ماكذّب اعذارك وماني بحاجة قسم
بكيت .. وعيونك الثنتين صدقتها

انا معك مانشابه غير روح وجسم
لي روح لكن قبل كم يوم فارقتها

ياليت لي قلب مثل الناس ماينقسم
او ليت خنت المحبّه بس ما خنتها

هنا صدر فيه ذكرى ميته تنوسم
مو قادر انسى احبك يوم ماقلتها

اشتاقلك حيل واول ما يضيق النسم
طلّعت صورَتْك من جيبي وطالعتها

احساسي الوان والايام لوحة رسم
لا غمضت عيني ف بالي تخيلتها

تطري علي ذكريات البارحه وابتسم
وانسى اجابة سؤالي واذكرك وقتها

على ورقة امتحاني في فراغ الاسم
كتبت أسمك بدال اسمي .. وسلمتها

ابيك يا الغامض وانا احب الوضوح
تعبتني .. كنك ، [ فراغات ونقط ] ،

ممكن رقم ؟ ممكن اسم ؟ ولاّ اروح
ودّي بـ شرع الله .. لا تفهم غلط

على ضفاف المكان ارواحنا ترسي
قلوبنا .. مع مرور الوقت : مكسوره

تدور الايام وسنين الوصل عكسي
ياليت ؟ لادار عمري يعكس الدوره

من بعدك الحب مايقوىٰ على لمسي
قلبي مع انسان ثاني ميّت شْعوره

حسّيت بـ ندوم لكن ماصدق حدسي
رحلت ودموع ذكرى الامس منثـوره

خذيت من اوّل ايامي معك درسـي
انا عرفت ( الوزن والشعْر وبحوره )

بنفس هذا المكان ونفس هالكرسي
شاعر ومافيه غيرك انت : جمهوره

خذاك بكره ؟ بعد ما ضيّعك امسي
جيت المكان القديم وطارت .. طيوره

انا اسولف معك لو كنت مع نفسي !
في بالي اتخيلك بالصوت والصوره

مرّنـي زولك مرور : العابرين
انت هٰذا ، لا تقول انّي حلمت

مالت رقبتـي من الفرحـه يمين
يوم طالعتك على طول ابتسمت