حفظ البيانات؟ هل نسيت كلمة المرور؟ تسجيل عضوية جديدة

عندما تقرر السفر ولكن لاتعلم متى سوف تعود

لياالي · 2012-09-08T03:19:01+00:00

[SIZE=5]اولا - الشكر لكم جميعا لما قدمتوه لي من نصائح جعلتني استطيع تجاوز مرحلة مهمه جدا في حياتي [/SIZE] [SIZE=5]تانيا - شكر خاص جدا للاخ العزيز ADMNTK لرسالته التي افرحتني ولنصائحه جزاه الله كل خير[/SIZE] [SIZE=5][/SIZE] [SIZE=5][/SIZE] [SIZE=5]اخواني حقيقه اعذروني حين اتحدث با العاميه فانني اجدها اسهل في سرد هذا التقرير الذي اتمنى ان ينال اعجابكم وان تشاروكوني بمشاركاتكم الجيده واتمنى من اخواني الذين سوف يقدمون لي النصائح ان تكون عن طريق الرسائل الخاصه اما الاستفسارات فسوف اقوم بي الاجابه عليها اتمنى لكم متابعه شيقه[/SIZE] [SIZE=5][/SIZE] [SIZE=5][/SIZE] [SIZE=5] الحلقة الاولى[/SIZE] [SIZE=5][/SIZE] [SIZE=5]في شهر سته الماضي اجمع جميع اعضاء الاستراحه على السفر الي المغرب وكانت السفره الاولى لهم رغم ان اصغرهم يبلغ من العمر 43 سنه واقلهم في المستوى التعليمي يحمل درجة الماجستير في احد التحصصات الصحيه ويعتبرون اخوان لي وقد سافرنا كثيرا للكثير من الدول وبيني وبينكم ولا تعلمون احد هذولاء من ضحايا مغامراتي بلمغرب المهم عندما تم الاجماع على السفر للمغرب لم استطيع الرفض بتاتا في ذالك الوقت وقمت بتنسيق جميع امور الرحلة وقبل سفرهم بأسبوع تقريبا قررت ان افاتحهم بلموضوع وعن عدم رغبتي في السفر معهم وذلك لظروفي الخاصه ولكني قد قمت بترتيب جميع ما تحتاجون اليه للسفر للمغرب وسيكون بيننا تواصل دائم ورجوتهم قبول اعتذاري ما قصرو الشباب قدروي ظروفي وسافرو وبعد اسبوعين رجعو وخذ يا قصص ويا مغامرات منهم المهم رجعت البيت وانا مشتاق للمغرب رجعت البيت وانا متكهرب خلاص ما اشوف غير المغرب رحت البيت وخذ يا ذكريات ويا صور ويا مواقف المهم قررت اني اتصل بشخص لا يمكن ان اسافر للمغرب الا وهو معي هذا عاد قصه حتى اهل المغرب يسمونه عبدالفتاح القريني يشبه صاحبي موت اتصلت عليه وكلمته وتذكرنا سوالف حلوه وموافق تجنن بلمغرب وشوي الا وهو يقول ترى انا بسافر الفلبين يا ولد عدل بدل وش جرالك قال مواعد ولد خالي نسافر للفلبين وترى حاجزين ووضعنا بسليم وترى شريت لي ولك التذاكر للفلبين وكنت بجي واخبرك بس حلو يوم انك اتصلت عاد انا انصدمت حقيقه واحرجني الرجال بكرمه وكمل صاحبنا واعطاني موعد الحجز يوم 28-7 2012 عاد قدم اجازه وزين امورك المهم انتهت المكالمه وانا مصدوم المهم مر على ها الكلام اسبوعين وما علمت احد ابد ولا قدمت اجازه ولا شي ذيك اليوم وانا جالس في الاستراحة مع اصحابي العباقره الا واحد من الاصحاب يجي يمي ويقول ابيك بموضوع خاص والله واطلع مع الرجال وناخذ ونعطي الا شوي يقول لي ترى انا وانت بنسافر تايلند لازم اسافر هناك ضروري يا ولد وش فيك وش تبي بتايلند ترى ممنوعه ومشاكل وما في سفاره وانا حقيقه اعتذر منك انا رجال باقي لي كم شهر واطلع لندن اكمل دكتوراه ممكن ختم تايلند يسبب لي مشاكل قال لي والله عاد هذا الموضوع مو بكيفك بتطلع معي انا رجال مريض وابي اتعالج في المستشفى الملكي ببانكوك وما لقيت احد كل اصحابي ملتزمين بي زواجات ومشاكل وانت عزوبي وما عندك شي بها الاجازه واخواني صعب اعلمهم تعرف راح يقلقون عاد يوم قال ها الكلام قلت له ابشر ولا تهتم ترى انا موافق من زمان في احد يبي خوتك ويقول لا المهم جهز الحجوزات وتكفى مانبي احد معنا ترى لو احد بيروح معك انا بهون قال ابشر وعد مني مايروح معنا احد ولو احد بيروح بخبرك المهم طلعت من الاستراحه وانا منتهي اعصابي والقلق على صاحبي قلت بكلم اهل الفلبين واعتذر المهم كلمت صاحبي عبدالفتاح القريني وقلت له عن الموضوع وبيض الله وجهه ما قصر عذرني وصلت انا البيت وانا خلاص ماعاد اشوف غير تايلند واهوس بصاحبي ومرضه مر اسبوع تقريبا ولا وصاحبي المريض نسأل الله له الشفاء يتصل فيني ويبلغني انه بيسافر مع واحد من اخوانه لتايلند عاد انا عتذرت منه اعتذار شديد جدا وما قصر الرجال تقبل عذري المهم بعد ما انتهت المكالمه كلمت صاحبي حق الفلبين وعلمته بلموضوع ولا هو يقول لي ترى رجعت التذكرة حقتك للمكتب والغيت الحجز لكن بكرة بروح اسوي لك حجز معنا قلت له انا بحجز وبضبط علومي المهم رحت مكتب وضبطت الحجز وقدمت اجازه شهر وقررت تكون اسبوع عند الوالد والوالده واسبوعين بلفلبين واسبوع نحضر فيه نخفف اثار الزعطه شوي ونقدر نداوم المهم ضبطنا الاجازه ولله الحمد وباقي كم يوم وتبداء الاجازه وانا متحمس مره للفلبين جمعت معلومات وما بقيت شي واتفقنا انها تكون رحلة توديع العزوبيه ولازم تكون رحلة هبال وتكون لعدة من الجزر وكل يوم تنسيق وتيط جداول اويجيني اتصال من اخي عزيز من السودان ويلزم علي اني لازم ازوره قريب عشان موضوع تجاري بيني وبينه المهم ضبطت جدولي انو يوم الاربعاء القادم اسافر السودان وارجع يوم السبت عشان ازور الوالد والوالده واقضي معاهم كم يوم سافرنا السودان وقضيت فيها كم يوم ورجعت للبلد واانا متعب جدا جدا وطاقتني العبره اروح للوالد والوالده كذا والله انهم يقلقون علي جلست كم يوم وبعدين حسيت بنشاط وزرت الوالد والوالده والحمد لله انبسطنا معهم وسافرت يوم 24-7-2012 من عندهم وصلت شقتي تقريبا الساعه عشر بلليل واجلس على النت شوي وكم موضوع وكم دردشه الا طلع براسي موضوع السفر للمغرب وانو السفر لغير المغرب موضوع ما يمكن اناقش فيه احد وبعدين هي اخر سفره للمغرب وبعدها لاحقين على الفلبين واقنعت نفسي انو اسبوع بي المغرب وبعدين اطلع اسبوعين الفلبين عادي الموضوع في اجازه وفي كل شي الحمدلله اتصلت بصاحبي حق :Abu Ahmed (198):الفلبين وخبرته بلموضوع قال براحتك اهم شي تجي الفلبين وجيب معاك ناس كويسين قلت له تم وانتهت المكالمه وجت في راسي موضوع الحجز وادخل على موقع الخطوط السعوديه وادور حجز واحصل حجز اليوم الثاني وادور رجعه بعد اسبوع ما لقيت قلت في نفسي انا مجنون من هناك احجز على الفلبين على الخطوط الاماراتيه او القطريه المهم واقص التذكره على درجة البزنس بي 4680 ريال ذهاب فقط واجلس ارتب شنطتي وعلومي واصلي الفجر واتصل بواحد من الاصحاب يوديني المطار وجاء الرجال بيض الله وجهه ووداني للمطار واقلعت الطياره الحمدلله وصلنا مطار جدة الساعه 9ونص تقريبا واروح للبنك واسحب كاش واروح اشحن الشنط واروح على صالة الفرسان واعطيها اكل الي ان دخت اكلت كل شي تقريبا الي ان اعلنو عن اقلاع الرحلة وجينا نهرول على الاعلان الاخير وطلعنا الطياره [/SIZE] [SIZE=5][/SIZE] [SIZE=5] اعدكم بان احاول جاهدا اكمال هذا التقرير والي لقاء قريب جدا بأذن الله:Abu Ahmed (718)::Abu Ahmed (718)::Abu Ahmed (615):[/SIZE]

bo shaheen

مزعوط مبتدء

المشاركات: 31

تاريخ التسجيل: Sep 2012

2012-09-30, 06:21 PM

المشاركه #1

رد: عندما تقرر السفر ولكن لاتعلم متى سوف تعود

الحمدالله علي سلامتك

الكلمات الدلالية (Tags)

السفر

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: عندما تقرر السفر ولكن لاتعلم متى سوف تعود
الموضوع	آخر مشاركة
الساعة القانونية لن تعود !	2018-11-14 10:35 PM
لاتعلم أين يكون الخير	2018-05-07 11:52 AM
جثة فيل بسيبيريا تعود ل30 الف سنة	2012-10-11 04:16 PM
(¯`•¸·´¯) أيهما أقسى ,, عندما تتحجر دموعك,, ام عندما تتساقط؟؟!! (¯`·¸•´¯)	2012-02-23 01:45 PM

الساعة الآن 01:06 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

عندما تقرر السفر ولكن لاتعلم متى سوف تعود

روابط سريعه