12 يوم بين مراكش واغادير!!!

النادر · 2012-03-29T13:09:04+00:00

[SIZE="5"][COLOR="Navy"]بسم الله الرحمن الرحيم اعزائي المزاعيط ابدا اليوم تقرير المتواضع عن سفرتي الاخيره للمغرب بين مراكش واغادير لمدة 12 يوم وكان التخطيط ل 20 يوم بس ضروف حصلت لخويي ابو محمد اجبرتنا للعوده اتمنيت يكون في صور لاكن المعذره لم اتمكن من ذالك والمعذره على تاخر انزال هذا التقرير والمعذره ان وجد اخطاء املائيه الحلقه الاولى كان موعد رحلتنى بيوم الاربعاء الموافق 25 يناير 2012 الساعه 12.45 ليل على الخطوط المغربيه وقت الرحله 8 ساعات فيها وقفه في القاهره لمدة 45 دقيقه بعدها تكمل لكازا عدد الاشخاص 2 انا وصاحبي وانا بصراحه ما ائيد القروبات 2 الى 3 اشخاص كفايه كان تخطيطنا بعد ما نوصل لمطار محمد الخامس يستقبلنا سائق يجينا من مراكش ويوصلنا هناك نقدر نستاجر سياره اتفقنا مع شخص يئمن لنا سياره المهم بعد ما وصلنا بحفظ الله ورعايته وقمنا بتختيم واستلام الشنط قمنا بلاتصال بشخص الي اتفقنا معه وقام بلاعتذار منا بئنه لايستطيع تامين السياره قالي صاحبي نستاجر سياره من المطار وامرنا لله اتوجهنا لمكاتب تاجير السيارات ونلاقي ذاك الشايب بصراحه انا من يوم شفته ارتحت له وما قصر اجرنا من عنده سياره نوع بيجو صغيره موديل 2011 لمدة ثلاث ايام وبعدها يرسل لنا سائق من عنده يستلم السياره من مراكش بمبلغ 2200 درهم شامله التامين وايجار السائق الي يبي يستلم السياره اخذنا السياره وتوجهنا لمراكش الحمراء كان الجو عليل غيم وامطار يالله من فضلك تقريبا كانت الساعه 10 وصلنا مراكش الساعه 1 مدة الرحله 3 ساعات تخللتها عدة وقفات في كذا محطه اول ما دخلنا مراكش ونمر على المرجان نكمل بعض الاغراض علشان اذا وصلنا الشقه يكون مجهزين كل شي وصنا شقق الميرماس تقريبا الساعه 2 قمنا بستاجر شقه مكونه من غرفتين وصاله لمدة يومين الشقق مستواها متواضع من ناحية الاثاث لاكن موقها زين قريبه من كل شي حولك استلمنا مفاتيح الشقه ودخلنا نزلنا اغراضنا وعلى طول ناخذ ذاك الدش وندخل نريح نمت تقريبا ساعتين صحيت الا صاحبي نايم وكان شكله مرهق ما حبيت اصحيه بدلت ملابسي ونزلت كانت الساعه 6 مساء جيت اخذ السياره قلت ما يبيلها الا مشي وامشي اليما وصلت لساحة مراكش بلازا واتكي في كافي الكيوين الموجود هناك واطلب قهوة نص نص المفضله لدى الجميع وكان في فرقه فرنسيه تغني جوهم واعر انا بصراحه نسيت نفسي وكل شوي اطلب نص نص ومانتبهت الا صاحبي يدق على توه يصحى الساعه 10 بصراحه مر علي الوقت بسرعه قالي وينك قلت جالس بلكيوين قال جايك شوي الا الرجال جايني وجهه متفقع من زود النوم ونجلس ساعه تقريبا ونطلع وعل ماك الي بساحه ونتعشا وكان المطعم عامر من ***** لدرجة انا انتضرنا تقريبا ربع ساعه علشان تفضى طاوله المهم جلسنا واتعشينا طلعنا من المطعم ونركب السياره كان الجو ممطر تشاورنا قال صاحبي ما في اليله لسهر خليها بكره انا بصراحه كنت مؤيد له من التعب والله ما نمت زين رجعنا لشقه كانت الساعه تقريبا 12 جلسنا تقريبا الى الساعه 3 احلى سواليف مع ابو محمد وبعدها اعتذرت منه ودخلت انام ما شعرت بنفسي الا ابو محمد يصحيني على الساعه 3 العصر الا الرجال مضبط الفطور الي يحبه قلبك نفطر ما شاالله عليه ابو محمد انسان شقردي بمعنى الكلمه يعجبني فيه سعة صدره وخفت نفسه المهم بعد الفطور وين تبينى نروح يبو محمد قال ما يبيلها الا حمام مغربي ونطلع لنخيل في حمام اسمه سبا حمام حلو ومساج احلا طلعنا من الحمام على الساعه 7 قلنا نشوف الا شي ناكله عزالله انه يفتح النفس الحمام ونمر على بيتزا هت الي على طريق كازا مراكش ونطلب احسن بيتزا وكان المكان في ناس وانواع النضرات وانواع التميلح الي ما يجوزلي اتعشينا وتوكلنا على الله وعلى الديوان صاحبي من المهلوسين بديوان ولو اني ما الومه من شي شفته فيه ونوصل الديوان على الساعه 8 ونص كان المكان عااااامر بزاف انواع ال**** والخليجيين انتضرنا شوي امنت لنا الموضفه المسؤله طاوله لشخصين جلسنا ونطلب شيشه تفاحتين تفتح المخ قلت الله من زمان عن الشيشه كان ماقطع صدري الاهي واحلا جلسه وطرب الى الساعه 12 المهم طلعنا ها يبو محمد على وين قال الراي رايك قلت وش رايك بنرجس قال تم وونوجه لمه الساعه 12 ونص مع فتحت الباب الا حنا عندهم اليوم جمعه بكره ويك اند عملنا حساب الشي هذا ونجلس بذيك الزاويه يحبها قلبك اقدر جلسات الزوايا اريح من الطاولات الي بوسط الصاله واحلى سهره الى الساعه 5 فجرا بعدها شدينا الرحال الى شقتنا وكان الجو جدا غائم وضباب يالله دخيلك وافهم يا فهيم وانتضرو الحلقه الثانيه غدا لئن بصراحه تعبت من جمع المعلومات المتشتته في مخي تحياتي لكم[/COLOR][/SIZE]

الولهان

مزعوط خبير

المشاركات: 1,682

تاريخ التسجيل: Jul 2011

2012-04-08, 11:23 PM

المشاركه #1

رد: 12 يوم بين مراكش واغادير!!!

الحمداللهى ع سلامتك وسلامه اخو الشيف ابو محمد وسفره سعيده:Abu Ahmed (826):

النادر

مزعوط ذهبي

المشاركات: 1,257

تاريخ التسجيل: Jan 2012

2012-04-09, 09:54 PM

المشاركه #2

رد: 12 يوم بين مراكش واغادير!!!

اقتباس:

المشاركة الأصلية كتبت بواسطة الولهان

الحمداللهى ع سلامتك وسلامه اخو الشيف ابو محمد وسفره سعيده:Abu Ahmed (826):

الله يسلمك اخوي الولهان

شاكر مرورك

__________________

othman999

مزعوط خبير

المشاركات: 2,300

تاريخ التسجيل: Aug 2011

الدولة: دولة قطر

2012-04-17, 06:51 AM

المشاركه #3

رد: 12 يوم بين مراكش واغادير!!!

تسلم أخوي النادر

كان تقرير جميل ومرتب من البداية

استمتعت بكل حرف كتبته

وبكل فكرة حبيت توصلها لنا

تسلم يمينك يالغالي ولاهنت

تقرير بالفعل يستحق المتابعة

تحياتي أخوي ..

__________________

The power of man comes

The strength of his personality

النادر

مزعوط ذهبي

المشاركات: 1,257

تاريخ التسجيل: Jan 2012

2012-04-17, 10:58 PM

المشاركه #4

رد: 12 يوم بين مراكش واغادير!!!

اقتباس:

المشاركة الأصلية كتبت بواسطة othman999

الله يسلمك اخوي عثمان

مرورك بحد ذاته لي تشريف

شاكر لك من اعماق قلبي

__________________

المواضيع المتشابهه للموضوع: 12 يوم بين مراكش واغادير!!!
الموضوع	آخر مشاركة
السنه هذي نويت مراكش واغادير، ونصحوني بمراكش بالروز واغادير بصحاري، وش رايكم ؟	2019-06-17 03:54 PM
مراكش واغادير 15 يوم	2017-09-02 10:08 AM
مراكش واغادير	2015-01-31 04:03 PM
16 يوم بين مراكش واغادير ......	2013-05-23 12:24 AM
سكن في مراكش واغادير	2013-04-18 02:12 PM