|
الخطوط السعوديه افضل توقيت وصول ومغادرة من المغرب
سلام عليكم
موضوع مواعيد الوصول الى مطارات المغرب موضوع صراحه محير جدا بكل صراحه سافرت على جميع شركات الطيران الخليجية .. لكن مافي زي حلاوه الرحلات المباشره تركب الطياره ودعسه وحده وانت واصل وجهتك علشان كذا دائما افضل الخطوط السعوديه في سفراتي حتى وان كان سعرها مرتفع. بالنسبه للخطوط السعوديه لا يوجد رحلات مباشره من الرياض في ساعات الصباح الاولى .. تنجبر على رحلة الظهر الساعه ٢ وللوصول غالبا يكون متاخر الساعه 8 مساءا احسب ساعه في المطار من انتظار الشنط اجراءات استجار سياره وتحويل وفتح حساب يعني تطلع من المطار ٩ ولا ٩ ونص … خلص اليوم !! بحكم ان اغلب المزاعيط يسافرون جنوب ولا شمال المغرب يعتبر هذ يوم الوصول هذا ضائع عليك لانك بتوصل وغالبا راح تنجبر تاخذ لك فندق في كازا علشان تنام فيه من بكره تمشى الى وجهتك. جربت رحلة جدة كازا الاقلاع الساعه ٢ فجرا . والوصول الساعه ٧ صباحا نقول انت تطلع من المطار الساعه ٨ ونص من افضل الرحلات صراحه توقيتها جدا بطل خصوصا غالبا راح تنجبر تنام في الطياره حتى لو ما كنت من النوع اللي ينام في الطياره وصولها جدا بطل اول شي مافي زحمه ثاني شي توصل الصباح بدري وانت شبعان نوم بالطياره اليوم كامل قدامك يعني يمديك تمسك خط وتوصل وجهتك وتنام وتصحى ولسه اليوم كامل معك. بحكم اني من الرياض عيبها بالنسبه لي ترانزيت جدة . بالنسبه للرحلة العوده افضل رحلة يوم الخميس المغادرة الساعه ٩ مساءا والوصول الجمعه الساعه ٥ فجرا الى الرياض ما ادري هل في اوقات ثانيه كانت موجوده قبل خصوصا من الرياض |
الخطوط السعوديه افضل توقيت وصول ومغادرة من المغرب
الذهاب جده العودة الرياض
الخطوط السعودية فقط هاذا افضل توقيت توقيت الرياض بالذهاب سئ جداً |
اقتباس:
فعلا اخوي مشعل هذا افضل خط سير للي ناوي يطلع من الرياض. توقيت الرياض بالذهاب سئ جدا وكذلك توقيت العودة الى جدة اسوء تخيل رحلة كازا جدة الساعه ٧ الصبح !!! |
اقتباس:
اما رحله الصباح ان كنت تسكن فندق فغالبا دخول الفنادق يبداء 3مساء والمغادره 12 وان تكرم ادخلك 2 مساء خطاء فى تلوين الاقتباس المعذره |
السلام عليكم
الوصول المبكر الصباحي حلو لمن وجهته طنجة أو مراكش أوأقادير وخاصة اللي عنده جلد ، يكون مرتب أموره مع العصر ويبدأ يومه وما يضيع وقته اللي محسوب عليه في الأجار وكذلك في الرحلة ربما أما اللي وجهته كازا وماحولها فالمبكر غير مجد مثل ماقال اخونا العزيز الدخول على 2 . خطط حسب توجهك وخذ احساب الظروف في التأخير لا التقديم (لاتقلق) . هذا رأيي الشخصي قد لايناسب أشخاصا وكل حسب أهدافه . ربي يوفق الجميع لما فيه الخير والصلاح . |
اقتباس:
حياك ابو رشاد… اتفق معك و من خلال تجربه سابقه الفنادق غالبا تستاهل معك اذا كنت قريب من الساعه ٢ الظهر .. يعني مثلا تجربتي مسكت الخط من مطار كازا الساعه ٨ الصبح غالبا راح توصل اكادير ١٢ونص او ١ توقيت جدا ممتاز اكيد انك بتمر كارفور قبل السكن بتقضى وبعدها تتغدى يعني دخولك راح يكون ٢ وقت التشك ان. |
اقتباس:
عليكم السلام حياك سعد .. فعلا الوصول صباحا خصوصا للي وجهاتهم طنجة واكادير راح تفيدهم كثير حتى مراكش بعد |
السعوديه ماعندهم الا العوده الي مباشره للرياض
الذهاب مستحيل اخذها الاخوان اعداء الترانزيت اذا سفرتك لشغل ابو يومين معذور اما الباقين لاتصيرون مثل الي صبر على فرقى اهله 5 سنين ويوم اقبل عليهم وشافوه وشافهم قعد يركض ماتفرق ترانزيت ساعتين تتبضع وتتن ووصول حلو يخدمك المصريه من الرياض وصولها لكازا 12:50 الظهر العوده اقلاع 1:50 الظهر توافق تسجيل الدخول والخروج فنادق وحلوه للي عنده خط قطار والبزنس عندهم ب 5000 ريال واعلى شوي تأكد ان كل الرحلات على ms عشان ماتنحط في صاله خايسه أرسلت بواسطة iPhone بإستخدام مزاعيط المغرب |
اقتباس:
هلا اخوي اكدال الخطوط السعودية فيها ذهاب واياب بدون توقف يوم او يومين بالاسبوع من الرياض. الى الدار البيضاء…. فقط خذ درجة اعمال وحط راسك نومه الى ان تنزل لمطار محمد الخامس وانت مصحصح وامورك بالتمام بالا قروشة هبوط وصاله ثم اقلاع . الخوف لايمنع الموت ولكنه يمنع الحياة. |
اقتباس:
رحلة الذهاب، عيوبه ما تقدر تداوم لازم تصير في المطار ١١ الصباح و موعد وصول سيء ما يمديك تسوي فيه شيء لا تتقضى و تزبط امورك . يوم كامل راح عليك هباء منثور. رحلة العودة، موعد اقلاعها مناسب لكن لا تنسى وصولها متأخر جدا مستحيل انك تقدر تداوم الا اذا قدرت انك تنام في الطيارة. المحصلة الخطوط السعودية من الرياض من رأيي تضييع وقت، يضيع عليك يومين للأسف الميزه الوحيده ان الترانزيت ممكن لا سمح الله يتأخر او تصير عليه مشكله و ضياع شنطه عشان كذا اخذ معي شنطة صغيره ( carry on) فيها كم غيار. Sent from my SM-N981B using مزاعيط المغرب mobile app |
| الساعة الآن 09:26 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط