انا انتظرت المفارق للاخير
بكيت لك في وداع الامنيات

حسيت عمري مثل شايب كبير
ماعنده الا ( ولد واحد ) ومات

اكرهه جداً .. وانا جداً احبّه !!
اختلاف شْعور متعايش بصدري

صار متناقض شعوري بالمحبّه
كل ما قالوا تحبّه قلت : مدري

وين صوتك ؟ قول ودي اسمعك
بالـي المحتار عنّك .. ما سلا !!

جيت ابنهي قصة ايامـي معـك
قال عقلي ايه ، قلبي قال [ لا

شاعرك اوصاف وجهك عنّتـه
يذكر عيونك ويذكر كيف كنت

خالق الله .. حُور عِين بـ جنّته
غير فالجنه خلق فالارض أنت

نام ؟؟ بفرشلك يديني وابتسم
لو تحس بالبرد حضني ضاق لك

انت تدري من قبل عندي جسم :
من يجي فصل الشتا يشتاق لك

ليت انتلاقى .. قبل ليلك يودعنا
برد الشتا خايف انه ما يخليني

محتاجلي ساعه بـ موعد يجمعنا
صوتك بهالبرد ما يقدر يدفيني

بعض الرياجيل مرجلته نسائيّه
يوم الرجل خطوته ماهي على الوجهه

رجال عند المرايا .. كنّـه بنيّه !!!
يحب وجهه كثير ، اهيييييييب ياوجهه

حبيّت غيري لين رحت لـ نصيبك
ما كنت متوقع اشوفك مع الوقت

ويّاك واحد .. يمكن انه : حبيبك ؟
سوّيت نفسي ما اعرْفك ودنقت

جرح ما ينزف ودمعي نثرته يوم راح
شوف جرحي لا تعافيت منّه ما يروح

مثل ما بـ المدرسه فيـه طابور الصباح
فيـه بصدور المحبين .. طابور الجروح

كن بعيونك ظلام وكن بعيونك نهار
النهايه بين رمشينك بداية كل يوم

ننتظر توقيت عينك لو يطول الانتظار
من تغمضها ننام ومن تفتّحها نقوم