أسعار التذاكر لجميع الخطوط ( موضوع متجدد )

تسلم اخوي المهندس كلامك صحيح وقد اخذت البوردنق نفس خويك من الرياض
لكن المؤيد يقول قبل يومين تغير وش المشكله هم مايدرون لكن قالو لي اصبر اول مارس لان التذكره لو قصيتها الان ب ٤٠٠٠ تذكرتين منفصله العفش والتختيم من كازا لكن انا بصبر اذا شفتها كذا اخذت على المغربيه عن طريق جده فيها تغيير طياره على ماعتقد لكن اتوقع وصولها بالصباح في كازا افضل من السعوديه قبل ماوصلت اقادير الا اخر الليل راح علي اليوم كله لكن انت وشرايك المصريه انسى اطلع عليها لان صيانتها زفت وكراسيها صغار سيئه المهم عطني الي عندك وش تشور علي به لو صملو على كلامهم لان قد جربت النزول في كازا ملعنت جدف وتاخير اشناط الله يعين بس

المغربية طبعاً وبدون تفكير.
بس اذا نتكلم على الصيف يعني شهور 6 و 7 و 8 اصبر حتى لبعد مارس ، لاحظ السعودية بتفتح خط مباشر من جدة إلى لمراكش، يعني اتوقع السعودية بتعيد جدولة رحلاتها، واحساسي يقولي المغربية بترجع رحلاتها الاولة المباشرة من الرياض

اتوقع البوردنق حق اقادير على كلامك ماتاخذه الا من كازا شكلهم رجعو في كلامهم

تسلم ي الغالي ان شاءالله بروح اخر مارس معاد فيني صبر المهم ماعندك هبر ليش المغربيه قفلو مكتبهم بالرياض والغو جميع رحلاتهم الدايركت بصراحه شيء غريب المشكله مافيه الا رحله فقط من الرياض وتمر جده على المغربيه لكن شيكت اليوم نفس وصول السعوديه اذكر ان فيه رحله من جده توصل الصباح لكازا عندك خبر عن الرحلات

سالفة ليه قفلوا مكتبهم في الرياض، لأنه محد يجيه، العالم يا تحجز من النت يا تروح مكتب المؤيد الي حولهم، واصلاً كان نص مكتب متشاركين مع شحن المؤيد وفي مكان رايح فيها بعد تحويلات المترو.
سالفة ليش لغوها من الرياض، المغربية اذا ما كانت الطيارة فل ما تلزمهم، عشان كذا أقولك احتمال ترجع في الصيف.

نجي عاد لسفرتك نهاية مارس، خلنا نقول من الخميس 28 مارس إلى السبت 13 ابريل، رياض كازا اغادير، عند خياران:
السعودية تطير 14:35 توصل 22:40، والرجعة تطير 18:10 توصل 6:05 صباح الأحد، ب3550 ريال.
طيران الخليج تطير 22:00 توصل 12:10 ظهر الجمعة، والرجعة تطير 5:15 توصل 20:30 السبت، ب2775 ريال.

طيران الخليج متعبة بس فيها ميزة ان لو عندك دوام الخميس تدوام وتطلع المطار الساعة 4 العصر، والرجعة يوم السبت الساعة 8:30 بالليل يعني يمديك تنام للدوام، والانتظار في البحرين حول ساعتين وشوي وزيها في كازا، وفيها ميزة انك تقضي من السوق الحرة حقة البحرين، ولو معك فيزا بلاتينيوم تدخل اللونج في البحرين وتركب الطيارة وأنت جوك جميل ههههه
طبعاً طيارات الخليج جربتها في يناير الي راح من الرياض لكازا نفس خط السير طيارتهم جديدة وخدمتهم توب بس أكلهم مضروب، وكان سعرها ب1800 ريال

طبعاً اذا عزمت على طيران الخليج ما عندك الا موقع سكاي سكانر عشان أغادير.

حلوه طيران الخليج جربتها عيد الفطر عيبها الوحيد العوده اقلاعها كان 8 الصبح وهو من ابعص الاقلاعات فيه ناس ماتفرق معهم لأن اخر يوم النفسيه تبن واقلاع صبح تبنين قدها ماتفرق خربت مامثل السعوديه المباشره اللي تقلع الساعه 21:30 المساء وبعدها المصريه

تسلم ي الغالي والله ماقصرت

فيه رحله متاكد منها تقلع عن طريق جده الى كازا توصل الساعه ٩ ومن بعدها الى اقادير توصل الظهر انا عندي افضل من حقت الليل توصل متاخره وبعد الحجز ان شاءالله راح اذكر لكم وقتها ماعمري طلعت عليها لكن اذا حصلتها بطلع عليها صحيح بيزيد السعر لكن ماعندي مشكله

رحلة الخطوط السعودية اللي توصل الصباح
الرحلة هذي 3 أيام في الأسبوع وأحياناً تتغير جدولتها
تعتبر أفضل رحلة للمواصلين طيران لأكادير
الأقلاع من جدة الساعة 3:45 فجراً
الوصول لكازا الساعة 8:55 صباحاً
بالنسبة للمسافرين من الرياض الأقلاع طيران داخلي مع شحن العفش مباشرة للمغرب
الأقلاع من الرياض الساعة 11 مساءً والوصول لجدة الساعة 12:45 والأنتظار لمدة 3 ساعات قبل الأقلاع الساعة 3:45 فجراً

وصلت اسعار خياليه. ٤٥٠٠