مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   قسم الاسئلة و الاستفسارات عن المغرب (https://www.mza3et.com/morocco19/)
-   -   الطريق الى مراكش 2022 عيد الاضحى (https://www.mza3et.com/morocco44609.html)

ziz1am 2022-06-18 04:39 PM

الطريق الى مراكش 2022 عيد الاضحى
 
السلام عليكم ورحمة الله وبركاته

تحيه طيبه للجميع من اعضاء ومشرفين واداريين ،،

بعد سنين من محاولات وتخطيط للسفر للمغرب وكل ما اصمل يحصل شي واكنسل صملت الان وحداني وان شاء الله تتيسر ولا اكنسل [emoji28]
لدرجه ان الخطه دخلت راسي قبل كم يوم والموعد المحدد قبل العيد امشي تقريبا 6 يوليو لمدة 16 يوم
بحكم تجاربي لعدة سفرات لدول مختلفه (ماعدا المغرب) وكلام كثير من الناس في الموقع او برا عن المصاريف والاسعار قررت مبدئيا حسب احتياجي وجوي وسعر الصرف الحالي 1500 ريال يوميا شامل (سكن ، اكل ، سياره او طاكسي ، فلّه) وطبعاً فوقها مبلغ احتياط للطوارئ

من خلال بحثي واستفسار من بعض المكاتب (مشكلتي وميزتي ما اثق بسرعه)
السكن :
في مراكش غرفه اقل شي شقه 900 درهم ودوبلوكس في مجمع 2000 درهم
السيارات :
اكسنت 450 درهم تقريبا ضعف اسعار العاده (بالسعر هذا لحالي اتوقع طاكسي اوفر واريح لي) [emoji849]
المصاريف اليوميه :
الاكل والقهوه للشخص 350 درهم كافيه جداً
السهر والفله :
من شخص لشخص تفرق لاكن قد تكلف من 1500 الى 3000 درهم باليوم

المدن او المحافظات الثانيه ما سعّرت ولا بحثت بعمق عنهم صراحه بس الاكيد انهم ارخص وافضل من ناحية الطقس (ابرد شوي)

الشي اللي قهرني ما لقيت تقارير سفر قريبه يعني اخر شهرين تفيدني لانه اتوقع الوضع تغير بعد رمضان وكورونا

حتى شروط دخول المغرب والله ما وضحت لي ناس تقول جرعات فقط وناس تقول لازم PCR وناس مو لازم
حتى حساب السفاره بحثت فيه كله رتويت ما لقيت شي

اتمنى من اللي عنده معلومه اكيده وجديده عن هالاشياء بشكل عام من اسعار وشروط يفيدنا ما بقى شي عالسفره ولا حجزت شي

ممكن يكون عندي خيار انزل دبي كم يوم واطلع من هناك بتكون عالخطوط السعوديه ترانزيت جده او الرياض وارخص من دايركت الرياض المغرب [emoji23]




Sent from my iPhone using مزاعيط المغرب

خالد الرياض 2022-06-18 08:22 PM

كل شي تمام وتخطيطك سليم الا السيارة غالية مررره اكسنت 450 !!

ماتتجاوز 270 درهم اذا موديل السنة هذي

عموما بالعيد باذن الله انا هناك اذا احتجت شي لايردك الا المنتدى

ziz1am 2022-06-18 08:56 PM

اقتباس:

المشاركة الأصلية كتبت بواسطة خالد الرياض (المشاركة 1176926)
كل شي تمام وتخطيطك سليم الا السيارة غالية مررره اكسنت 450 !!

ماتتجاوز 270 درهم اذا موديل السنة هذي

عموما بالعيد باذن الله انا هناك اذا احتجت شي لايردك الا المنتدى



فعلا غاليه ما لقيت الا مكتب واحد وثقت فيه نوعا ما بس غالي عشان كذا ممكن اخذ تاكسي اول يوم وبعدين افر براحتي على المكاتب واشوف بعيني

الله يعزك ما تقصر باذن الله تتيسر


Sent from my iPhone using مزاعيط المغرب

شايب حائل 2022-06-19 05:07 AM

أفضل لك ترا التكاسي رخيصه انا رحت مرتين ومافكرت استأجر سياره

Bnadol 2022-06-19 06:32 PM

انت من وين بتطير

ziz1am 2022-06-19 06:49 PM

اقتباس:

المشاركة الأصلية كتبت بواسطة Bnadol (المشاركة 1177340)
انت من وين بتطير



الرياض باذن الله


Sent from my iPhone using مزاعيط المغرب

Bnadol 2022-06-19 09:46 PM

انا تعاملت معى مكتب صراحه صدمنا على السياره ولا قالنا شي بس حك بسيط وماعكر مزاجنا بالرجعه وخلانا
بعدين اسعار العيد مادري اذا ترتفع ولالا انا اخذ منتجع بالنخيل غرفتين معى شغاله ب١٥٥٠
من مكتب البراده حتى ماتصلت عليهم ولا شي اول ماوصلت النخيل سألت عن مكتب البراده وصفولي واجرت منه خلها عالبركه وتمشي امورك
واذا احتجت اي شي كلمني خاص

Bnadol 2022-06-19 10:06 PM

وبخصوص اجرائات السفر الطيران اللي انت حاجز عليه روح واسئلهم لانه البوردنق مايقصلك الا انت مستوفي الشروط انا جاي قبل شهر فحص بي سي ار وثلاث جرعات او جرعتين وبي سي ار المغرب مالك دخل فيهم الطيران اذا قطعلك البوردينق روح ولاتحاتي معناها موضووعك تمام روح لاقرب مكتب او طيران واسئلهم هم يعطونك العلم الاكيد الطيران اذا عطاك البوردنق معناها امورك سليمه روح وانت مرتاح

ziz1am 2022-06-20 12:57 AM

اقتباس:

المشاركة الأصلية كتبت بواسطة Bnadol (المشاركة 1177399)
وبخصوص اجرائات السفر الطيران اللي انت حاجز عليه روح واسئلهم لانه البوردنق مايقصلك الا انت مستوفي الشروط انا جاي قبل شهر فحص بي سي ار وثلاث جرعات او جرعتين وبي سي ار المغرب مالك دخل فيهم الطيران اذا قطعلك البوردينق روح ولاتحاتي معناها موضووعك تمام روح لاقرب مكتب او طيران واسئلهم هم يعطونك العلم الاكيد الطيران اذا عطاك البوردنق معناها امورك سليمه روح وانت مرتاح



الله يشرح صدرك ويسعدك يا شيخ مشكور على الكلام الطيب
ما قصرت وافي الله يعزك [emoji1317]


Sent from my iPhone using مزاعيط المغرب

أبو سلمان 2022-06-20 07:09 PM

اهلا وسهلا بكم في مراكش واي خدمة أو إستفسار حاظرين 00212608469393هدا رقمي

Sent from my CPH1911 using مزاعيط المغرب mobile app


الساعة الآن 03:48 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2025 DragonByte Technologies Ltd.