أخبار و متطلبات فيزة شنقن و رفع حظر السفر لاوربا
 

المغرب من اقرب البلدان لاوربا و فرصة للي جدوله طويل و يسمح انه يمر اوروبا على الاقل اسبانيا و البرتغال ..

بالمرور على شروط زيارة الاتحاد الاوربي (شنقن) في موقع السعودية و الاماراتيه لازال الحظر قائم ولا فيه ذكر للسعوديين بالتخصيص ..

في الاماراتيه موقعهم يقول التحديث راح يتم في 31 يناير للشروط

رجاء من الاعضاء الكرام اللي عنده معلومات موكده عن اي شي في العنوان اعلاه يسطره هنا ليستفيد الجميع ..

بالنسبه لي ماشي المغرب اول مايفتح الطيران و مطعم ضد كورونا و عندي الجواز الصحي لكن ودي بفيزة الشنقن لانها انتهت في الجواز .

لو فتحوا باخذها من الرياض لكن هل ممكن اخذها من الرباط ؟

وسلامة اعماركم ..

ايه عادي تقدر تطلعها من الرباط او قنصلياتهم وين المشكله
بس يبي لك تتأكد انهم للحين يطلعون فيز عشان كورونا تعرف كل شي تغير عن العاده

كنت بطلعها بجوازي عشان اقطع ضماي
عندي ذخيرة اذا ماالنفس وصلت حدها

واللحين يوم اجلوا صرت ضايع في خلاي
و ضاقت الدنيا بوجهي لابوها لابو جدها

أسد الاطلس

صح لسانك شكل حتى سواليفك موزونه الله يعين اخوياك هههه
انا ما اصير شاعر الا بطنجه بس لا تشغلن بوزن وقافيه اكتب شعر حر يسمونه حداثه رغم كرهي للحداثه تناقض ههه

صح بدنك

ربعي تراهم كلهم شعار
قافٍ بديع واحسن مايكون

و مدبر الدار اخير من الحَدار
لكن يقولون مالا يفعلون

أسد الاطلس

شكل كل هرجكم خلوها خلوها
يارجال فيه شاعرين مشهورين كل شعرهم انا وانا الكريم الرجل اللي ما يقرب الردى الخ الخ شفتهم مرة برا المملكة بوضع استغفر الله كلمة ردى قليلة بس ردى ما بعده ردى انا تفشلت وانا ما لي دخل

ماعرفت القصد من هالكلام ؟

فيزه شنغن فقط من بلد تقدر تاخذها وللعلم تبي وقت من اسبوعين الى شهر

على طاري يقولون ما لا يفعلون

يعني لازم اطلع الفيزا من السعوديه لو بروح اوروبا ؟؟ متأكد
ياخوي اذكر طلاب بامريكا يفيزون بامريكا ويروحون لاوروبا بدون ما يرجعون والا انا فاهم غلط