لاتقارني بغيري تربط الناس بمصيري. مخيطو في طنجه

رووبن

مزعوط جديد

المشاركات: 6

تاريخ التسجيل: Jan 2011

2012-04-30, 03:16 AM

المشاركه #211

رد: لاتقارني بغيري تربط الناس بمصيري. مخيطو في طنجه

يالبىىىىىىىىىىىىى طنججججججججججججه فديييييييييييتها ياناس .... جاااااااااايك جاااااااااااايك ان شاءالله ..... ( اختصار واحد يهرول )

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-04-30, 10:54 AM

المشاركه #212

رد: لاتقارني بغيري تربط الناس بمصيري. مخيطو في طنجه

لبىىىىىىىىىىىى قلببببببببببببببببببببببب ببببك تتشرف طنجه بوجودك ..

شكرا على مرورك

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-05-02, 11:56 AM

المشاركه #213

رد: لاتقارني بغيري تربط الناس بمصيري. مخيطو في طنجه

اشرف على كل مرقابي

اساوي الصلف وارقى به

ماراعني خوض الاصعابي

نفسي طموحه وتواقه

تواق للشامخ النابي

اصعد سماء الفخر وانصى به

الحلقة الرابعة والأخيرة

لاحس ولاخبر

من زعل القمر

مو عادتك تغيب

وإحنا نص الشهر

اخواني الأعزاء والكرام اشكر لكم انتظاركم وردودكم الجميلة والرائعة فإنني لا أملك إلا ان اقف احتراماً لها ولكم ..

كما هو متعارف عليه لابد من ظروف للإبداع من الضروري اجتماعها كلها او بعض منها .

انا حاولت اني اكتب في الأيام اللي فاتت كم مرة بس الوضع مزري من جد اذا بغيت اكتب في الدوام جوني مراجعين رفعوا ضغطي واذا قلت ابكتب في المساء .. التقلبات الجوية كفيلة انها تسد نفسك .. بمعنى تعرفون مدينة الرياض الله يحفظها يمر عليها غبار وبرد ومطر وحر بوقت واحد .. فهذا من الاسباب اللي خلتني ما اكمل التقرير ..

اليوم ابشروا بالخير بنخربها ونكلم التقرير هههههههههه وصلنا ذاك اليوم الى كالعادة دخلنا شقتنا ونمنا وكما هي عادة سمونا الكريم صحينا بدري حول الساعة 3 العصر لقينا ربعنا صاحين عشى ماسر قصدي عسى ماشر وش عندكم قالو مانقدر نطول بنروح قلنا صافي الله يسهل عليكم نشوفكم قلنا بيننا ألوووو .. افطرنا فطور على كيفك وطلعنا وين ياصديقي قال على مقهى الحافة طبعاً بعد توصية من أخي العزيز ابو راشد وصديقي الوفي فياض.. الا نقابل الاخت نادية سلام عليكم السلام وين مقهى الحافة قالت امشوا ورانا بالسيارة وانا ادلكم عليه .. ممتاز .. عز الله ماقصرت ، وعلى فكرة ترانا تعرفنا على شباب سعوديين ساكنين فوقنا وطلعنا احنا وياهم وصلنا لمقهى الحافة صراحة شي مع احترامي الشديد مادري وش يبي

.. هو جلسته حلوه بس حق ناس كميخه .. والله من جد جلسات صبه وكراسي بلاستيك وقدامك البحر .. وين الدفرنت فيه وين الاختلاف ولا شي .. والقرسون شايب كبر جدي وش عندكم قال شاي .. غيره مافيه .. يؤؤ قلنا يالله مشيها شاي .. اصلنا جايين المغرب نشرب شاي ... هههههههههههههه اخلص جلسنا نحتسي الشاي وانا مستحي من الشباب والا والله ودي افقع واترك هالمكان .. لان اللي فيه قاعدين يخزخزون واحلى واحد في المقهى انا .. تخيلوا ههههههههههههههههههه انواع ابو شنبو .. ممكن موقف تريلات وانا مادري المهم طلعنا منه انسحاب تكتيكي ..

وناخذ موترنا ونمشي .. وعلى انغام ..

قعدنا ندور بعد هالدورن رحنا للقهوة عند بوفون اللي وريتكم صورته قبل .. وجلسنا شوي بعدها خويانا قالو بنام .. عليه عسى ماشر قالو صاحين من الساعة 7 الصبح .. الله ييسر لكم .. الشباب طالعين كشته وانا مادري .. نوم العوافي .. واطلع انا وشيفاز صديقي الصدوق وعلى جهة فندق الموفمبيك ونلقى ذيك الفلل يحبها قلبك توها جديده وندخل نتفرج فيها .. وبعدين طلعنا ورحنا لمخطط ورى الفلل مرتفع الإطلالة حقته بنورامية رائعــــة من جد استمتعت فيها .. وهذي صورها ..

.. المهم .. رجعنا .. والجوال يدق .. الو .. علاش ماتردي .. هذا انا رديتي آآمريني قالت الليلة فيه عيد ميلاد صاحبتنا وعازمينكم ... !!!! عازمينكم (ماشفنا خير) تبي ثقل تبي لا والله .. على طول صافي مافيه مشكلة .. يخرب بيت الثقل 0% هههههههههههههههههه خلاص الوعد متى الساعة 12 بليالي الأنس .. قلنا صافي ياقايد الريم .. هاه ياصديقي قالت تم ... وانا قايل لكم الرجال بدون ريوس قداااااااااااااام .. والله كفو .. المهم رحنا مقهى بانوراما وجلسته برستيج .. يعني ترزز على قلة سنع .. لاجت الصمايل مايصملون .. ضحكه ونظره .. غيره ماكاين .. بعدها رجعنا الشقة .. واحلى تشيك وتسنع .. وعلى الديسكو في الموعد المحدد ...

الا هم اخذين طاولة في الزاوية VIP ومليانه من الحباري .. قلنا مانبي نضيق عليهم جلسنا في طاولة لنا خاصة شوي الا جوالي يدق .. الو .. فينكم .. قلت في الطاولة اللي في الوسط .. شوي الا هم جايات الا وش تقول سبحان الخالق فيما خلق .. تعالو قلنا والله اسفين زحمة واحنا مانحب الزحمة ( ايه هين الا ميتين) بس والله مستحين .. نخاف نزحف فيهم .. وتجيني ذيك الحالة اصريت انا مانروح قلت اعتذر .. جلسنا وجلسوا معنا ماقصروا شوي يجلسون معنا وشوي يروحون هناك عندهم .. وحنا نطقطق .. شوي الا التورته جايه والكلام والدنيا .. والنور يطفى ياسلام جو صراحة خيالي .. بعدها بشوي الا البنت اللي لها عيد الميلاد جايه بنفسها وجايبة لنا نصيبنا من التورته .. يووووووه على الذوق ياناس من جد احرجتنا .. والله ونرد لها التحية .. بطريقتنا الخاصة .. بعدها جلسنا الا جايني حق الورد يقولي هذي وردة من هذاك .. وش عنده صار مطلب قومي الاخ .. منهو قال ذاك .. الا واحد مغربي .. وش عنده الا هو يحييني ويسلم علي .. وش يبي ذا .. والله واروح يمه وارد له التحية قال انا فلان ابي اتعرف عليك .. اقلط سلامات يبي يتعرف وهو مسطح قلت خير ان شاء الله .. سحبت عليه .. يوم خلصنا رحنا للشقة قالي الحب انه يبي يتمهزا فيك .!! ليه وش سويت له .. قال لانك حييت البنت وكذا .. قلت مع نفسه .. المهم .. الزرفة .. يوم جاء الحساب الا فيه زيادة ....... درهم دفعها صاحبي .. عادي .. يوم جاء من بكره تذكرنا انها زرفة .. قلنا سجل واحد فدا من كثرها .. بس خويي مسكت معه الا يرجع لهم ياولد اتركها طفاس قال ابدا .. والله واسلط عليه الربع واشوى ينساها ويسكت .. ههههههههههه .. القصد من هالكلام انه الواحد ينتبه للحساب اخر السهره .. من الممكن فيه حركات مالها داعي .

رجعنا الشقة وكملنا سهرتنا وكانت حلوه ..

ومن بكره حزمنا الشنط .. وآآآآه من حزمة الشنط وفراق الحبايب ..

وما انسى ذاك الوداع عور قلبي من جد قسم بالله ياجماعة اخر نظره منها كانت بدمعه .. بس دعست على مشاعري ومشيت .. مسكنا الخط وودعنا طنجة مع غياب الشمس لجهه غير معلنة في المغرب جلسنا فيها ثلاث ايام في ضيافة شخصية هناك (كثر الله خيره .. وماقصر .. وانبساطتنا عنده تضاهي انبساطتنا في طنجة وازود) .. بعدها طلعنا للفندق اللي بجنب المطار اخذناه بــ 90يورو وكانت رحلتنا الساعة 2.10 الظهر ونمنا وصحينا الساعة 10 افطرنا ولبسنا ورحنا للمطار وسلمنا السيارة .. وحاسبنا صاحبها ورجعنا .. نجي نطلع الا احنا درجة سياحية ..؟؟ ليه عسى ماشر قال فيه غلط .. طلع مني انا الغلط .. اعتذرت لصاحبي وطلعنا على الدرجة السياحية

وصلنا السعودية الفجر .. واسبوع .. وانا .. .

.. الى هنا اخواني انتهى تقريري المتواضع واسف على الإطالة والتأخير لكن والله مو بيدي غصب عني .. قد يكون التقرير فيه شي من التكرار .. لكن هذا الذي استطعت نقله لكم .. وهناك احداث اتحفظ لذكرها او التطرق لها .. اما لانها تخالف سياسة المنتدى ... أو انها قد تفتح علي أبواب انا في غنى عنها .

ان اصبت فمن الله تعالى .. وإن اخطأت فمن الشيطان ونفسي اعتذر عن اي خطأ بدر مني واعتذر ان كان كلامي احياناً خارج .. لكن القافية تحكم احياناً . وبالنسبة لمقاطع الفيديو اللي وعدت فيها .. رغبة من صديقي عدم نشرها ادت الى ذلك .. انا اسف أشد الأسف لأنني لم اف بوعدي معكم ..

تحياتي لكم اخوكم .. مخيطـــــــــــــــووو (يتحدى الملل)

التعديل الأخير تم بواسطة مخيطووو ; 2012-05-02 الساعة 12:06 PM

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-05-02, 12:16 PM

المشاركه #214

رد: لاتقارني بغيري تربط الناس بمصيري. مخيطو في طنجه

إهـــداء إلى الغالية

النادر

مزعوط ذهبي

المشاركات: 1,257

تاريخ التسجيل: Jan 2012

2012-05-02, 12:23 PM

المشاركه #215

رد: لاتقارني بغيري تربط الناس بمصيري. مخيطو في طنجه

الله عليك مخيطو مبدع بكل ما للكلمه من معنى

احييك من كل قلبي

بنسبه لزرفات لا تدقق وياكثر ما ضاع للحاج من جمل

تقريرك جميل يعلم الله اني استمتعت به كثير

تقبل مروري اخي العزيز

وحمدلله على سلامتك

__________________

النادر

مزعوط ذهبي

المشاركات: 1,257

تاريخ التسجيل: Jan 2012

2012-05-02, 12:24 PM

المشاركه #216

رد: لاتقارني بغيري تربط الناس بمصيري. مخيطو في طنجه

__________________

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-05-02, 12:59 PM

المشاركه #217

رد: لاتقارني بغيري تربط الناس بمصيري. مخيطو في طنجه

اقتباس:

المشاركة الأصلية كتبت بواسطة النادر

اشكرك على مرورك وسرعة تجاوبك يالغالي وهذا ان دل على شي يدل على تواجدك الجميل والرائع في هذا المنتدى .. تقبل تحياتي وتقديري واحترامي الكامل لشخصك الكريم .. مرة أخرى أشكر لك هذا المرور العطر والجميل .

المستشار1977

مزعوط مبتدء

المشاركات: 44

تاريخ التسجيل: Feb 2012

الدولة: السعودية ـ الرياض

2012-05-02, 03:57 PM

المشاركه #218

رد: لاتقارني بغيري تربط الناس بمصيري. مخيطو في طنجه

اشكرك جزيلاً على التقرير الممتع والمشوق والرائع .. ابسط ما يقال عن كاتبه انه شخص مبدع إلى اقصى درجات الابداع ...
صحيح انة التقرير زاد لهيب الاشتياق ولكن ثلج مرارة البعد بهذا الوصف الدقيق والجميل .. تقبل تحياتي ومروري .. وننتظر أي تقارير منك لأن وصف وسياق تقاريرك جداً مبهرة . شكرا مرة اخرى .

: (75):: (75):

__________________

ليْ قـلب ماَيحُـقَدْ ولاَيحُـسَد و لاَيـغـَتـاَب

لإنْ النَاسْ مَن تخـطيْ لهاَ ربٍ يجُـاَزيٌـهـاَ

ولاَ اندُمْ علَىْ البَايُـعْ ولاَ احُزَنْ عُلىْ اللَعُاَب

وناَس ماَتـقُـدرَنيْ ... أطـنَـشُهاَ واجُاَفـيهُاَ

اكدال

مزعوط خبير

المشاركات: 1,654

تاريخ التسجيل: Sep 2011

2012-05-02, 04:16 PM

المشاركه #219

رد: لاتقارني بغيري تربط الناس بمصيري. مخيطو في طنجه

تقرير روعه عن طنجه وصور اروع ولو احس ان التقرير باقي ماخلص هههههه وين تسمرت ثلاث ايام-

CHIVAS

مزعوط مميز

المشاركات: 379

تاريخ التسجيل: Oct 2011

الدولة: الرياض

2012-05-02, 08:17 PM

المشاركه #220

رد: لاتقارني بغيري تربط الناس بمصيري. مخيطو في طنجه

الله الله يامخيطو الاخوان قالو عنك مخضرم مبدع ومن الكلام الحلو الي بلا شك انك تستاهل اكثر من الي قيل عنك ............

انا بقول انك عز الخوي وياحظ من خاوك يابو محمد اشهد بالله انك تنومس خويك قول وفعل وقليل الي مثلك في هالزمان ماقول الا الله يديمك ذخر وعز يامخيطووو ..

بخصوص التقرير ياقو قلبك وانا اقرا التقرير يتعذب قلبي ويتعصر وعلى قولة الرجال اوووووووووووووووووووويلي كيف وانت تكتب بس حلقات ولااروع والمزاعيط بدون شك يستاهلون ...

تحياتي / شيفاز ( قدااااااااااااااااااااااا اااااااااااااااام )

__________________
الله يااغلى عمري في عيوني مالك مثيل
تسواي الروح وتغلى وتقول عنها بديل

المواضيع المتشابهه للموضوع: لاتقارني بغيري تربط الناس بمصيري. مخيطو في طنجه
الموضوع	آخر مشاركة
مدينة طنجة تربط حدائقها العمومية بالانترنت	2015-11-24 11:14 PM
لارام تربط المغرب وقطر بـ3 رحلات جديدة في الأسبوع	2015-05-07 08:43 AM
فتح 4 خطوط جوية تربط بين برشلونة والمغرب	2012-10-21 06:37 PM
العربية للان المغرب تربط مدينتي الناظور وطنجة بمدريد	2012-08-31 09:14 PM
لا تقارني بغيري ..	2012-01-07 08:51 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

لاتقارني بغيري تربط الناس بمصيري. مخيطو في طنجه

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)