* مشارك *منتدى المزاعيط مجمع الحباب ( الجزء الرابع )

Nadosh · 2012-09-16T10:06:15+00:00

[CENTER][B][SIZE="5"][COLOR="DimGray"]فين خلينها ؟ اه خلينها في عائلة فتلة الزين الى باتت ماصبحت في الدوار من بعد ماجات لاستدعا من القيد لابو فتلة الزين باش يمشي يحضر عند القايد بقاو يتسناو يتسناو ماشفو ليه اثار ولا سمعو عليه خبار ناض ياسيادي القايد قاليهم يالله نمشي برجلنا دا معاه جوج مخازنيه والعرييفه المهم غادين والخبار داعت في الدوار والكل ساق الخبار وتجمعت الجوقه قدام باب الدار عيان مايغوتو ويناديو ولا حد عطاهم خبار اضطرو يفرقعو الباب ويدخلو لقلب الدار المهم دخلو مالقاو غي يديهم والتراب قلبو في جميع الجهات وكل الاطراف مالقو والو علال القلده شدتو السخفه والمقدم قال لا راه وقيلا انا غي كنحلم نيت وقيلا راها جنيه ماشي انسيه المهم المقدم المختار دخلو شك وقال انا غادي نعل الشيطان وباركه عليا هديك الى في الدار المهم علال القلده والزعطه الى شداه ماخلاتو لا يحتار ولا يختار قال لازم وضروري مانصيب ليها لاثار وماني مزوج شي بنت المرا من هاد الدوار نعس علال القلده وفاق وصافي عزم انه يهجر للمدينه ويمشي يقلب على رابحه ولاكن قال قبل مانمشي نهاجر القريه انا ماكنعرف والو على المدينه مشا للسيبير الدوار قال ندخل منتدى مزاعيط نشوف وناخد الاخبار على المدينه ونحط شي استفسار المهم علال القلده دخل المنتدى وحار اش يختار واش يطلع للشمال ولا جنوب ولا للوسط قرا جميع الردود و التقارير والزعطه شداتو بالمزيان.... في نفس الاتناء رابحه مشات المدينه وتبدلات دازت شهور وهي وولفات وبطبايع المدينه طبعات وحتى للشات تعلمات والانترنت دمنات ولات عاطياها للسيبيرات حتى باها طلع ليه الدم وجاب ليها لموديم حتى لدار وصبحت من شغال لدار للشات وهي كتحوص في قوقل طاحت في منتدى المزاعيط دخلت وقالت نشوف اش واقع ماطاحت غي في استفسار لعلال القلده كاتب فيه ياسيادي ياحضار انا جيت قاصدكم يالمزاعيط والمقصود الله حبيبتي غابت عليا في المدينه وانا غي نيه ومانعرف الطريق ولا نعرف مكان عاونوني نجبر رابحه مولات فتلت الزين شوفو لي شي مكان ولا شي شقه فين نرتاح رابحه مني شافت الموضوع ماصدقاتش عينيها قالت هويلي من امتى علال القلده كيعرف للشات؟؟؟؟؟؟؟ باركه عليكم اليوم هههههههههههههههههههههههههههههه غادي نجرجركم تاني شويه راه قربنا نساليو ههههههههههههههههههه حتى الحلقه الماجيه ونشوفو اش غادي يوقع في متتدى المزاعيط مجمع الحباب واشنو غادي يكون رد صفيه واش غادي ترد على علال ولا لا؟ ماتزابيوش هههههههههههههههههههههههههه[/COLOR][/SIZE][/B][/CENTER]

الياقوت مغربي

المشاركات: 3,194

تاريخ التسجيل: Jun 2012

الدولة: فين ما بغيت

2012-09-16, 04:42 PM

المشاركه #1

رد: * مشارك *منتدى المزاعيط مجمع الحباب ( الجزء الرابع )

في نفس الاتناء رابحه مشات المدينه وتبدلات دازت شهور وهي وولفات وبطبايع المدينه طبعات

هههههههه
قتلااتني بالضحك هاد الجملة
غاديين دارجة و هي تزدحني هاذييك
و في نفس الاثناااااء

ههههههههههههههه
سمعي ندووووش
سيري على بركة الله نتابعو قااع الاجزاء
طحنا و لا حد سما علينا
جرجرينا كيفما حب الخاطر

زويين ولينا وسط المزاعيط
اهاااااااااا

__________________

التعديل الأخير تم بواسطة الياقوت مغربي ; 2012-09-16 الساعة 04:47 PM

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: * مشارك *منتدى المزاعيط مجمع الحباب ( الجزء الرابع )
الموضوع	آخر مشاركة
منتدى المزاعيط	2016-01-13 03:19 PM
اهداء إلى منتدى المزاعيط	2012-10-18 07:42 AM
* مشارك *قربالة الدوار وهروب عائلة فتلة الزين ( الجزء الثالثـ )	2012-09-16 11:20 AM
* مشارك *زيارة المزاعيط في دار العجزاء	2012-09-03 08:39 PM

الساعة الآن 06:53 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

* مشارك *منتدى المزاعيط مجمع الحباب ( الجزء الرابع )

روابط سريعه