في داخلي زعطه
السلام عليكم ورحمة الله وبركاته مزعوط يعشق هوى الاطلس .. يرحب بجميع المزاعيط اللي كتبت لهم الاقدار الابتعاد المؤقت عن المغرب وهواها وسماها .. في داخلي زعطه حبيت اعبر عنها في قصيده متواضعه كتبتها وانا ماني بشاعر ولكنها محاوله خجوله وكلام طلع من القلب واتمنى انه يلامس قلوبكم .. من منا لا يعشق المغرب؟ بسلبياتها و مشاكل السكن و سووء المعامله في بعض الاحيان .. من منا ما يحب يتعب لجل يرتاح .. من منا ما تأثر بعد ما رجع منها .. آخر حل وما فيه غيره .. نقدم استغاله جماعيه ونهاجر للمغرب بلا عوده :20: اضع ابياتي بين ايديكم و اتمنى انها تنال اعجابكم .. اكيد في كسور في القصيده وماهي موزونه 100% اربع شهورٍِ وانا انـاظر الشنطــه .. القلب ضايق و الوله صوبهـم زاد تعبان قلبي مثل ما راعي الجلطه .. مايفيدني طبٍ ولا وصف ومضـاد وانا عاتبوني قلت ابد ما هي بغلطه .. الغلطه اني اسمــع لقول نقــاد وش حيلتي لا صار عشقي لها ورطه .. والروح ذابت في هوى ذيك البلاد احلى من الورده واشهى من القشطه .. وعشقي لها فـ داخلي ماله ابعاد كتبت شعري وانا في داخلي زعطه .. مثل الذي ما لقى له شربٍ وزاد لا بد من حيله ولا بد من خطه .. تخلي الوصل صوب المحابيب ينعاد تحياتي |
رد: في داخلي زعطه
ههههههههههه صح للسانك يا الغالي و فالك البيرق خخخخ والله كلنا نناظر الشنطه و اعتقد ان ساعه الزحف قد حانت دقت ساعه العمل دقت ساعه الزحف يا بين تحياتي الحاره لك موضوع رائع |
رد: في داخلي زعطه
صح لسانك
وفالك المليون ما شاء الله قصيده معبره والوزن ما الومك فيه اكسر البيت لين ينجبر خاطرك من الزعطه وابشر بالخير قبل لا تسافر بلغني اما خاويتك والا دزيت وصيه معك هناك |
رد: في داخلي زعطه
مافيك حيلة وفالك تذكرة تخفف من الزعطة ديالك |
رد: في داخلي زعطه
اقتباس:
هلا والله لمصطي شرايك فيني .؟ مافي فرق ما بيني وبين ابن فطيس هههه :5n: روح والقلب داعي لك وان شاء الله انا في اقرب اجازه لاحقك : (151): |
رد: في داخلي زعطه
اقتباس:
الله يبشرك بالخير واتشرف بمخوتك يا بعدي |
رد: في داخلي زعطه
ههههههههههههههههههههههههه هههه صح لسانك أخوي ولام الله من لامك . والله ينولك إللي في بالك تقبل مروري عزيزي |
رد: في داخلي زعطه
اقتباس:
المشكله وانا اخوك الدوام والضغط اللي انا فيه حاليا .. : (99): طلعت عيوني وانا اكرف وما عندي غير الويك اند والله احلم باجازه اسبوع بس لكن ما في الايد حيله :dunno: |
رد: في داخلي زعطه
اقتباس:
صح لسانك يالغالي والله يسمع منك : (75):نورت الصفحه |
رد: في داخلي زعطه
صح السانك وفالك البيرق
|
الساعة الآن 06:40 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط