تكاليف السفر الى المغرب

المشاركة الأصلية كتبت بواسطة مكووع

بأختصار اذا الشخص رايح لحاله كل شي دبل عليه

واذا كان شخص جديد ع المغرب لو سمع كلامهم وراح لحاله تورط بسبتهم

اذا اشخاص يروحو للمغرب قروب او شخصين يتقاسمون الصرفيات بينهم ويحرمون نفسهم ولا يسهرون برا اوك الميزانيه تكفيه

اما اذا شخص بيروح لحاله لمراكش خصوصاً ويبي يروح رحله حلوه في منتجع وطبيعه مو شقه ويبي يسهر في اماكن فخمه ومونس نفسه صدقني ماراح تكفيه هذي الميزانيه ماراح تكفيه إلا 2000

طبعاً انا اوجه كلامي للأشخاص الجديد اللي يدخلون المنتدى ولا عمرهم سافرو للمغرب وشافو الموضوع نصيحتي له لاتسمع كلام بعض الردود اشخاص لهم خبره واشخاص لا يسهرون برا

خذها نصيحه اذا انت جديد ولحالك وتبي تنبسط احسب احساب 2000
واذا انتم شخصين وتبون تسهرون برا احسب احساب 1500

واذا انتم شخصين وزرتو المغرب من قبل ونظامكم بيتوتي ماتسهر برا احسب احساب 1000

ولكل مدينه بالمغرب الميزانيه تختلف عن الثانيه

مثلاً مراكش اغلب الناس تبي مكان حلو وطبيعه ماتبغى شقق اتروح للمنتجعات مثل النخيل او الروز قاردن او منار النخيل وغيره
السعر معروف التكلفه لشخص الواحد 350 إلى 400 ريال سكن ، اجار السياره مع سعر البنزين او الديزل ب 180 ريال لليوم
اكلك لليوم مع الخدامه لأن اكل المطاعم مشي حالك ب 200 ريال
اغراض لشقه سواء شيشه او أو أو ب 50 ريال انقول ولا تزعلون
الحين التكلفه في حدود 800 ريال
طيب والضيف بكم ؟؟؟؟
والسهر بكم ؟؟
واذا بتسهر بالشقه العصير بكم ؟؟؟
واذا احد ما استأجر سياره التاكسي بكم ؟؟؟
وفيه اللي يستأجر سياره لكن اذا سهر برا مايقدر يسوق لأن الوضع خطر وهو مو في راسه معطيها لازم تاكسي والتاكسي بكم ؟؟؟
هذي بأختصار وبلا معارض

ياليت اي احد يتكلم عن الميزانيه يذكر انهم شخصين او قروب أو يذكر انه لحاله

ويذكر اي مدينه راح ويذكر اي مكان سكن

عشان المزعوط الجديد مايتورط بكلامكم ويجيب العيد بالسفر والسبب انتم

ومساء الخير ع الجميع