر السبب التافه حتى لاينكشف الأمر ربما في المنتدى أقرباء له ويعرفون ذلك الشاهد : أنه أخذ يتحدث عني بأني راعي سفريات وراعي بنات وشراب وأني سافرت معه لتركيا وأخذ يسرد كل ماحصل له ويزيد عليها ماقبح وينسبه لي ويضع نفسه هوالمدبر للرحلة وحمامة الحرم . وصلني ذلك من أحد شياطين الإنس . وأنا أقسم لكم أني لم أغلط عليه أثناء السفر ولم أشرب إطلاقا . السؤال ماردت الفعل المتوقعة ؟ وما الرد المناسب لذلك ؟ . |
اقتباس:
عادي ولايهمك ... من تجاربي فالحياه هذا الشخص اللي تكلمت عنه بطبعه لئيم وعايش بعقلية طفل ... سبحان الله بعض الناس يكبر ولكن يبقى الطفل الأناني المدلل عايش معاه .. وقد اعتقد إعتقاداً جازماً إنه أصغر أخوانه . الإنسان اللئيم كل ما أحسنت له يسيء إليك وفي إعتقاده وبطبيعته يفكر انه يرد لك الإحسان . ردة الفعل والرد المناسب : تتركه وتبتعد عنه ولاتفكر في يوم من الايام ان تحسن إليه لأنك على كثر ماتحسن له راح يسيء لك . ومثل مايقولون ( الفكه من جحا غنيمه ) . |
اقتباس:
وكلامك عين العقل أنه إنسان تافه لكن ودي ماتاخذ الناس عني صورة سيئة مالها أساس واحتاج أدافع أنا تصرفت مع الناقل بتصرف عفوي في نفس الموقف سوف أذكره بعد مايتداخل الأعضاء واشوف آراءهم حول ذلك يمكن لديهم أفضل مما نفذت . |
اقتباس:
عااادي جدا وتحصل كثير ، من خلقت الدنيا والمشاكل ما تخلص اما بخصوص السمعه وتشويهها فأنا اقترح عليك أنك تواجهه أمام الرجال وتضعون المصحف امامكم وتقوله يا فلان انت قلت فيني كيت وكيت وهذا كذب وانا احلف عالمصحف واريد منك تحلف عالمصحف اني كنت اسوي واسوي ،،، من اهم اسباب كثرة الرخامة عندنا في الوقت الحالي هي عدم مواجههة الرخمة (( الزلابة )) وخليناهم سيده قيدة لكن اذا عرف ان كل كلامة محسوب عليه والرجال بتحاسبه على كلامة هنا راح نحد من تفشي فيروس الرخامة . |
| الساعة الآن 11:14 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط