رد: الانزعاط الانتحاري في مراكش
اقتباس:
قبل ما اكمل التقرير احب اذكر لكم المشاكل اللي واجهتني خلال فترة تواجدي في مراكش :
1_ في ثالث يوم في مراكش ضاع مني تلفوني اللي فيه كل ارقامي والصور وارقام العمل وارقام بعض الاصدقاء من الكويت
والسعوديه والمغرب.
2_ ايقافي من قبل دورية شرطه وانا طالع من بوابه المنتجع على الشارع العام.
3_ تكسير زجاج سيارة صديق مغربي من قبل بعض الشباب اللي خرجوا في مسيره فرح بمناسبة فوز المنتخب المغربي
وتأهله الى نههائي امم افريقيا علما بأن المباراه لعبت في مراكش.. فايزين ويخربون لو خسروا شو راح يصير ههه.
4_ ارتفاع مبالغ به بالنسبه لاسعار الاكل والمواصلات و السهر علما بأن العرض اكثر من الطلب ولكن سووء تصرف البعض
هو السبب الرئيسي في ارتفاع هذه الاسعار.
5_ طبعا في مراكش بالتحديد وفي قلب المدينه اتحس انه الجو مو نظيف .. عكس باقي مدن المغرب.
6_ وغيرها من الامور اللي لا استطيع ذكرها بشكل علني.
في نقطتين نسيت اذكرهم ..
7_ لعبت مباراة بين الكوكب المراكشي و الوداد ضمن بطولة كاس العرش في ملعب مراكش .. وكالعاده بعض الشباب الهمج
بدو بأعمال الشغب مما ادى الا اغلاق الشارع العام اللي على بوابة المنتجع ( الشارع اللي خلف الياسمين ) انجبرت اني امشي
تقريبا كليوين لانهم منعوا السواق انه يدخل وتم اغلاق الشارع لمدة ساعتين ..
8_ السماسره المتطورين اللي في غيليز وعروضهم البايخه ومضايقتهم لكل ما هو خليجي في هالشارع .. اول شي يرسل لك بنات
ووبعدها بنفسه يكلمك ويعرض عليك خدماته .. الله ياخذ هالاشكال اللي تغث.
هذي بعض النقاط اللي ذكرتها سابقا في تقريري ونسيت اوضحها ..
1. سالفة سرقة التلفون :
المسؤول الاول عن السرقه هو انا وذلك لاهمالي للتلفون .. حيث اني كنت قاعد في Night Club مشهور
وعندي جواليين وكنت حاطهم عالطاوله وللعلم كنت سهران انا وصاحبي فقط .. تلقيت اتصال مهم
و انجبرت اروح برا عشان اقدر اتكلم واسمع اللي مكلمني .. طولت كثر بالمكالمه تقريبا نص ساعه
ولما رجعت نسيت تلفوني الثاني عالطاوله وكنت اروح وارجع عالطاوله وانا مو ماخذ بالي من التلفون الثاني
نوعه بلاك بيري بولد 9900 الجديد ... بعد ما خلصت السهره ولما وصلت الشقه تذكرت التلفون .!!
طبعا حاولت اتواصل مع ادارة المكان اللي سهرت فيه وسالتهم ثاني يوم عن التلفون اذا في احد شافه عالطاوله
وقالوا بالعربي بالفصيح راحت عليك يا صاحبي ناسي تلفونك من امس والحين جاي تدور عليه اكيد نسرق.
المشكله اني مخزن فيه كل الارقام والصور و ملاحظات ومواقع كنت ابي ازورها بس قدر الله وماشاء فعل.
2. سالفة الشرطي اللي وقفني وانا خارج من المنتجع.!
السالفه هذي ذكرتها سابقا في احد ردودي في موضوع هل يحق للشرطه ايقافك ومن معك في المغرب.
3. سالفة تكسير الزجاج و المباراة ذكرتها في التقرير .
4. ارتفاع الاسعار :
لاحظت ارتفاع في الاسعار وبشكل غير مبرر .. والكل يقول انه الربيع العربي هو السبب
التكاسي صاروا اكثر قوه وتحس انهم مدعومين .. يعني مسوين فيها زي المافيا هذا يخدم هذا
وهذا ما يشيل ون هذا ... مستحيل يوصلك اي مكان بأقل من 200 درهم بالليل .. والطامه الكبرى
يقولك ماتبي سكر الباب ويسحب عليك .. هههه كأنك اانت المحتاج .. عموما الاسعار انت تقدر تتحكم
فيها على حسب رغباتك وطريقة تدبيرك للسفره .
5. تحذير من السماسره اللي راح تقابلهم في غيليز وتحديدا في البلازا .. وجب التحذير من التعامل معاهم
خصوصا اذا علمنا بان اسعارهم اقل يعني لو بغيت سياره او شقه كل شي رخيص عندهم بس بعد التحري
اكتشفت انهم نصابيين .. وراح يكملون باقي المبلغ من خلال استغلالك وايقاعك في مشاكل الكل منكم يعرفها جيدا .
وبذلك يكون التقرير اكتمل .. في بعض الاحداث والاكشن والمغامرات صارت لي اللي يبي يعرف يراسلني في الدردشه او
عالخاص ..
وشكرا عالمتابع
2012-10-29, 01:54 PM
المواضيع المتشابهه للموضوع: الانزعاط الانتحاري في مراكش
العرض المتطور
الدرهم المغربي مقابل عملات الخليج