تكاليف السفر الى المغرب

تكاليف السفره السابقه في شهر مايو كانت يوميا 1500 ريال شامله السكن والاكل

المعقول وبحدود المعقول من 1000 ريال الي 1200 ريال

وانا زاد يعتبر تبذير واهدار للمال

اصلا انت 1200 ريال تفحط فيها 4 ايام من راتبك من الصباح حتى الظهر

سبحان الله استغرب الي يتسلف عشان يسافر او على قولتهم يفقع قرض ب 35000 ريال ويجلس يسدد فيه سنه كامله واذا انتهى فقع قرض ثاني وعلى هالمواااال

معليش بقولها صريحه (((( عقول تنك في تنك ))) مع احترامي للجميع

والي يقهرني فيه ناس تسافر وتجلس تسدد بالفيزا مدة تسع شهور اوسنه

والرحله كلها 21 يوم بس

والتسديد سنه

العقول برااااااااااااااااااااااا ااااااااحه وبس

: (436):والله كلامك صح اهل العقول في راحه اجل يفحط سنه ويصرفها بسبوعين عاد رد سدد واذا جا وقت السفره اصرف ورد سدد وعلا هذا الموال يالليل مطولك: (601):

صدقت وازيدك من الشعر بيت بعض التنك عندنا يأخذ قرض سبعين الف ريال ويروح يصرفها في شهر او اقل على الضيوف وابو شباب مسوي حاتم الطائي وكذلك لازال عزوبي وشرايك

بالنسبة لي اشوف ان موضوع الصرف يختلف من شخص الى اخر وصعب نحدده

ممكن نحدد السكن فقط والباقي اعتقد صعب

عموما بالنسبة لي الصرف أختلف معاي لمن كنت بالرباط واختلف في اكادير واختلف في مراكش !!

الرباط يغلب عليها طابع السهر في مكانك

فكنت تقريبا اصرف باليوم مايقارب 1200 ريال بالكثير مع السكن يزود 100 وينقص مثلها باليوم الثاني

لكن باكادير لأن السهرات فيها كثيرة ومتنوعه تقريبا فكان مصروفي يقارب 1800 - 2000 ريال باليوم

اما مراكش فكانت بين وبين !!

لكن متوسط صرفي باليوم 1500 - 1200 ريال باليوم


وعندي مداخلة بسيطة مع حبيب القلب

صدقني ماتقدر تحكم على التبذير وغير التبذير في تصرفات الناس وطريقة معيشتهم وخصوصا في رحلة سياحية !!

وعلى سبيل المثال فقط

ممكن انتى تحب تستاجر سيارة بمبلغ 180 ريال باليوم لكن غيرك يشوف السيارة اللي بقيمة 100 تفي بالغرض !

ممكن انتى تاكل في مطاعم تعتبر فخمة وتكلفتك تكون مايقارب 300 ريال باليوم غيرك يحب ماكدونالدز لا وبدون وجبة بس ساندوتش

__________________
اذا اردت شئ بشدة .. فاطلق صراحة .. فان عاد اليك فهو ملك لك للابد

70 الف ريال معقول هذا منتهي ولا له علاج قيمة سياره يصرفها بشهر

الحمدلله على نعمة العقل اجل 70 الف ريال لازم يكون راتبك فوق 25 الف ريال شهري عشان تسدد ال70 الف خلال سنه اللهم لاشماته بس

دائما عندي مقوله اقولها لنفسي وحاطها بين عيوني وهي


اروح قوي وارجع قوي


مو اروح قوي واجلس اسدد بالفيزا سنه كامله

بالنسبه لي مستعد اجلس 20 سنه ماسافر

ومن المستحيل اسافر وانا عندي التزامات ماليه

جداً مجهود كبير ويخدم جميع الأخوان

سفرتنا الى الرباط وكازا 4 و5 بالتوالي صرفنا 30000 الف بدون تذاكر وكانت رايعه جداً