|
في حال طارىء طبي كفاكم الشر
السلام عليكم ورحمة الله وبركاته
اخواني الاعزاء تحية طيبة استفساري لو المسافر حصل له ظرف طبي سواء بسيط او طاريء ايش الاجراء مع المستشفيات بالمغرب تستقبل ؟ الخدمة الطارئة واذا ما معه تأمين طبي وكيف وضعهم المستشفيات بالمدن السياحية والاسعاف مجاني ؟ لان حصل لصديق ظرف طبي طارىء وهو بفرنسا وفكرت كيف الوضوع لو بالمغرب |
الوضع رايح فيها لكن اعمل تامين طبي للسفر وفي حال لاقدر الله حصل شي تعوضك شركة التامين
|
الموضوع بسيط وانا اخوك، اذا عندك تأمين طبي بالسعودية كلم شركة التأمين اذا يغطيك دولي.
اذا مافية فيه، ابحث عن شركات تأمين طبي دولي تقدر تأمن. انا قد صار لي ظرف صحي بطنجة ١٠ ايام حرارة وكحة وزكمة ولا اتحرك من سريري، كلمت السمسار وعطيته مفتاح الموتر وقلت له على المستشفى، وداني مستشفى خاص غير حكومي، الكشفية ٢٠٠ درهم وعطاني الدكتور علاجات ١٥٠ درهم ورجعت تمام الامور سهلات |
الله يحفظ الجميع ويبعد عننا الامراض
|
اقتباس:
تاخرت على نفسك المغرب يتوفر عيادات خاصه واطباء مشهورين تدخل على قوقل او تسال فكل مدينه خاصه مدن سياحية . وكشفيه زي ماتفضلت 200 درهم . |
يبعد عنكم كل مكروه
شكرا للمعلومات |
الأطباء في المغرب ممتازين جداً ، اصلا ما يعطونه رخصة مزاولة الطبابة في العيادة إلا لما يتأكدون منه
لما تشوف وضع المغرب الاقتصادي والطب عندهم تقولهم برافووو لكن عندنا الله يرحم الحال من الدول الغنية وقبل فتره كاشفين طبيب اسنان مصري في الأصل حق لياسه مزور شهاداته وجاي عندك يتعلم الشغلة اذكر قبل كم سنه جتني جروح غريبه في يدي والله العظيم رحت كذا عياده واخرتها استأصلوها بالليزر لكن بعد فتره رجعت وسببت لي ازمة لأن شكلها كان مقزز في اليد والحمدلله على كل حال وبعدها بفتره رحت مع الشباب لمراكش ورحت لصيدلية ولما شاف يدي قالي علاجك بسيط خذ هذا الكريم وحطه على الجروح ، ولله الحمد والمنه خلال كم يوم اختفت الجروح وزانت يدي ونفسيتي ، والمعروف في المغرب الادوية لديهم اوروبية لكن عندنا من مصانع الامارات ومصر والله يكتب الشفاء العاجل لكل مريض ويحمينا وياكم من جميع الامراض واسف عالإطالة |
اغلبهم كمل دراست الطب فرنسا ودول اوربية وخدم ورجع فتح عياده تدخل ذهب لشهرته.
مره فمراكش مريت على الروز لنشبه ليله ليت مامريت اصبحت صابتني حكه فيدي وبكرامه رجولي ومكان حكه قشر ابيض واقلق وادخل قوقل واحصل دكتور مغربي طلع شايب حياته فرنسا وعلاجات عنده فالعياده من اوربا جلديه فجيليز فوق الخطوط المغربيه . واروحله ويكشف قالي صابك جرب . افا جرب مره وحده مع البل اداويها عمره ماصابني وصفلي مرهم وعلاج وغسول يوم بعد يوم تداويت زي ماتفضل غانم مايعطونه تصريح اذا ماهو طبيب صح . واغلبهم المعروفين تاخذ رنديفو على قولتهم موعد عامره مواعيد . العيب فقط فمصحات الحكوميه تعيسه مشرحه . في مصحات خاصه فالمغرب يجونها من اوربا للعلاج وافريقيا . |
من رايي خذ معاك اعلي تامين صحي حاليا ما تدري عن الضروف و الله يحفضك
انا خذيت تامين يسمي بلاتيني يغطي نص مليون دولار في حاله دخول المستشفي وسعره بحدود ١٠٠ دينار كويتي |
اقتباس:
|
| الساعة الآن 03:48 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط