بعد يوم من استراحه السفر فى الرباط ويا الربع صحيت من النوم وكانت المفاجاه الحلوة التى لم اتوقعها رحت الصاله وحصل لك صحن كسكس كبير عمله ناس عزيزين علي لما عرفو انى وصلت ومع انه ماكان يوم جمعه بس عملوة عشانى لانهم يعرفون انى اموت فيه وعلى طول نضرب بالخمس لين ماعبينا التنكر واه على الطعم الواعر وبعدها على طول اضبط المزاج براس شيشه يفر الراس وياحلاته المعسل والبطن مليان
طبعا اعرفكم بالربع الى وياي هم 4 صديقي خليفه الى رافقنى فى التنقل بين المدن وسلطان وسعيد وعادل الضفدع (سميناه الضفدع لسبب ذكرونى بعدين بخبركم)
مخطط رحلتنا كان على الجديده واسفي والصويره ونهايه الرحله ارض الزعطه اغادير وماركش
طبعا السياره الى اجرناها موديل 2011 وتشتغل بالمازوت وايجار يومها كان 250 درهم ,المسافه كانت من الرباط لين الجديده 191 كيلو
وصلنا الجديده بلاد الدوكاله
وياويل حالى على الجمال االدوكالي الطول والعيون الوسيعه والبياض
حبيب القلب دوكالي................بيضا طويله ومزيونه
الا يالله ياعالي.....................تحفظه لعيون مجنونه
حبيبي حبي لحالي ................اسافر اتعنى لعيونه
حبيبي الزين دوكالي ............القرعا و الخزو يجنونه
طبعا الدوكاله مشهورين بزراعه القرعا والخزو (الجزر) عشان كذا تحصل البعض يعايرهم بها ههههههههههههههه
الجديده سهله وماتضيع فيها اول ماتوصل بدايتها عند الكورنيش بتحصل لوحه كبيره مكتوب عليها الله الوطن الملك اذا اخت يمين بتروح الكورنيش واذا يسار بتروح مركز المدينه طبعا اخذنا يسار ومشينا قدام فندق المرابطين كان على يسارنا وبعده بنايه اسمها اقامه النخيل سكنها فى شقه داخلها غرفتين وصاله بسعر 400 فى اليوم الشقه امان والبنايه تحتها محلات وكافبهات ومطعم بيتزا مشهور ومحل مساج وحمام مغربي اسمه
كان الجو بارد فى هاك الايام :Abu Ahmed (450):وكان الواحد يدور شئ يدفيه وصعب الاستحمام قلت خلنى اجربه واشيل الترسبات الى علي دخلت له وحددو لى موعد بعد ساعه نظامه حمام مغربي 150 درهم ومساج 150 درهم وكل وحده لمده 40 دقيقه اجى دور وتنادينى بنت وتدخلنى غرفه للحمام انا كان على بالى انه رجال الى الى بيعمل لي بس قلت مايضر نجرب الايادي الناعمه :Abu Ahmed (54):وتسكر الحبيبه الباب قلت شو السالفه قالت احيد قلت شو؟ قالت حيد ! واعطتنى منشفه صغير بحجم الكلينكس قلت هذه شو بسوى فيها المهم ماحصلت نفسي الا مثل (ربي كما خلقتنى) وناري على الحمام فى هالجو البارد شئ يرد الروح والماى الدافي واللمسه الحنونه :Abu Ahmed (447):مو مثل الاماكن االثانيه يقطعو الجلد شئ خيالي يلعن ابوه من مساج ولا حتى مساج شرق اسيا ولا مساج الصابون حسيت انا ذايب فى دنيا ثانيه والفرك فى الجلد يحرك الدم ويخليه يغلي حصلت نفسي اتخدرت مررررررة والايد الناعمه طلعت ترسبات وصدء من من سنين ,روحت الشقه وشكلى مثل واحد مبوق قالي خليفه شو فيك بوسيف قلت له روح تحت ودور حد ثانى قله شو فيك ههههههه راح نزل تحت وهو لابس جلابيه عمل حمام ومساج ورجع لى وهو مترنح والجلابيه فى ايده ولابس سروال سنه وقلى يلعن ابليسك ابو سيف يبا نحن وين فى بتايا ههههههههههههههه واليوم الثانى احصل الحبيب حاجز قبلي هناك ههههههه
جلسنا فى الجديده 3 ايام والصراحه ارتحنا لناسها وايد طيبين فى تعاملهم ومافى مشحاته مثل المدن الثانيه الى تطفش الواحد
الاماكن التى تستحق الزياره فى الجديده:
الحي البرتغالي:انشاءة البرتغاليون بعد ان مكثو فيه 267 سنه ويوجد به ثكنات للجنود والذخائر ومعتقل للمساجين وسقايه شهيره لتجمع المياه ويوجد بها بعض المدافع التراثيه التى مازالت هناك وكان بعض منها مطلى بالفضه وتعرض للسرقه نتيجه الاهمال فى الاعتناء بها كما توجد بعض المدافع التى عليها نقوش وكتابات من الجنود في زمن الاستعمار وجزء منه كان ميناء
عند دخولك للحى ستجد مرشد سياحى يعمل هناك منذ 33 سنه ويدعى:عبدالكريم الصيوطى اخذنا فى جوله شامله للحى وحافظ كل شى فيه حتى قياس الاحجار وعرضها المستخدمه فى سور الحى
شاطى سيدى بو زيد: قريب جدا من مركز المدينه يبعد تقريبا 7,5 كيلومتر مكان نظيف وفيه فلل للايجار
الوليديه:يقع فى المسافه بي الجديده واسفي ويبعد عن الجديده 78 كيلومتر مشكله الطريق له صعب وضيق بس مكان روعه فعلا ومرتب وفيه عدت نشاطات على البحر بالاضافه الى استاجار درجات رمليه ومائيه والمطاعم فيه منتشره اول ماتدخل على اليمين واليسار البحر حلو واللون الازرق هو الى معتمد فى معضم المباني فيه وفيه مطعم يقدم شيشه اول تنزل له تحت بس نسيت اسمه والصراحه يستاهل الزياره
مقهى الباشا :وهو جيد ونظيف ويوجد به خدمه وايرلس وشيشته جيده
مكان المقهى :فى بدايه مدخل المدينه خلي فندق المرابطين على يسارك وامشي قدام بتحصل على يسارك
مقهى ثاني نسيت اسمه بس جيد وكبير وبيكون على يمين مقهى الباشا
مقهى العبدي :اول ماتدخل من اليسار للمدينه امشي قدام بيكون على يمينك
ملهى مراكش :جلسه فيه وطرب من اغانى مغربيه وعربيه ورخيص جدا
سعر الشيشه فيه 60 درهم والعصائر من 20 درهم وفوق
ملهى الخيمه :جنب ملهى مراكش بس مشكلته زحمه وصعب تحصل مكان زين فيه
:وهذا ملهى داخل فيلا بس مايقدم الشيشهMZIOUKA
3 ايام كفتنا فى الجديده والتخطيط القادم يكون الدور فيه على الصويرة
واترككم مع الصور
هذه البنايه الى سكنها فيها وكل شئ تحت متوفر
هذا الحى البرتغالى فى الرابط
https://www.mza3et.com/morocco11554.html (الحي البرتغالي فى الجديده بعدسه بوسيف)
وهذه الوليديه
وللزعطه بقيه,,,,,,,,,,,
2012-05-08, 02:34 PM
ويمشى وراى وانا اطالعه من المرايا الى في النص والسياره تترقص يمين شمال 
ومشغلين صوت الاغانى على الاخر قلت بنروح فيها لو حصلنا تفتيش فى الطريق
الله يستر وصرنا 3 سيارات ورى بعض واشوف زميلي يطرش لي مسج 
وقلت له ماقالت لك العجوز بعد انا طيرك اليوم مابتسهر معي ههههههههههههه اي طير اي خرابيط الا هى بومه
المواضيع المتشابهه للموضوع: رحلتى للمغرب ,الجديده,اسفي.الصويره,اغادي ر,مراكش
العرض المتطور
الدرهم المغربي مقابل عملات الخليج