ديسكو W ( دبليو ) مراكش استغلال وتعامل سيء

مساكم الله بالخير. انا سجلت بالمنتدى بس عشان ارد في هذا الموضوع. حبيت اشارككم رأيي وكلامي بناء على تجربة بالدبليو.

أولًا لازم الواحد يفرق بين السهر والصيد. وهالشيئين عادة يختلطون بأغلب أماكن السهر بالعالم ولكن يطغى واحد منهم على الثاني في أماكن معيّنة. النوعية الاولى تسهر تبي تنبسط وتفلها واخر همه الطيور (راعي مزاج) , والنوعية الثانية ناس عيونه رايحه جايه على الطيور وتلقاه ما يجلس بطاولته رايح جاي على الطاولات المجاورة وجواله بيده وما يعرف وش الاغاني الي قاعده تشتغل اصلا (وبالاخير يجي يقيم دي جي ربما!). الي يكره النوعية الثانية لا يطب W
لأن اغلبه هيلق وكثير تلقاه ماله بالعصير اصلا ومنزل طاولة بالبست. يعني هذا ليش جاي؟ جاي من المطار سيدا للدبليو. ليش؟ والله ما استغرب ان مثل هذا يستغل.

ما ننكر حق هالكلوب إنه متميز بأشياء كثيرة أولها وأهمها شهرته وشعبيته الطاغية.
ثانيًا جمال ووفرة الطيور. ثالثًا جو الطابقين والاضاءات جميلة وتقدر تقول عصري أكثر من غيره على الاقل في مراكش (شبابي). لكن للاسف نص الموجودين مو طاقين خبر لهالاشياء وجايين للطيور الي فيه.

نجي لسالفة الاسعار
لازم تعرف ان الاسعار هذي هي قيمة طاولة + الي فوقها + (حرية التصييد داخل)
الي حط هالاسعار يشوف ان الطيور عنده اجمل من الي عند غيره وبكذا يرفع الاسعار.
وبالاول والاخير انت مو ملزوم تروح له.

عن نفسي ادخله بتيكيت. اجلس لي نص ساعه واقول اذا عجبني الجو بجلس. وللأمانه ولا مرة عجبني الجو (تحوم كبدي من الزباين مو من المسؤولين أبدًا ما قد صارت لي مشكلة معهم للأمانة) وجلست دايم اطلع اسهر بمكان ثاني. إلا عن الحلف مرة سهرت لقيت صاحبي بالصدفة ولزم علي اكمل السهرة معه.

نصيحة لرواد الدبليو: خل عنك البرستيج وانت جاي وانزل وقف سيارتك بنفسك في هذا فايدتين: اسرع لك بالخروج والثانية ما اضمن احد يركب سيارتي غيري.

وجهة نظر تحترم واتفق معاك في اغلب ماذكرت .
لكن ماعجبتني كلمة هيلق وتحوم كبدي من الزباين !!
بخصوص البرستيج في مواقف السيارات والله صدقت الكثير عاجبه هالجو واعتبره ذكاء من w ..
كبرستيج اول مرة دفعت لاني كنت مااعرف النظام لكن بعد ماعرفت ان السيارات توقف في مواقف المول رحت المره الثانية وقفتها بنفسي تحت وفعلا سرعة في الخروج والحساب مدري 10 او 15 درهم واول مرة عطيته 100 درهم عشان لايخرب برستيجي هههه

اشكرك علي كلامك والله هذا اللي كنت بكتبه بس ما حبيت يطول الموضوع ويصير فيه مشاحنات
نرجع ونقول كل انسان وهواه واللي يجوز لك يمكن ما يجوز لغيرك والعكس صحيح الواحد ما يحط نفسه حكم علي العالم ويقيم ويرفع هذا وينزل هذا انتقد لكن بأنتقاد موضوعي مو تنتقد بفوقيه وكأنك احسن من كل هالموجودين وتوجه لهم مفردات لا تليق
تحياتي للجميع