يارب نفسي تبيني امشي بكل شي
/ وتشوفني انسان قاسي كل ما اطقها..!

مدام جلدي بيوم الحشر يشهد علي
/ وشلون حال البشر اللي تبي حقها

ذريتهم في وجه ريحي وطاروا,
وتْساقطوا ريش وتباريح وأوراق !

أحباب كانوا لكن اليوم صاروا
حفنة تراب معلقة بين الأحداق

انا سجين الكلام اللي بصـمتك سـجين
سولف عليك الحـروف ولهـفتي حالفه

ما ودي الا لـيا سـولفت في حـاجتين :
ما يوقف احساسك وما توقف السالفه

مايطلع الروح غير الموت والحاجه
والموت هين .. لكنّ الحاجه مصيبه

لاحدّك الوقت بين الليل وسراجه
ماتميز العمر من كثرة عذاريبه

مع احترامي للزمن والصداقات..
وروح القلـوب الطاهره والعفيفه،

في هالزمن رغم انتشار العلاقات،
نادر تلاقي لك علاقه نظيفه !

عليل ، وللجوّ العليل ، اعلاج...
وهمومنا تحصيلها حاصل....

مثل ما نحتاج المطر ، نحتاج :
حب ، و وله ، وعتاب ، ومواصل...

حزين واقدّر شعور الحزينين
من يوم هديتي " يديني وحيلي "

وان كان جا وقت السفر ، لاتغيبين
تخيليني ديره وسافريلي

قلت حبيني ولكن ماقدرتي
رغم مابيني ومابينك مسافة

ياحمامه غرّتك غيمة وطرتي
وماذكرتي من ربيتي في ضفافه

تبيني ارجع احبّك؟ آسف شعقبه ؟!
انا بقايا من الحب .. ومن اغلاطي

ما أبشع البحر ف عيون المغرّق به
وما أجمله في عيون اللي على الشاطي

ليت لي لامرّت الذكرى جناح
كان لامن غاب لي غالي أجيه

منت أكثر شخص أوجعني وراح
أنت أكثر شخص يوجعني وأبيه !