مساكم الله بالخير. انا سجلت بالمنتدى بس عشان ارد في هذا الموضوع. حبيت اشارككم رأيي وكلامي بناء على تجربة بالدبليو.

أولًا لازم الواحد يفرق بين السهر والصيد. وهالشيئين عادة يختلطون بأغلب أماكن السهر بالعالم ولكن يطغى واحد منهم على الثاني في أماكن معيّنة. النوعية الاولى تسهر تبي تنبسط وتفلها واخر همه الطيور (راعي مزاج) , والنوعية الثانية ناس عيونه رايحه جايه على الطيور وتلقاه ما يجلس بطاولته رايح جاي على الطاولات المجاورة وجواله بيده وما يعرف وش الاغاني الي قاعده تشتغل اصلا (وبالاخير يجي يقيم دي جي ربما!). الي يكره النوعية الثانية لا يطب W
لأن اغلبه هيلق وكثير تلقاه ماله بالعصير اصلا ومنزل طاولة بالبست. يعني هذا ليش جاي؟ جاي من المطار سيدا للدبليو. ليش؟ والله ما استغرب ان مثل هذا يستغل.

ما ننكر حق هالكلوب إنه متميز بأشياء كثيرة أولها وأهمها شهرته وشعبيته الطاغية.
ثانيًا جمال ووفرة الطيور. ثالثًا جو الطابقين والاضاءات جميلة وتقدر تقول عصري أكثر من غيره على الاقل في مراكش (شبابي). لكن للاسف نص الموجودين مو طاقين خبر لهالاشياء وجايين للطيور الي فيه.

نجي لسالفة الاسعار
لازم تعرف ان الاسعار هذي هي قيمة طاولة + الي فوقها + (حرية التصييد داخل)
الي حط هالاسعار يشوف ان الطيور عنده اجمل من الي عند غيره وبكذا يرفع الاسعار.
وبالاول والاخير انت مو ملزوم تروح له.

عن نفسي ادخله بتيكيت. اجلس لي نص ساعه واقول اذا عجبني الجو بجلس. وللأمانه ولا مرة عجبني الجو (تحوم كبدي من الزباين مو من المسؤولين أبدًا ما قد صارت لي مشكلة معهم للأمانة) وجلست دايم اطلع اسهر بمكان ثاني. إلا عن الحلف مرة سهرت لقيت صاحبي بالصدفة ولزم علي اكمل السهرة معه.

نصيحة لرواد الدبليو: خل عنك البرستيج وانت جاي وانزل وقف سيارتك بنفسك في هذا فايدتين: اسرع لك بالخروج والثانية ما اضمن احد يركب سيارتي غيري.