حلوه اغادير بس عندي ملاحظات..

فديت اغادير · 2012-04-11T00:22:36+00:00

[CENTER][SIZE="5"]السلام عليكم ورحمه الله وبركاته...[/SIZE] [SIZE="5"][SIZE="6"] اولأ احب اشكركم علي هل منتدي الجميل ولاكثر من رائع صراحه وهذي اول مشاركه لي واول موضوع افتتحه بالمنتدي الجميل ... انا كنت اسمع عن المغرب كثير وكنت دايم افكر بيني وبين نفسي ومتردد اني اروح لها ولالا وكنت خايف من هتجربه المهم توكلت علي الله ورحت لسفريات وحجزت تذكره علي الخطوط القطرية وحجزت سكن بفندق صحاري لمدة 11 يوم اتعرفون من كثر ماسمع عن هل فندق ويقولون اى واحد يروح لغادير اول مره يحجز بالفندق ..المهم طرت من الكويت الي قطر ترانزيت لمده ساعه وطرت من قطر لتونس توقفنا لتنزل اشخاص كانو:Abu Ahmed (708): معنا بطايره بعدها اقلاعنا من مطار تونس الي كازا بلانكا وبعدها طلعت طيران داخلي الي اغادير ادري موعناه : ) بس ماعليه من اجل عين تكرم مدينه قلت بشوف شنو سر المغرب والناس لي تسولف فيها نزلت طبعا من مطار اغادير ختمت الجواز بعدها رحت بستلم الحقاب ماحصلتهم قلت هذي من اولها ياحبيبي هههههههههههه رحت لسمؤال الحقاب قلت له الموضوع كامل قالي عطني اوصاف الشناط ورقمك ان حصلناهم راح ندق عليك قلت مافي مشكله وانا قلتله ان طياره ولد عمي توصل ساعه 7 مساء قال لاباس المهم طلعت اخذت لي تاكسي وكانت سياره التاكسي جدا قديمه قلت السلام عليكم رد علي وعليكم السلام وكان يتكلم لغه العربيه الفصحاء وكان اسلوب جدا راقي قلت له ودني الوستر يونيوم ابي استلام فلوسي قال حاظر وداني الوستر ينويوم قلت له بعدها ياصاحبي ودني لفندق صحاري توحشتهم بزاف قاعد يضحك اول ماوصلني الفندق حاسبته دخلت عند الرسبشن عطيته الجواز وورقه حجز الفندق قالي بنفسيه هذا انت قلت نعم قال غرفتك بطابق لاول قلت له مابي الطابق لاول ابي الطابق 3 لنه ماوصيني شباب قالولي اذا رحت لصحاري لاتسكن غير الطابق الثالث مافي ازعاج طبعا ماقلتله هو الكلام بيني وبين نفسي قال بشوف لك ياصاحبي بس ماضمنلك قمت وطلعت من جيبي 300 درهم وعطيتهم قالي خلاص اعتبر غرفتك بطابق 3 وهذا الكرت وقلتله بس عندي ولد عمي ساعه 7 مساء يوصل قال تبي جنب غرفتك قلت ايه قال عطني بغشيش والله عطيته 300 بعد المهم رحت فوق طلع معاي صاحب لامتعه معن ماعندي ولا شنطه بس راح وتلقف يفتح لي الغرفه ويلعمني القوانين وشفت السفتي بوكس قلت بفتحه واحط فلوسي قالي اليوم ب 40 درهم قلت مافي اى مشكله ابي 11 ليله بجم قالي 400 درهم اعتقد المهم شفته نشبه وانا بعيوني النوم عرفت انه يبي بعد بغشيش وعطيته 100 بس ابيه يروح عني وراح سكرت الغرفه واخذت لي شور وكانت الساعه 1 ظهرأ ضايق صدري انطر بس ساعه 7 عشان توصل شناطي قلت اخاف يضيعون : ( قلت يبه بعد الشور بروح اتمشه تحت بشوف شنو اغادير المهم رحت تحت ونزلت لرسبشن سالته وين الشيشه قال عند ابو سماعيل طلعت لبو اسماعيل واله الشحاذين بكل مكان ياحبيبي وين اروح والله واعطيهم بس للاسف مايبين بعينهم صارو يعلمون اني اعطي ويجيبون لي ناس فا كل ماطلع نفس الحركه قمت اطنش طبعا اسمع الشتم والسب قلت هذي اغادير الي يسولفون عنها ويقولون جنه وسحر بمكنها المهم رحت لبو اسماعيل مالقيت عنده شيشه قلت بطلب مطعم منه واروح لغرفتي انام واريح علي ماتجي ساعه 7 اكلت منه كان لاكل مو حلو كلش والسيرفس حده تعبان والتعامل اكثر من سيء طلعت منه اتجهت الي الفندق وقعدت شوي عندي الرسبشن وبعدها طلعت للغرفه جت ساعه 4 ونص قلت بريح ساعه واقوم ساعه 7 انطر ولد عمي نمت ولا باب الغرفه يطق وفتحت اله ولد عمي ومعاه الشناط استانست طبعا من الفرحه طار التعب كنت زهقان وبروحي وهو بعد اول مرا يجي قال يالحبيب اخذ لك شاور والبس وخل نطلع قلت اوكي تسبحت ولبست ونزلنا انا وياه ساعه 9 بليل واحنا طالعين من باب الفندق قال في مطعم مكادنلدوز جدام الفندق خل نروح له وطبعا صار المطعم المفضل لنا المهم جت ساعه 10 ونص 11 قلت بشوف اسمع عن الخيمه يقولون حلوه رحنا للخيمه بس للاسف انصدمت حيل لنها مجرد خيمه صغيره وفيها فنان يبي يموت وجم طاوله ومافي جو عاديه حيل وزحمه قلت امري لله بقعد بشوف شنو يفتح بعدها جت الساعه 12 ونص قلت مشينا قال اوكي طلعنا من الخيمه سمعت عن العنبره قلت بشوفها دخلنا الفندق ونزلنا من السلم تحت ولا اشوف طاولات وفرقه مسويقيه والفنان يسوي بروفه حجزت طاوله ب 1200 طبعا مع العصير وقلت بروح للفنان اقعد عنده شوي انسولف معاه وقايم يضحك ويسولف وينا ويقول شنو تبون اغاني كانت فاضيه مافي احد وقمنا نطلب منه اغاني واستانسنا صراحه قلت له انا الحين استاذنك بروح لطاولتي المهم قعدنا بطاوله ولا بالعنبره قامت تصير زحمه والجو بدا فيه حركه واحسن من الخيمه بشوي بس ماكنت متوقع انه جذي يعني طلعت هم العنبره عاديه المهم قعدنا لساعه 3 ونص الفجر قالو سكرو الحين يبلش الديسكو طبعا طلعنا من العنبره الجو عال العال رحت لديسكو اله الجو حده حلووووو ولاغاني صح كله ديجي والمزين بزاف وايد : ) قلت اى هذا الجو الي يصلح لي بس كان وقته حيل قصير من 3 الي 6 وصار روتينا اول 4 ايام جذي بس مليت قلت بروح اتمشا بشوف شنو اغادير رحت لكفي روتنا ومطعم القلعه واجرت جتي سكي ويخت صراحه كانت رووعه احسن من مثلث برمودا من الخيمه للعنبره لديسكو ... وانشالله عطيتكم نبذه عن اغادير ولو اني مو موضح لكم بعد الي عنده اساله يتفضل ..ودمتم بود تحياتي لكم [/SIZE][/SIZE][/CENTER]

ابو سارا

مزعوط جديد

المشاركات: 26

تاريخ التسجيل: Oct 2011

2012-04-11, 10:22 AM

المشاركه #1

رد: حلوه اغادير بس عندي ملاحظات..

الحمدالله على السلامه
دائماً اول سفريه لاي بلد تكون ملخبط وماتعرف شي للي مريت انته فيه طبيعي اي واحد ماعنده خلفية عن البلد الي هو مسافرلها اكيد مايعرف اجمل وافضل شي بس الافضل انك جربت المغرب اتوقع السفريه الثانيه راح تكون اكثر معرفه للبلد وراح تستمتع اكثر
والحمد الله على السلامه للمره الثانية

الشام

مزعوط مبتدء

المشاركات: 42

تاريخ التسجيل: Mar 2013

2013-03-27, 12:41 PM

المشاركه #2

رد: حلوه اغادير بس عندي ملاحظات..

الله يعين

أبوعبدالمحسن

مزعوط مبتدء

المشاركات: 40

تاريخ التسجيل: Oct 2011

2013-10-29, 04:48 PM

المشاركه #3

أغادير قصة عشق لاتنتهي

تحياتي لك وكماقالو لك الأعضاء

أغادير ليست صحارى والعنبره

اطلق لها العنان وكتشفها

فأنها المعشوقه

أغادير

المواضيع المتشابهه للموضوع: حلوه اغادير بس عندي ملاحظات..
الموضوع	آخر مشاركة
اول مرة عندي عمل لمدة شهرين في اغادير انزل كازابلانكا ٥ مايو	2022-05-08 06:12 PM
ملاحظات هامه من واقع تجربة	2019-10-08 04:08 PM
ملاحظات مراكش قبل الذهاب الى اغادير	2013-10-20 10:17 AM
ملاحظات و تعليقات رياضية	2013-02-13 01:02 PM