فلسفة ترف مع هاجس الدلع ركني الهادئ

تسولف لي عن الضيقه وانا كلي ألم وأحزان
وأنا من وين ماناظر بعيني شفت ضيقاتي
تسولف لي عن الضيقه وأنا عنوان للحرمان
دخيلك لا دخيل الجرح لا تكشف معاناتي
دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي
حياتي شعرن وشاعر وجمهوري بقايا انسان
ونقادي زمن قاسي ولا يفهم كتاباتي
أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي
عجزت أكذب على نفسي بفرحه ما بها ألوان
وحزني ما عجزعني بدا يرسم نهاياتي