صارلي موقف .. ولا ادري هل تعامليه معه بصح .؟

العطاوي · 2012-08-12T05:31:13+00:00

سلام عليكم شباب أنا في صدري علم يتمرقص فيه كل ما أتذكره وأسئل نفسي هل أنا مذنب أم لا سافرت للمغرب وأتفقت مع شوفير يتعامل معي باليومي وكان حسابه 500 درهم في اليوم لمده عشر أيام لمن يجي وقت السهر ويصلنا ولمن يجي الصبح يسحب علينا ندق عليه ما يرد أو مغلق عمل الشي هذا ثلاث مرات لدرجه أني أقتنعت كل ما أسهر لازم أرجع مع تكسي وكان حجته أنه مره نايم ومره في دوريه ومره ما أدري ايش لاكن يعلم الله اذا بغينا اي مشوار في الأوقات الثانيه يودينا المهم اخر يوم وأحنا رايحين لكازا على اساس ناخذ يوم وبعده رحلتنا على طول قلت له بسعت صدر ورحمه وتقدير على الأيام الي فاتت معنا قلت له اذا سهرتنا اليوم في كازا ولا سحبت علينا راح اعفو عنك عن الي صار ولا اخصم على اجرتك { طبعآ متفقين على أن الأجره اخر يومين اسحبه له لمن نروح المطار من الصراف قال أوكيه من عيوني قلت عفى الله عما سلف .. ابو الشباب نزلنا في شقه وسحب علينا لا ودانا ولا جابنا ههههههههه ليتك على الأولى كان يودينا الحين الثنتين طبعآ كل عاده الجوال مغلق شرينا روسنا أنا وخوي واشرنا تاكسي وسهرنا ورجعنا الصبح ونمنا وكان رحلت خوي الضهر وانا المغرب المهم مادرينا الي صحانا الضهر سواقنا العزيز كويس انه ما سحب على توديت المطار ودا خوي وقلت له من تودي خوي وترجع ونتغدى سوا توديني المطار لان رحلتي بعد خوي باربع ساعات وقال لي ترى حساب توديت المطار غير عن الأجره اليوميه قلت أيه طيب صبرك علي اهم شي ودي خوي ولمن توديني اعطيك الحساب كامل انا ابي انام الحين قال طيب وراح وصل خوي وأول ما طلعو اخذت عشر دقايق والله اسلم الشقه واخذ عفشي واقرب تاكسي على عين ذياب واتغدى واعين من الله خير وادز للمطار واسكر شريحتي المغربيه وعملت هذا عقاب له لأنه سحب فينا وتعبنا وكان الباقي من حسابه 2000 درهم وهوخمس مرات سحب علينا المهم رحت للمطار وقصيت البوردنق وافقع لصاله المسافرين ههههه بعدين تواصلت مع الخدامه الي كانت تشتغل عندنا لان طبخها كان كويس وابي انسق معها سفرتي الجايه تكون هي خدامتنا فاقلتلي ان سواقكم كان يتععامل مع اين غيركم ههههه اثره كان يشتغل على الحبلين يسحب فيني ويسحب في الناس الثانيه ابي رايكم في أتخاذ قراري

ولد كازا

مزعوط مميز

المشاركات: 272

تاريخ التسجيل: Jun 2011

2012-08-16, 06:35 AM

المشاركه #1

رد: صارلي موقف .. ولا ادري هل تعامليه معه بصح .؟

اخوي الغالي ...صحيح انك تاخرت في حسم الموقف من اول مره ...ولكن انا معك في قرارك الاخير ...يا اخوان السواق صار عنده تبلد لانه يعرف الخليجيين طيبين ..ومايعاملونه بدقه وعلى الاتفاق وصار يسوي الحركه ذي مع الجميع ....اشهد انك يالغالي فريت مخه ويادار مادخلك شر ..وخله يحسب الف حساب لغيرك ....وبصراحه اذا بغيت سواق الافضل تطليهم من مكتب التاجير على مسوليتهم اريح لك

__________________

المغرب لا تستغرب

مزعوط مميز

المشاركات: 280

تاريخ التسجيل: Oct 2011

2013-10-16, 07:51 AM

المشاركه #2

عدل شغلك زين سويت فيه دايمآ الي يبي يسوي نفسه ذيب تاكله لذيابه كفو عليك والله على شان يحرم مره ثانيه يسويها مع اي واحد لين متى ياجماعه يستغفلونا وأحنا ساكتين والطيبه الزايده ذابحتنا وهم لاذمه ولا ظمير ويستغلونا أبشع أستغلال كفو عليك عطيته درس ماراح ينساه وانا بعد عندي تجربه مشابهه بس انه خليته يكلم نفسه اربع سنين

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: صارلي موقف .. ولا ادري هل تعامليه معه بصح .؟
الموضوع	آخر مشاركة
اجرحيني . . ادري انك : اسفـه !	2024-11-18 07:18 PM
جاي مراكش ولا ادري وين اسكن	2018-09-09 11:31 AM
عيون المها بين الرصافة والجسر جلبن الهوى من حيث ادري ولا ادري ..	2011-10-24 02:11 PM
اول مره اروح المغرب ولا ادري وش الهرجه	2011-06-23 05:14 AM

الساعة الآن 11:08 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

صارلي موقف .. ولا ادري هل تعامليه معه بصح .؟

روابط سريعه