مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   تقارير رحلات الاعضاء إلى المغرب (https://www.mza3et.com/morocco29/)
-   -   رحلــ 2021 ــــة ( طنجة - الرباط - مراكش ) (https://www.mza3et.com/morocco43465.html)

ابوسلمان الثاني 2021-06-08 11:55 AM

رحلــ 2021 ــــة ( طنجة - الرباط - مراكش )
 
السلام عليكم

وبعد السلاااام ... اشتقتـو للتذاكر وريحـة الطياره والشنااااط:maroc (903):

بعد التفكير السريع والي مافي اسرع منه .. تم الحجز ع الخطوط السعوديه

رحلة من الدمام - جده - كازا .... توصل كازا 5 ونص

طبعا تم عمل حجز وهمي من بوكينق لفندق ... ( مااحتجته ولا احد طلبه )

تم عمل فحص كورونا قبل السفره 48 ساعه ... يعني مشيت الاربعاء صباح .. استلمت النتيجة بالليل

الرحلة ثاني يوم الخميس .. امووورك تمااام التمااام

ربطت شناااطي وانطلقــت نحـو المطــار وكانــت الصدمـه سعر تاكسي زااادو لكن مش مشكله :24:

ياولد طنش لاتتقيعط على اربعين ريال ... وصلت المطار وانصدمت حجزي شنطه وحده !!

من متى الخطوط السعوديه بالحبه يتحاسبون ع الرحلات الدوليه ..! المهم كانت غلطتي وقلت ياولد لاتتقيعط على 250 ريال

ركبنا طياااره ويقصون علينا بالتباعد الاجتماعي هههههههه

لكن قلت ماعليه المهم يغدونا وفعلا ماقصو غداء كبسه اللي يحبها قلبك :maroc (911):

وصلت المغرب متاخرين ... طبعا المطار تبدل ... احسن شي سووه صالة المغاربه مالها علاقة بصالة الاجانب !!

وهذي ميزه تفتك شوي من بعض الروائح هههههه .. المهم وانت تمشي واحد ياخذ فحص كورونا منك ... ولايشوف فيها

اللي بعدو ... في ناس يعطونهم ورقه صفرا وناس لا مادري ليش ...

واحد يعده وانت تمشي في السيب اخذ منى ورقة اللي طبعتها بالانترنت ...

دخلت الجوازات وحطيت خمسين درهم في الجوااز قلت ياولد لاتتقيعط وقلتله ختم خفيف ....

قال ماخصكش تبين الطبعا .. قلت ايووووا الطبعا ... اقولكم قام يحك الختم حك على ورقه يبي يمسحه عاد يختم ههههههههههههه

المهم نزلت خذيت الشناط وكنت حاجز رحلة داخليه كازا طنجه ... السعر طبعا مبااالغ فيه 1040 درهم ..

ممكن تقولي القطار .. بقولك صح لكن معي رز واغراض فقلت ياولد لاتتقيعط على 600 درهم

ابوسلمان الثاني 2021-06-08 12:03 PM

قعدت انتظر رحلة طنجة .. خذيتلي شريحة مغربية

انترنت .. انوي ... وقعدت ع الانترنت ومعاي الباتري بنك

صراحه في السفرات طويله الايفون ماينغزابه ... للاسف يفضى بسرعه !!

جاء وقت الرحله بالليل وكنت طفشت ومليت ..! يالله سلامه تقريبا بكمل 24 ساعه !!! من طلعت

من قبل الدمام .. لين بوصل طنجه .. يبيلها صبر ... المره الجايه انصح الكل يدخل كازا او الرباط

يعني تكون البدايه كازا والنهايه كازا ... لسكان المنطقة الشرقيه :sad:

اما سكاان جده :maroc (872):

ماعيهم خوف ست ساعات وانت واااصل ياحظكم :sad:

المهم طياره صغيره خفت تطيح فينا :gotcha:

والسواق غشيم ويالله جعلهم الجوع ماعطونا حتى عصير او مويه :sad:

ياخي البحرين نروحلها من الدمام .. يعني اقل من نص ساعه

ويجيبولك بسكوت وعصير وهذولا خلونا بالجوع !!

وصلت طنجه وكنت مدقدق ..

ويجيني الجوازات ( الغبي ) ويقول وين فحص كورونا .. قلت خذوه بكازا

قال مفروض تجيبه .. قلت شلون اجيبه .. انا جاي من كازا مو من السعوديه

قال واش دخلتي كازا باش تقول جيت من كازا ..

قلت واش شفتي ختم اني دخلت المغرب او لا ..

غبي :28:

المهم انا وياه تقريبا نص ساعه وانا نشرحله هذي رحلة داخليه .. ماهي دوليه

اشياء بسيطه للدول هذي ممكن تعكر صفوك وتخرب عليك .. ماتدري انت الصح او هم الصح

المفروض رحلة داخليه بين كازا وطنجه مالك شغل في فحص كورونا

اللي يسالون عنه اللي دخلت عندهم ف كازا

يعني انت جاي من المغرب لجده

ومن جده ركبت طيارة للدمام ..

الدمام مايسالك وين فحص كورونا ... جده اللي بيسالك وبيرجعك

لكن مش مشكله

ابوسلمان الثاني 2021-06-08 12:24 PM

ايوا تنفست الصعداء بعد ماخذيت الشنطه .. وركبت طاكسي الابيض كبير

200 درهم تقريبا خذا مني .. وقلتله عنوان الفيلا .. قريبه من المطار

وصلنا نزلت اغراضي واطالع الفيلا فيها كلب :omg:

خرعني .. انا اخاف من القطو يطلعلي كلب :mad:

جلست معها راعية الفيلا قلتلها انا من طرف فلان وفلان شكرني

ولقيتها ياحليلها مسويتلي عشاء :essen:

دجاج محمر :essen:

تعشيت يالله لك الحمد وابغا السرير ابغى اناااااااااااااااااام ...

ياجماعه تحسبوني استاحشت او جاني وسوست او شي ... حطيت راسي سرير نفررررين

وراااحت سااابع نوووومه ....

اقوووم وارجع اناااااام اقووم وارجع انااااام ..

لين زهقت وقمت وباقي الليل :maroc (1053):

فتحت الباب واشوف الشمس تصفقني مع وجهي :omg:

اثر الغرفه فيها شلتر اللي مو ستاره .. هذاك اللي ينزلونه وماتدري الليل من النهاااار :frown:

الساعه طاقه الثنتين الظهر ...

نزلت الصاله وياجماعه كلمة حق ... شميت ريحة الاكل هههههههههههه

وانادي الحااااجه الحاااجه ...

نسيت اشرحلكم الوضع ... الفيلا صغيره فيها قبو تحت فيه مطبخ ...

انت القبو ماراح تشوفه تقريبا ... حتى راعية الفيلا او الشغاله .. يدخلون من باب القبو

ويطلعون من هناك .. انت عند الطابق الارضي واللي فوق والحوش ... هذاك عالمك

طبعا احسن شي عجبني مكيف في غرفة النوووووووووووم .. مهم مهم مهم مهم

ترى النامووووووووس طيارات حربيه هنااااك ... فنصيحه لازم مكيف بالليل وخاصه بالليل ( ههههه )

المهم ناديتها وقلتلها هاااه وش طابختلنا ( مسوي نفسي اني متقضيلها ) ههههههههه

قالت واش تفطر او تتغدا .. قلت نفطر ... وسووتلي شكشوكا ...

وجلستها عشان نتفاهم بالسعر .. مني منك مني منك مني منك ...

قالت مو اليوم .. بكره .. ليش ؟ قالت بكره نقولك مش اليوم ..

صراحه استغربت ؟ لكن فهمت بعدين السبب ..

فطرت وقررت اخذ جوله سريعه حول الحاره ... قلت عادي اطلع ... قالت شكون قالك لا ...

قلت مادري عنكم اخبر طنجه والرباط من تدخل مايبووونك تطلع مرررره ...

منطقة جديده مافيها احد ... ماحد يمشي على رجوله ... مافي جيران بس اراضي

وانت بالحوش تشوف البحر .... عجبني التلفزيون فيه نتفلكس ههههههههههههه

بالنسبه لمقاضي البيت من اكل وغيرو .. عطيتها الف درهم ...

وعااااد حطيت رجل على رجل وفتحت جوالي .... عشااان ابدى برنامجي هناااك :morocco_5 (111):

ولنا تكملة مع الصور والمناظر

انت النظر 2021-06-08 01:35 PM

الحمدلله ع سلامتك وطنجة هذا وقتها بالصيف جوها روعه

ان شاء الله زرت تطوان ومارتيل ومدن الشمال مرره جميلة

بانتظار تكملة التقرير والصور

يعطيك العافيه

صقر الجنوب 2021-06-08 01:58 PM

الحمدلله على السلامه وبانتظار تكملة التقرير المشوق وياليت تذكر لنا ملاحظاتك على التغيير في المغرب بعد كورونا

smmutairi 2021-06-08 02:37 PM

الحمدلله عل السلامه وفي إنتظار تقاريرك


أرسلت بواسطة iPhone بإستخدام مزاعيط المغرب

smmutairi 2021-06-08 02:40 PM

أبو سلمان
إستفسار عن الفيلا بأي حي وهل هي بعيده عن الكورنيش وكم سعرها ؟


أرسلت بواسطة iPhone بإستخدام مزاعيط المغرب

الفقير إلى الله 2021-06-08 03:49 PM

الحمد لله على السلامة.

أخوك يوسف.

مكتب يوسف : تأجير سيارات في مطار الدار البيضاء

كنبغيك1 2021-06-08 05:16 PM

الحمدلله ع السلامة يابطل
تقرير راااااائع
ننتظر مداد ابداعك

شاعر كازا 2021-06-09 12:31 AM

الفله كم خذيتها
الحمدلله على السلامه
اسمع اذا تسوق ومعك رخصه خذ لك سيارة وتمشى عليها في طنجة ونواحيها
ترى بدون سيارة ما تنبسط بالمغرب


أرسلت بواسطة iPhone بإستخدام مزاعيط المغرب


الساعة الآن 03:32 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.