اغادير و يا طلابة اغادير .. تحلطم

المشاركة الأصلية كتبت بواسطة Bianconri_q8

السلام عليكم جميعا ..

الكل شاف بالاونه الاخيره اشكال غريبه عجيبه في المغرب بشكل عام و اغادير بشكل خاص ..

تشوف اللي مراهقين و تشوف شباب باعمار متوسطه و تشوف شيبان ..


لكن المشكله حسب رايي ما تكمن بعمر القادم الى اغادير ..

المشكله بتصرفات القادم الى اغادير ..




اكثر الخبره اللي راحو اغادير من قبل الربيع عربي .. شافو الفرق في تصرفات القادمين الى المغرب و خصوصا و تحتها خطين بعد الربيع العربي بالذات

مزاعيط اغادير القدامى .. شافو اغادير قبل و بعد ..

انا ما راح اتكلم عن الوضع قبل الربيع العربي شنو كان .. يخلي الاعضاء اللي شافو بهالوقت يتكلمون ..


لكن موضوعي عن القادمين لاغادير بعد الربيع العربي ..


الكل يدري انه بعد احداث سوريا ( الله يسهل عليهم ) الكثير من رواد سوريا حولو الوجهه الى المغرب

و كذلك رواد مصر بعد الاحداث الاخيره ..


و مع الاسف جلبو معاهم تصرفاتهم و مهايطهم معاهم ..

و صار الوضع انه الناس في اغادير تغيرو عليهم نوعية السياح فا بالتالي شافو المبالغ المهوله اللي قاعد تنصرف على الهياط و الفشخره الزايده ..

فا صار التعامل مع الكل سواسيه من ناحية الموظفين و من ناحية اغلب سكان اغادير .. ما قامو يفرقون بطريقة التعامل بين المحترم و بين اللي يهايط و يدفع يمين و يسار بدون اي معنى ..


انا بذكر لكم موقف واحد من المواقف ..

بالعنبره كان في واحد خليجي جالس و يحي البلد و المدينه والقبيله الفلانيه .. و يرش بهالدراهم يمين و يسار ..

قام واحد من ربعنا الخليجيين ايضا و حس بغيره في داخله قال شلون هذا يكل الجو عليه لا والله ما اخليه !

و يقوم صاحبنا و يبدي عملية الرش بمبلغ خيالي ! تجاوز ال 40 الف درهم بدون اي مبالغه يا جماعة !! :Abu Ahmed (103):


و احنا الناس اللي قاعدين مستانسين و عايشين جونا نشوف بهالتصرفات و مالنا الا نسكت !



و موقف ثاني ايضا حصل بالعنبره !

قام واحد من ربعنا الخليجيين و يعطي المطرب فلوس و يقوله حي فلان الفلاني .. و هذا فلان لفلاني معروف عندنا بالكويت بمعاداته لقبيلة عريقه حتى وصلت فيه انه تجرء على احد من كبار القبيله .. المهم مالكم بهالسالفه بس توضيح ..

و قام صاحبنا المطرب مسكين ما يدري شالسالفه و احلى تحيه لي الج.... و احلى ج..... قاهرهم ..

المهم قام واحد من الشباب و كلم مسؤول العنبره بينهم معرفه قديمه و قاله .. ترى الموضوع كذا و كذا و كذا و هذي امور سياسيه و يمكن واحد من هالقبيله العريقه يكون موجود و تصير هوشه كبيره مالها حدود ..

فا رجاء كلم المطرب و قوله هذي امور سياسيه ما نبي نتدخل فيها !

وبالفعل قام و كلم المطرب و نبهه على الموضوع ..



يعني باختصار الموضوع مجرد تحلطم على الوضع الحاصل في المغرب بشكل عام و اغادير بشكل خاص ..

و اذا كل واحد عنده تعليق على النقاط اللي ذكرتها ياريت يشرفنا بردوده


تحياتي لكم

المشاركة الأصلية كتبت بواسطة samba

الصراحه موضوعك

غريب ويدل علي شخصيتك وكرهك للشباب الخليجي خاصه وحب لذاتك ياعزيزي المغرب بلد سياحي لاي شخص عنده امكانيات السفر

يسافر ليس ملك لاحد هل المغرب لديك صك خاص استغرب اهل سوريا واهل مصر اتركو الحساسيات كلن يغني على ليلاه

انت قبل الربيع العربي كنت داعيه في المغرب 90% رايحين المغرب سياحه ارجو منكم تكون المواضيع فوائد للمزاعيط الجدد والقدماء

ونترك امور الحسد والبغضاء كل انسان ذنبه على جنبه واشكر القائمين على المنتدى جميعا والاعضاء .... وشكراا

المشاركة الأصلية كتبت بواسطة knkoon

انا امس راجع من كازا
وفي رحله العوده كان جالس بجنبي في الطياره واحد كويتي
جاى من اقادير ويسولف عن الوضع العام فيها
والله انصدمت وقال لي اشياء ماتدش العقل
ومنها يقول كان جالس بل فندق بعد السهره ومعه الحب
يقول سمعت باب الغرفه يدق ولا ثنين من ربعنا اهل الخليج يقولون له بنسهر معاك
ومن غير الناس الى بل سهره يجون يشربون معاك عصير ويمشون. بدون معرفه
علشان كذا انا كنت اسمع من هل سوالف ورحت لكازا وللعلم اول مره اروح للمغرب
وكانت عجيبه ولا فيها من الاشكال. هذي