|
تقريري رحلتي الى كازا ومراكش
سلام عليكم اخباركم يامزاعيط المغرب ان شاء الله بخير المهم بطب ببطن الموضوع هذا سلمكم انا اسمع عن المغرب كثير واجوائها وفلتها وبنفس الوقت اسمع التحذير والمخاطر المهم انا كنت ناوي الفلبين بس لي صاحبي اشغلني نبي المغرب نبي المغرب قل تم المهم عطيته ووعد وضبطنا امورنا وحجزنا طبعا لا انا ولا صاحبي عمره راح للمغرب هو سال بطريقته وانا بالمنتديات الف وادور يعني اخذت فكره معقوله شوي وتواصلت مع النجم الاول الي ماقصر بكل شي من اساله وارقام وكل شي حقيقه ريحني كثير المهم وكلمت ولد عمي قلت خوي هو طبعا يدرس ببريطانيا المهم قلب اموره يمين يسار لعله وافق وحجز المهم ضبطنا امورنا انا وصاحبي وركبنا الطياره المغربيه ووقفت بجده ساعه ونص تقريبا وبعدين على طول لكازا المهم وصلنا لكازا ولقيت ولد عمي ودخلنا للمطار طبعا قايل لصاحبي انتبه تدفع اكراميات الا للضروره تعرف ماودكم تعودهم المهم مشت الامور يعني تعامل حقين المطار اعتبره جيد جدا ولقينا وولد عمي يعني عددنا ثلاثه سلمنا عليه اخبارك العلوم يلا مشينا وحذرتهم من كلمه الله يعطيك العافيه بس مافاد التحذير خصوصا ولد عمي كل من شافه وكلمه الله يعطيك العافيه بعدين اتدخل انا ترى قصده الصحه ههههههه صراحه عجزت اعودهم هههههههههه المهم حنا واعدين وحده الله يذكرها بالخير معها سياره وحاجزه لنا سكن لقينا وسلمنا اخباركم علومك وركبنا سيارتها طبعا صغيره مره سيارتها تقول تراها فطفوطه ترى ماتشيل اغراضكم قلت ماعليك تدبر ونضبط الامور وركبنا طبعا مواصلين بس مع الوناسه طار النوم ونتفرج على السيارات والشعب قلت لو سمحتي نبي سوق مرجان نبي نشتري اغراض ورحنا للسوق المرجان ودخلنا طبعا عيون الشباب الي معي تفرج مستانسين على الاخر قلت يلا ياشباب عجلو شوي حتى نريح وشرينا شرايح مغربيه واغراضنا ومشروباتنا ...... طلعنا من السوق ورحنا للشقه قريبه من سوق التوين امام المدرسه الفرنسيه يعني تبعد تقريبا عن سوق التوين من سبع دقائق الى عشر دقايق وقفنا السياره ونزلنا للشقه وجت صاحبه الشقه كانت كبيره شوي بالعمر دخلنا للشقه ونتفرج كانت دورين الشقه نظام درج معلق خشبي يعني الدور التحتي صاله ومطبخ ودوره مياه الله يعزكم وفوق غرفتين ودووره مياه اعزكم الله بعد ماشفناا الشقه جاء الاتفاق جلسنا انا وصاحبتنا الي جايبتنا وصاحبه الشقه كم السعر قالت الف وميتين درهم وقالت اذا اخذتو ااربع ايام وزياده انزل لكم طبعا الي يقول خلينا ناخذ انا طبعا رافض انا اخذ اكثر من يوم علشان ماتتوهق هذا نظامي باي بلد كان مستحيل ادفع اكثر من يومين تعرف ماتدري وش يصير عليك حتى لو زاد السعر عليك شوي بس يمكن تبي تطلع ماعجبك حصلت احسن منها بعدين تتحسف وتنكب هذي نصيحه اشوف انها مناسبه وخصوصا بالدول العربيه المهم مالكم بالطويله قلت انا ابي يومين قالت خوذو ايام كثير ارخص احسبها لكم ب1000 قلت والله مادري يمكن مايعجبنا الوضع ننزل مراكش ويمكن ننكمل بس الان نبي يومين بس قالت اوكي 1200 قلت اوكي كان تعاملها جدا ممتاز طبعا كان لي شرط وخبرتها قبل انه الضيوف يدخلون قالت عادي بس الازعاج ولايكون الصوت عالي قلت لاتخافين من هالناحيه قالت اوكي عطيتها حق يومين وسلمتنا المفتاح ونزلنا اغراضنا وقلت لصاحبتنا مشكوره وماقصرتي وعطيتها 1000 درهم تستاهل صراحه البنت جدا مؤدبه وصدوقه وخاطرها سمح طبعا رفضت هي قلت هذا حقك فاصل ونواصل المعذره على الاخطاء الاملائيه |
رد: تقريري رحلتي الى كازا ومراكش
الخيال يعطيك العافيه عزيزي و اهلا وهلا بك معنا و اتمنى انك استمتعت في رحلتك و ننتظر تفاصيلها بكل شوق مــــتـــابع .. |
رد: تقريري رحلتي الى كازا ومراكش
متاااااااابع
لا تتأخر علينا |
رد: تقريري رحلتي الى كازا ومراكش
بداية موفقة أخي الخيال الأصفر وسرد جميل ورائع للتقرير واصل يالغالي وبإنتظار بقية التقرير التقرير يثبت ويستحق المتابعة |
رد: تقريري رحلتي الى كازا ومراكش
شكررا لمروركم نورتو الصفحه نعود بعد الفاصل وبعد ماحاسبنا الشقه يومين طبعا ومشت صاحبه الشقه والي جابتنا من المطار تعرف الواحد توه واصل بدينا نظبط امورنا وملابسنا ونصف اغراضنا تعرفو حماس ووناسه تعب كل شعور فيك وقت واحد والي يتروش والي هذا سريري والي هذا دولابي هههههههههه المهم ظبطنا كل شي قلنا ناخذ غفوه طبعا الوقت كان تقريبا اخر العصر تعرفون تسدح الي غمض له شوي والي مانام يوم صار تقريبا تسع ونص تلبسنا هاه يالربع شرايكم وين نروح ونتشاور طبعا ماحد من سبق انه جاء وانا صاير الدليله حقهم عز الله الي ضاعو قلت تراي مثلي مثلكم بس جايب لكم بعض الاماكن مسجلها بجوالي هاه وين قلت اقرب شي لنا الديوان لبسنا ونزلنا مدرعمين على الاقدام ونسال عنه قريب هو طبعا واقول للعيال احفضو الطريق زين عشان نرجع ونتفرج على هالشعب المهم دخلنا الديوان ونجلس كان فيه خليجين بس قليل يمكن جلستين خليجين وكبار بالعمر والباقي غزلان المهم ونجلس ونتناظر وش الوضع ياولد نبي نضبط صراحه كلنا جدد ولا ودنا نتوهق على طول المهم بدينا بلوتوثات ويمين يسار نص ساعه اخذنا على الوضع اي غزال يجوزلك طب عليه وخذ رقمه بلا بلوتوث بلا هم جلسنا يمكن ساعتين يوم ضبطنا امورنا طلعنا للشقه وكل كلم الي الغزال الي هو مواعد وكملنا سهرتنا بالشقه طبعا لازم تصير حذر وضيوفك جايين للشقه تشوف الشارع لاتخلي احد يدخل لمين تتاكد من الشارع اذا مافيه شرطه ابد خصوصا اوقات الليل من ثنتين ونص الى اربع تكون الشرطه شغاله بشكل قوي نمنا قمنا وبعدين طلعنا لشاطي عين ذياب صراحه جدا ممتاز بس يشغلونك الي يشحذون فلوس بالاخير بدينا اذا نقصر اصواتنا وحنا نسولف عشان مايدرون ان خليجين على الاقل نصهم مايدري والي يجيك لاترد عليه ولا تعطيه فلوس اذا عطيته جاك الف واحد لانه صار لنا موقف مع ولد صغير جانا يشحذ وعطاه الي معي عشرين درهم بعدين نشب نشبه لنا بالاخير وش سوا الحيوان بدا يسب ويشتم المهم انا وحنا معطينه بعد صراحه بالاخير طوله مسكني من عند ايدي سحبني جيت ابضربه بالاخير قلت ياولد ماتدري وش وراه هذا ماتجرأ الا انه معاه احد المهم بالاخير قلت طنشوه بس صراحه قهرني قهر سب وشتم عيني عينك جلسا يوم غابت الشمس اخذنا تاكسي وسالت التاكسي عن سالفه الولد قالي لو انت ضاربه كان داخل مشكله هذا غالبا يصير معاه مجموعه زي العصابه تصير لك مشاكل ولا تجي الشرطه عاد وش يفكك منهم صار توقعي صحيح عاد مادري عن صاحب التاكسي هو صادق ولا يكذب بس الحذر مطلوب ماهما كان انت غريب وسائح ماتبي مشاكل بعد مااودانا للشقه تسدح شوي عقب المشي فاصل ونواصل:msn-wink::msn-wink: |
رد: تقريري رحلتي الى كازا ومراكش
هلا عزيزي,,, تقرير ولا أروع اخوي ميشو:shade: واصل ياكبير وسجلني متابع معك بعنف,,, تحياتي وأشواقي,,, |
يسلمو على التقرير ننتظرك
|
:blow: سلام عليكم نعود ياحبابي الى اكمال التقرير بعد مارجعنا الى الشقه وريحنا طلعنا وطبخنا الكبسه بالشقه وتلبسنا وطلعنا يمكن الساعه عشر ليلا من الشقه مرينا الديوان ومن الديوان الى دسكو البلاك هاوس وسهرنا فيك ذيك السهره يحبه فؤاد فؤادك صار بكرى الصبح ضفينا اغراضنا ولمراكش وحجزنا بالنخيل اسبوع وكان سعره 1300 درهم حقيقه حلو النخيل من ناحيه الامان يعني نظافته لاباس خدمته معقوله حقيقه مراكش تمتاز بتعامل اهلها افضل من كازا بكثير صحيح طبيعه عاديه جدا لاكن راحه نفسيه افضل من كازا هذا طبعا من وجهت نظري المتواضعه الاماكن السياحيه بمراكش ساحه الفنا ابرز الاماكن حقيقه حلوه جدا بس ساعه ونص تكفيها معلومات عن الرحله عدد الاشخاص ثلاثه تكلفه الرحله لي شخصيا تقريبا 12 الف ريال مع التذكره التذكره 2300 سعودي نصائح اخوي احرص على السكن الامن قبل اي شي ولاتدفع اكثر من يومين مهما كانت المغريات لاتبين انك اول مره تجي للمغرب وخل اتفاقك مع التكاسي ومع اي شي اول باول حتى ترتاح من وجع الراس بالاخير انطباعاتي حقيقه المغرب بلد جميل وبنفس الوقت بلد غريب لاتعرف مالسبب لاكن الي اقدر اقولك انه فيه وناسه وسعه صدر فوق ماتتصور وهذا اختم تقريري الى رحله المغرب التي كانت من اجمل سفراتي واسفين على الاطاله:flex: |
الخيال تقريرك خيال
الف شكر |
أشكرك يا أخي الخيال الأصفر موضوق جميل ورائع ومشوق |
| الساعة الآن 10:08 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط