مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   القائمه السوداء (https://www.mza3et.com/morocco39/)
-   -   تحذير من السمسار امين ضروري (https://www.mza3et.com/morocco7496.html)

محمد القريشي 2011-11-13 12:34 AM

تحذير من السمسار امين ضروري
 
السلام عليكم ,,



اخواني الي يروحون للرباط وبالاخص القهوه الصفراء والقهوه الخضراء وشارع فال ولد عمير ..

في واحد سمسار اسمه امين ابيض وقصير ونحيف مرره شايل الشنب والدقن بس التفله مخليها

انتبهوووو منه <<<<<<

طبعاا انا اتكلم عن نفسي وصار لي الموقف الي بتكلم عنه المهم :

قمت من القهوه الصفراء رايح للشقه ولحقناا هذا السمسار امين وسلم عليناا وقال انتم من الخليج

قلناا ايه من الخليج وصاار يمدح فيناا ويقول والله احبكم ومدري ايش وقااال لناا انا سمسار واسمي

امين والي تبونه موجود قلناا لا يعطيك العافيه ما نبغا شي المهم صاار يلز علينا


وانتهاا النقاش ورحنا للشقه وجاء بكره ورحناا للقهوه الصفراء نبي نشرب كوفي

وسبحان الله شفنا امين السمسار بدون ما نتصل عليه

ورحنا للشقه وقال صاحبي للخادمه بكره لا تتصلي على احد
بس ما قلناا له وين الشقه وقاالت لناا انتبهوو منه هاذا واحد كذاااب وحيوان

وصاارت تقوول لناا قصص عنه وعن صديقاتهاا الشغاالات ومن اهم القصص ؟


و يتفق مع احد من اصدقائه في الدرك الملكي او الامن الوطني ويخليه يداهمك

وجيك ويسوي انه يحل المشكله ويقول لك اتفقت معه بس يقول ما راح يخليك الا 5000 دولار

ويجيك يومياا الى الشقه ويقول عطني اكراميه ويطفشك

المهم اكثر من كذا قصه قالتهاا لنا الشغاله طبعاا شغالتنا لهاا اكثر من 15 سنه تعمل في هاذا المجال

وصراحه خفناا وحذفنا رقمه ..

وجاء اليوم الثاني الساعه 2 الظهر وصاار يدق علي جوالناا لين ردينا عليه وقلناا له خلاص الله يستر

عليك مانبي منك شي وسكرناا السماعه في وجهه وصار يدق لين كلمته الشغاله وصاارت تسبه

وتقول له وش تبي خلهم في حالهم وصاار يسب وسكرت في وجهه ..

وصاار يرسل رسايل تهديد ومدري ايش وبعض الكلام الوقح ومن الكلام الي اثارني انه يقول

بخليكم لين.............واتصل على الشرطه تداهمكم .

وبعدهاا كسرت الشريحه على شان يحسبني رجعنا للسعوديه وما يسبب لنا اي ازعاج

وبعدهاا القهوه الصفراء ما جيناهاا مره لان لو جيناهاا ويشوفنا راح يلحق ورانا واحنا ما ندري

ويعرف وين ساكنين ويسبب لنا مشاكل ..


حبيت اذكر لكم اسم السمسار على شان تاخذون الحذر منه والحمد الله فكناا الله من شره

ورجعناا الى وطننا ولم يصير لناا اي مشكله .. وترى دايم موجود في شارع فال ولد عمير

وحول القهوه الصفراء والخضراء ../




تقبلو مشاركتي

محمد القريشي 2011-11-13 12:56 AM

رد: تحذير من السمسار امين ضروري
 
هاذي القصه قبل العيد بــ ثلاثة ايام قريباا جدااا

وهاذا اخر اربعة ارقام من جواله 0678

Rabe7 2011-11-13 12:58 AM

رد: تحذير من السمسار امين ضروري
 
يعطيك العافيه ( ديالنا ) يامحمد على التحذير ..

وياليت أخوي تشيك على قوانين المشاركه بالمنتدى ..

عشان تتجنب الوقوع في بعض الملاحظات ..

محمد القريشي 2011-11-13 01:20 AM

رد: تحذير من السمسار امين ضروري
 
كداير اخوي

اسف اخوي ( Rabe7 ) ما انتبهت

بس حبيت اشرح القصه بالتفصيل على شان تنفهم بالزاف

تقيل مروري :

غريب25 2011-11-13 01:28 AM

رد: تحذير من السمسار امين ضروري
 
الله ستر عليكم وحمدالله علي السلامه وهذا للاسف مواقف تصير في السفر
ومشكور علي التنبيه

اجودي 2011-11-13 05:18 PM

رد: تحذير من السمسار امين ضروري
 
الله يعطيك العافيه على حرصك على اخوانك المزاعيط وتنبيههم ..

شكر لك ..

محمد القريشي 2011-11-13 05:23 PM

رد: تحذير من السمسار امين ضروري
 
شكرا لكم على المرور الجميل ..

ولولا خوفي عليكم كان ما كتبت الموضوع

بس صراحه شي شفته وجربته احاول افيد غيري لكي لا يطيح فيه .

كابتن فهد 2011-11-13 08:16 PM

رد: تحذير من السمسار امين ضروري
 
اقتباس:

المشاركة الأصلية كتبت بواسطة Rabe7 (المشاركة 116619)
يعطيك العافيه ( ديالنا ) يامحمد على التحذير ..

وياليت أخوي تشيك على قوانين المشاركه بالمنتدى ..

عشان تتجنب الوقوع في بعض الملاحظات ..

اسمحلي يا مديرنا انا احب اكد على الكلام الي انقال هذا الشخص معروف في اكدال ويلاحق الطيييور وياخذ ارقامهم وبعدين يقول حق الشباب انا عندي حاجات حلوة بصراحة انا من رواد ارباط ولا مرة عطيتة وجة يجي كم جنبي يتلصق اشوتة على طول ويحاول يتعرف ما ارد علية.
شكلة ابيضاني وقصير ودايما يدور عند القهوة الصفراء احذروا منة يا مزاعيط: (440):

الولهان 2011-11-13 11:27 PM

رد: تحذير من السمسار امين ضروري
 
ومشكور علي التنبيه :icon30:

تكفيني الذكرى 2011-11-15 12:54 AM

رد: تحذير من السمسار امين ضروري
 
الله يعطيك العافية ديالنا على قولت المزاعيط ياربع تلاحظون في الأاونه الأخيرة صارت مشاكل في المغرب بل في الوطن العربي هذا الجشع والطمع ولاأستغفال من عينات ماله داعي يكرهون الواحد في السياحه في البلادان العربية ياربع بقول لكم حاجة ولاحد يزعل خاصه المشرفين عليكم بأروبا والله يقدرون السايح ويحترمونه بشخصيتيه لابجنسيتة ولافي المشاكل الي كل يوم نسردها في الموقع اسئل مجرب وبتوفيق انشاء الله للجميع


الساعة الآن 11:13 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.