رحلتي الى مراكش والرباط وكازا 22 يوم

المقلاع · 2012-05-21T20:29:36+00:00

[SIZE="5"][SIZE="6"][SIZE="6"][COLOR="DarkGreen"]كانت رحلتنا في الصيف الماضي 2011 الخطوط الملكية المغربية 2640 ريال -الدمام - الرياض- كازا في البداية ماكنا مخططين اصلا للسفر الا ان احد اصحابي لج راسي لج سمع عن المغرب وقرأ وماتحمل الا يروح يروح لو باص 00:Abu Ahmed (697): أبطال الرحلة - محدثكم اول مره - عبيد اول مره -حمود ثاني مره سافر للمغرب بدأ الحديث عن المغرب بالسياره بعد اتصال هاتفي لحمود من المغرب عبيد من بعد هالاتصال ماسكت وصار يحفر بالنت عن المغرب لدرجة انه صار يوصف الشوارع هناك تقول راح لها 20 مره وبعد الاخد والرد دخلت الفكره براسي .. بعدها بايام اجنمعنا ومعنا حمود قلنا يالله جهز الحجز حمود ماصدق .. قال لنا اسمع انت واياه المغرب ان رحتوا لها خلاص هي النهايه ولاتقولون مني ووو ومن هالكلام قلنا يحمود لاتكثر الهرج خلاص تم القرار (( قال حمود قرار نهائي قلنا نعم احذف كل الاجابات هههه)) بعدها تم الحجز وأول نكبه تغيير وقت الاقلاع وقت وصولنا مطار الرياض من الدمام الى يوم ثاني ويالله ويالله عبيد ماسكت من المسخره على حمود كل شوي هاه الخبير يقصد حمود وش الدبره ,,المهم تاكسي من مطار الرياض الى اقرب فندق ،، بعده اقترحت اقتراح وش رايكم طالما حنا بالرياض ناخذ العزبه كلها من هنا .. قال حمود لا لا كل شي فيه هناك المهم 2 الى واحد واتفقنا جميعا على شراء متطلبات على الاقل الايام الاولى قضينا كل شي تقول رايحين مدغشقر !! حتى عبيد شفت بيده بالسوبرماركت كيس فحم واليد الثانيه رقيه !!! انقضت ليلة الرياض بسرعه وقت اقلاع الطائرة 8:20 صباحا .. شيك اوت 5:30 وصلنا المطار قبل الاقلاع تقريبا 6:30 ,, وعبيد يسحب في الشنط تقول بنغالي مع ذاك الشنب الكلاسك والشعر الميالي !! عند الكاشير هاه شباب وين رايحين ؟ كازا عندكم عفش ؟ 4 شنط .. اوك تم قطع البوردنج وعبيد مو مصدق بتقلع الطائره بموعدها كل شوي يقول لحمود شرط بتتأخر !! حمود : اقولك شي عبيد .. قم جيب لنا موكا وشي ناكله وترك عنك هالبربره!! صراحه حمود دبلوماسي وجنتل مان وثقيل وكتوم جدا.. ويستمع أكثر مما يتكلم وهذا اللي خلانا مانعرف عن المغرب شيئ برغم النت وغيرها لولا ذاك الاتصال اللي شعلل عبيد .. عدا الوقت وفتحت البوابه وعبيد قام بسرعه .. واختفى بين جموع المسافرين على الرحلة نفسها ! انتظرت مع حمود حتى فضت البوابه واقول لحمود يالله.... قطعنا البوردنج ودخلنا الطائره وعبيد واقف في النص ينتظرنا يأشر !! وصلنا عنده جلسنا كل على كرسيه وعبيد ابتسامته شاقه وجهه هههه!! أقلعت الطائرة على موعدها عكس ماتوقع عبيد .. ولان عبيد ماسافر مسافات طويله وجهه صار طماطم مهروس من التقلب على الكراسي ,,,, وصلنا تقريبا الساعه 5 وبتوقيت المغرب 2 . بعد نزولنا من الطائرة اتجهنا الى العفش ماتأخر .. بعدها صرفنا لنا دراهم مغربيه كل واحد منا 2000 ريال ..حمود انتظروني دقايق اختفى حمود بالمطار ورجع ماتأخر وين راح ماسالته ،، وعبيد عيونه بتطلع من راسه !! كل شوي يقول وش هالديره ؟؟!! عرب !! ماصدق!! نزلنا مكان القطارات وكان اتفاقنا اول ديره نروح لها مراكش .. حمود رح صف سرا مع الناس واحجز لنا 3 تكت الى مراكش .. انطلق عبيد وجاب 3 تكت وخلاهم بجيبه واخذتنا السوالف وصل القطار نبي نركب درجه اولى طلع التذاكر عبيد الا وهي درجه ثانيه .. واسحب يعبيد في الشنط شنطه على كتفه والثانيه بالارض .. احد يسألني ليه دايما عبيد هو اللي يشيل الشنطه اللي فيها العزبه ؟؟ عبيد جسمه رياضي وينبسط يسحب بالشنط ههههه! ((للاسف لم يتسنى لنا التصوير)) للحديث بقيه في الحلقه القادمة وموقف جميل جدا اثناء انتظارنا تبديل القطار في محطة كازا فياجور [/COLOR][/SIZE][/SIZE][/SIZE]

صفحة 3 من 3

ADMNTK

رحلتي الى مراكش والرباط وكازا 22 يوم

المشاركات: 2,131

تاريخ التسجيل: Feb 2012

الدولة: فُيُ ركُنيُ آلهآديُ

2012-06-08, 11:34 AM

المشاركه #21

رد: رحلتي الى مراكش والرباط وكازا 22 يوم

تقرير جميل وسرد ممتع واصل يابطل

مدري مـن

مزعوط قدير

المشاركات: 237

تاريخ التسجيل: Jan 2012

2012-06-08, 02:59 PM

المشاركه #22

رد: رحلتي الى مراكش والرباط وكازا 22 يوم

المقلاع

وآصل يابعــدي

عبن دياب

مزعوط مبتدء

المشاركات: 36

تاريخ التسجيل: Nov 2010

2012-06-11, 01:48 AM

المشاركه #23

رد: رحلتي الى مراكش والرباط وكازا 22 يوم

الحمدلله على السلامه

المواضيع المتشابهه للموضوع: رحلتي الى مراكش والرباط وكازا 22 يوم
الموضوع	آخر مشاركة
رحلتي مابين طنجه وشفشاون ومراكش وكازا	2024-02-03 11:30 PM
رحلتي الى شفشاون والرباط ومراكش والدارالبيضاء ...	2021-02-01 02:49 PM
تقرير رحلتي لمراكش وكازا بالصور	2019-01-24 11:42 AM
بين مراكش وكازا	2016-03-21 10:45 AM
شقة ب مراكش والرباط	2015-07-07 05:45 AM