ما يقوم الحظ إلا ف الحلوم
كل ما يخطر في بالي احلمه

لين صرت اقضي الايام نوم
ابني طموحي ولاقمت اهدمه

خلنا نبقى حبايب من بعيد
والسماء رغم البعاد اعطت سحاب..
مابي اتعودك وأخذ وأزيد،
ثم تروح تغيب ويكسرني الغياب

ماهو ضروري كل حاقد أعاديه
ولا هو ضروري كل طيّب رفيقي

علم الردى والطيب يبقى لـراعيه
وأنا على دربي وعارف طريقي

فاقدك شوق ، وسوالف ، غرام
شوف ( حبّك ) كيف بالقلب انتشر

عالمي من لحظة ( غيابك ) ظلام
لا شعور ، ولا حياة ، ولا بشر

يغار « قلبي » كثر ما تحبك الناس
من طيبك أعذر كل منهو « يحبك »

مادام كل الناس ترفع بك الراس
أنا أول « إنسان » وقف يفتخر بك

أغلـيك حتى لو تباعدت بغليك..
أغلـيك لو كل البشر "عارضوني"

أغليك حتى وإن تناسيت شاريك..
وأهـواك لو كــل البشر "ضايقوني

الجنون عيون .. وعيونك وطن
والوطن من غير عينك وش يكون
لا شوارع ، لا اماني ، لا سكن
لا حياة ، ولا ممات ، ولا طعون

الخوي اللي خوته شيك مفتوح
شيك الوفاء ماهوب شيك الدراهم
هذاك عندي بالغلا كنه الروح
على المعزه ، والشرف ، والتفاهم

إيجابي القلب رغم إحساسي السلبي
انا اعرف إنّك تغيب وصرت لك خلّك

لا جيت بـ ادعي عليك يردّني قلبي
واستغفر الله واقول 'الله يسهلّك' ..!!

لا تمسحين الدموع اللي على رمشي
هذي ( طقُوس الفـراق ) .. الله يعديها

تعالي آصوّر ب جنبك .. قبـل نمشي
عمر الصور اطول من اعمار من فيها