بري حالي يا هبوب الفجر ﻻمن جيتي
واتجهتي صوب قلبٍ موجعّته الفرقا

واتـعـوذ مـن هبـوبك ... كـل ما هبيتـي
خابر ما من وراك اﻻ الدموع الزرقا!!

لاجاك رجل من ظروف الزمن مل
قله تراني صاحبك وأنس همك

لاتحرجه وتقول دور لها حل
لو إن عنده حل ماراح يمك

سلام لك من صادق القلب مشروح
ياللي غلاك بداخل القلب ماراح

نـاس تجـي وتروح ماهزت الروح
وناس غلاها ثابت وسط الأرواح

أبدي سروري وأخفي الهم والضيق
والناس ما تفهـم خفايـا جروحـي

أنا قوي الباس قدام كـل المخاليـق
وأضعف بشر لا صرت قدام روحي

مـاهو تغلي يوم شفتك وصديت
أخـاف عيني تحرجـــك في نظرهـــا

والله ماغيــرك بعمـــري تمنيت
ونفسي لغيــــرك معمي الله بصرهــا

نسيناك يوم اقفيت وابطيت ب الجيه
وحتـى مشاعرنا القديمة .. نسيناها

مثل ضو بدوً هملوها وهي ، حيّه
وقام الهوى يلعب بها الين طفاها

حنا نحب الطيب ياراعي الجود
حتى ولو إن الليالي شحيحه

قولت هلا يامرحبا وازرق العود
مقدمه/ للضيف قبل الذبيحه

على طاري أحبك/أحبك ولاأدري عنك
ترى حبنا معقول/والا مهو معقول؟

أحبك كثر ماأحب(أحبك)تجيني منك
وأحبك كثر ماأطريك __طراه يوم تقول

سلمت له قلبي وانا واثقٍ فيه
وشفني على كثر الجفا ماسألتك

قلبي امانه تجرحه او تداويه
أنت وضميـرك دامنـي ماجهلتك

من غيرك اللي خذا عقلي
أسألك بالله من غيرك

دخيـــل عينك انــا من لي
يا أول الناس وأخيرك