ابوعظيمات والطفوله البريئه

ابوعظيمات · 2012-07-09T05:10:01+00:00

هناك بين بواسق النخيل وبين سلاسله الجبال الشامخه وفي تلك القريه الوادعه ولد ابوعظيمات في اسرة لاباس عليهم حيث ان والده كان يعمل مزارعا حاله حاله اهل قريته ونشا ابوعظيمات في تلك المروج الخضراء وجداول الماء التى تنساب بكل دلال ورقرقتن حتى حنا عندنا رقرقه مو بس انتم حيث كانت الفراشات ذات الالوان الجميله وال تحوم حول ابوعظيمات وهو يلهو في تلك الحقول >>>بس ياهايدى منذ نعومه اظفاري ونا اعمل واكدح مثلي مثل اغلب ابناء القريه في الزراعه وحين يحل المساء نفترش الارض لنتوسد على اديمها لننام في الحوش حيث ان بيتنا عباره عن غرفه طين وحوش ولافي لاكهرب ولا غيره وهذا الي خلانى انام ونا اتامل النجوم واعدها ونام قبل اكمل العدد وعند شروق الشمس نستيقظ لتبدا معركه الافطار ياتلحق ياماتلحق لان السرعه مهمه لتحصل على جزء من تلك المائده التى تحتوى على قرص مفتوت بالسمن والعسل وهذ الشي الي خلانى معظم لانى ماقدر احصل على حصتى من الطعام بالليل كان ابوى يخشنى عنده بلحافه ويسولف على عشان انام بدري لانو لاحظ انى اعد النجوم واعد حبات المطر>>بس ياورده ويجلس يقصى على سوالف عشان انام .ومره قصه على قصه عنتر وعبله وكيف كان عنتر بطل يقتل الاف الاعداء وببراءه الاطفال سالته ليش يبوى منت زى عنتر ....لحظات حسيت انو النور طفى اثره لخنى بكف قال ياورع ارقد انا ابي ارقدك ونت جالس تتفلسف عرفت ساعهتا انو لازم تلوخ ولدك كف عشان مايتلقف وعشان الاب لازم يلوخ ورعانه كفوف عند بلوغى 7من عمري ذهبت للمدرسه وكان اول يوم بدراسه ونا جالس مفهى والمدرس يشرح الفن باوون نوونون ونا ماندراى وش سالفته مع الفون وسرحت ونا في داخلي اقول هالمدرس وش طاعونه الفن الفن ولادريت غير كف ماشي مليون فقدت الذاكره منه لحظات ثم بدات مسلسل الصياح نياهااهي اهي وااااااااااي المهم سويت مناحه لين خلانى اروح البيت وعرفت انو بالمدرسه يعطون عيال الناس كفوف عشان تتعلم رغم المعناه كبرت وكبرت احلامى وبيوم وعند ماحل الغسق وبدا نور القمر يرسل اشعته الذهبيه ونا جالس عند الماطور اسقي الزرع بالمزرعه سمعت صوت بكاء ونحيب ورحت اتسلل بين الجبال لكى اصل لمصدر الصوت حتى وصلت لاعلى الجبل والاقي قرده لابسه تيشرت احمر وبنطلون ابيض وبيدها ورده حمراء تقطع فيها وتقول يحبنى مايحبنى وتصيح الصراحه انا بغيت احضنها واهدى من روعها بس خفت تتطور السالفه قلت خلك رجال وتعامل مع القرده بكل ذوق جلست اهديها وعطيتها عصير وكافي لاتيه حتى روقت وسالتها وشفيك قالت بصراحه انا حبيتك هنا اغمى على وفقت وقلت شلون حبيتينى ونا ماعرفك قالت لاانا اعرفك انت ابوعظيمات الي بالمزاعيط هههههههههههههه قصدى انها شافتنى بالمزرعه قلت شوفي ياخت قرده انتى حيوانه ونا انسان ومايصير حب بينا لازم تحبين قرد مثلك قال لامابي مابي وجلست تصيح ثانى المهم انا رق قلبي وجلست اسولف لها حتى ادركنى الصباح وذهبت الى بيتنا مرت الايام ونا وقردتى نتقابل بسفح الجبل وهاتك ياشعر وغزال وحب عذري حتى يوم من الايام قلت بينى وبين نفسي واخخر هالحب يابوعظيمات لازم تحط حل بعد تفكير عميق فكرت اهاجر واترك قريتى واترك هالقرده يمكن الزمان ينسيها حبنا وتتزوج قرد وتفكنى ونا اسافر واغترب واصير مغترب حتى يقضي الله امره فعلا خرجت من قريتى ونا احمل بين كتفي قلبن ينبض ومشاعر الم وحزن على فراق اهلى وقريتى ولكن كان لازم اتخذ هالموقف سافرت من بلد لبلد حتى وصلت لبلد جميل وحصلت عمل وبدات حياه جديده ومرت السنوات وكل ذكره قديمه نسيتها وبيوم كان ويك اند رحنا انا وصديقي نتمشى على المدينه وكان فيها حديقه حيونات وطلب منى ندخل نتفرج ودخلنا وشفنا الاسد ملك الغابه والحيوانات والا اسمع صوت يصيح ونا اطالع والله المفاجاه قردونه في قفص القرود صرخت قردونه وردت ابوعظيمات >>>ابوالحب هههههههههههههههههه قردونه وش جابك هنا قالت انا اختطفونى ناس وباعونى للحديقه وجلست تصيح وبطنها منفوخه قلت قردونه ليش بطنك منفوخ قالت وهى تيصيح انا حامل ابوى غصبنى اتزوج ابن عمى بعد انت ماسحبت على وسافرت ياغدار ,وجلسنا انا وقردونه نسولف ونسيت نفسي ولا دريت الاواحد تالنى من رقبتى قال الزياره انتهت بنقفل تعال بكره طلعت من الحديقه ورحت البيت وماجانى نوم ونا افكر كيف اخلص قردونه من الاسر بنص الليل اخذت معى طراطيع ماركه ابوديك وقلت لازم اروح اخلص قردونه وطلعت من البيت وتوجهت للحديقه ونطيت السور حتى وصلت قفص قردونه وطلبت منها ماتتكلم وحطيت الطراطيع بالقفل وفجرته واخذت قردونه ورحنا نجري حتى دخلنا اوديه وجبال ومن جبل الى جبل ومن نهر الى نهر حتى وصلنا قريه قردونه ولمن شافونا راحو يبلغون ابو قردونه اثره هو ملك القرود وقردونه بنت ملك القرود فرح الاب الملك قردون الاكبر ببنتته وجمع اهلي قريته وتجمعت القرود من كل حدب وصوب وقال اقيموا الافرح لمده اسبوع بعودت ابنتى ورقص وهز على نغمات الاورج القردونى وقال الاب ياوجيه الخير ابوعظيمات خلص بنتى من الاسر ونا ابغى اكافئه على فعلته الزينه وترانى عطيته بنتى الصغيره زوجه له انا لمن سمعت هالكلام اغمى علي ولاقدرت ارد عطيه ملك القرود مع ان ولد عمها يحبها وجانى ونا نايم بالسيف وقال لو تتزوجها اذبحك انا احبها وعمى داري والله ماعاد باقي غير خبز الدار ياكله البرانى قلت ياخوك انا مابيها حلال عليك انا سويت الي علي عشان قردونه مو عشان ابوها ونا اليوم راح ارحل عنكم اثناء الحديث دخل الملك قردون وصاح صيحه وقال من يكسر كلامى ونا ابو قردونه ابوعظيمات الحين نعقدله على قروده شاء من شاء واباء من اباء التكمله بالجزء الثالث اذا مافي احد قلدنى ههههههههههههههههه

بياض الثلج

مزعوط نشيط

المشاركات: 97

تاريخ التسجيل: Jul 2012

2012-07-10, 11:57 AM

المشاركه #12

رد: ابوعظيمات والطفوله البريئه

ابو عظيمات
ابداع متميز
تقبل مودتي

__________________
اجعل ســرك بيــن اثنيــن {نفســك وربــك}
واجعل إيمــانــك قــوي بــإثنين {ربــك ونبيــك}
واحــرص فــي دنيــاك علــى رضــى إثنيــن { أمــك وأبــوك}
واستعــن علــى الشــدائد بــاثنيــن {الصبــر والصــلاة}
ولا تخــف مــن إثنيــن {الــرزق والمــوت} لأنهمــــا بيــــــد الله

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: ابوعظيمات والطفوله البريئه
الموضوع	آخر مشاركة
ابوعظيمات والسكن الامن	2017-03-24 12:34 AM
تعال وشوف ابوعظيمات من يكون	2012-09-27 02:21 PM
الحسناء التى عشقت ابوعظيمات في شارع جليز	2012-07-17 10:40 PM
الجزء الاخير وزواج ابوعظيمات	2012-07-16 04:57 PM
المغرب يتجه إلى السياحه البريئه	2012-04-09 10:49 PM

الساعة الآن 07:28 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

ابوعظيمات والطفوله البريئه

روابط سريعه