|
زيارة للقاهرة الأربعاء 2 ماي 2023
السلام عليكم ورحمة الله وبركاته
صباح الخير يا وجيه الخير وشلونكم جميعا؟ الله يديم علينا وعليكم الصحة والعافية ما أبي أطول عليكم .. عندي سفرة لمصر (القاهرة) يوم الأربعاء القادم 2 ماي لمدة 5 أيام يومين شغل والباقي فلة وسعة صدر ابي نصائح من الخبراء لاهنتم .. شيكت على القسم هنا اغلب المعلومات قديمة منتصف 2021 وأقدم .. ابي شيء محدث وجديد ولا عليكم أمر وشلون القاهرة بشكل عام خلال هالفترة؟ وين أماكن التمشية؟ والسهر؟ ايضا التنقلات، والمطاعم والكوفيهات النظيفة مانبي التسمم!! الفنادق أعوذ بالله ناااااار من 1000 ريال وطالع... فهل احد يخبر لي شقة آمنة وتستقبل ضيوف. (يا ليت على الخاص للخصوصية) لا عدمتكم،،، |
لاتاخذ معك سوا فلوس سعوديه لانها في صرف احسن
اذا تبي فنادق ماريوت او فورمنت غيرها لاتفكر او شقق وصلت لك رساله تفاهم معه واتس ابس صوتي لانه مايكتب |
لاتاخذ معك سوا فلوس سعوديه لانها في صرف احسن
اذا تبي فنادق ماريوت او فورمنت غيرها لاتفكر او شقق وصلت لك رساله تفاهم معه واتس ابس صوتي لانه مايكتب |
تسلم اخي الكابوس
الله يعين شكل السفرة بتكون صعب وغامضة.. بسبب شح المعلومات وأيضا لوضع البلد لكن بتتسهل إن شاء الله |
عدد السياح السعوديين لمصر ١٤ ضعف عددهم في المغرب لذالك لاتستغرب الغلاء خصوصا ان السياح كلهم بالقاهره حقين الفله ماعندهم مدن ثانية زي المغرب
خذ معك دولار واصرف اشوف افضل فيه شقق كثيره اعتقد يأجرونها بالفين جنيه لكن مبطي عنها ومشاكل الشقق بمصر ماتنتهي خلك في فندق معروف احسن لك |
يعطيك الصحة اخي ضاري 2020
فعلا انا معاي (2500 دولار) وناوي اخذها هناك واصرفها.. بس وين افضل مكان للصرف في القاهرة؟ ابسكن في الماريوت اول يوم وبعدين اروح اشوف بعيني كم شقة قبل لا اتوهق .. وتنحاس وتتخوزق سفرتي |
مصر جيتها مره وماهضمتها زحمه وحر ووصاخة الشوارع وغلاء والطيور تتغلا عليك واخرتها صار معي تسمم من مطاعمها
بصراحه مدري وش لاقين فيها يمكن علشان الكيف ههه أرسلت بواسطة iPhone بإستخدام مزاعيط المغرب |
شيك على airbnb شف المدن الجديده وزايد بتسكن في فندق وبتدور واذا سبحانه مالقيت يضيع يومين من 5 ايام
أرسلت بواسطة iPhone بإستخدام مزاعيط المغرب |
الله يسعدك أخي الرويلي ٢٠٢٠
تذكرت سالفة واحد راح سفرة لاسبانيا وأول مرة بحياته يروح لأوروبا .. المهم الشباب خوفوه من لحم الخنزير وايضا زيوته مخلوطه بأغلب الأكل اللي هناك.. المهم الرجال لما وصل اسبانيا وقفوه حقين الجمارك .. الحبيب ما خلا معلبات ما ضفها معه تونة قشطة زيتون حلاوة طحينية ووقفوه علشانه ماخذ معاه صامولي وخبر وماعليه اظن اختام او تاريخ صلاحية .. المهم هو يقول العالم رايحة من عندي وهم يتضاحكون علي ويقول أنا همي لا ينطلون اكلي .. ومشت اموره فشكلي بسوي مثله باخذ معاي نواشف والا اشتريها من هناك .. مشكلة قضية التسمم .. وحنا يا السعوديين والخليجيين عموما جهازنا الهظمي على قد حاله مهوب زيهم ماشاء الله عليهم الله لا يضرهم يطحن الزلط على قولتهم |
مرحبا بك اخوي اكدال
عزالله انك صادق الرحلة كلها على بعضها ما تجمل لكن الشكوى على الله بجرب الairbnb كود القى شيء مناسب.. لكن اخاف يطلع زيد اخو عبيد تتسهل بإذن الله |
| الساعة الآن 03:40 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط