ياشوق له قلبي و هو مادرى به
لو يدري بشي حصل كان ماغاب

اسج كني ماعلي من غيابه
وانا عليه من الوله خافقي ذاب

ليه أنادي بـ المدى تكفى تعال ..
وصوتي المبحوح لـ حباله كفن ..

ما عطيت آخر معاذيري مجال ..
يا مواطن : ليه ضيعت الوطن .

ياللي خذا شعره من الطير تغريد
ومن مدلهم الغيث صافيه لا جاد

ومن كل روضٍ عله السيل ترديد
ريح الزهر ومداعب الريح الأفناد

شكيت للدكتور من دمعة العين
اللي خذت من ناظري لذت النوم

وكتب دواي وقال من بين قوسين
لازم تشوفه ست مرات في اليوم

متى على الله ينجلي الهم والضيق
متى على الله يشّفي الحق عِلّه !

متى على الله يفهم الشعب ويفيق
حرب المصالح تطحن الشعب كِلّه !

يارب وعبادك لك سْجود وركوع
وأنت الغني وعالمٍ ويش فيهم

المسلمين اللي بـ يذبحهم الجوع
طالبك تغنيهم وترضى عليهم

يارب حنّا عبادك يالعـظيـم الحليم
نـوّر عـليـنا الدروب و نـوّر قـلـوبنا

نطلبك عطفك ولطفك يالعزيز الكريم
هوّن علينا الـشدايد وإغـفر ذنوبنا

أحلّفك بالله .. ربي وربك ..
ان كنت ماتقوى على الحب .. خلّه

ماهوب عيب إن قلت .. والله أحبك ..
الحب نعمه .. وأنت نعمه من الله

بيني وبيني ولادة حبي العذري ‘
عني وعنك تسولف دايم أشعاري {

ما أبيك تدري بغلاك وينكشف أمري {
حلاته إنّي عشقتك وإنت مو داري

كلامك ) اللي : بـ عينك / ماتقبلته ،
كنت اصغر مْن الفرح في يوم ميعادي !

ذخرت لك : كل طاري .. مابعد قلته ،
وذخرتني للجروح وقلت لك : عادي