دكتور تكفى جاك سيـد المزاييـن
اكشف على الغالي وحـدد علاجـه
افحص على صدره وشوف الشرايين
بشويـش تكفـا لاتعكـر مزاجـه
تراه ناعـم حطهـا بيـن قوسيـن
ممنوع الابره والزعـل واللجاجـه
شف له شراب ودور الطيّب الزيـن
اللي يناسـب للغضـي وابتهاجـه
تـراه بيّـن مايبـي لـه براهيـن
تقول شكل هـلال لمحـة حجاجـه
واليا رفع رمشه وبانت لك العيـن
كنك تشوف الموت قدمـك مواجـه
بالضبط طوله حول ميه وستيـن
واليا حكى يغريك حلـو اهتراجـه
كنك على التيار يضربـك شوطيـن
لاشفت حد الخد يضوي سراجـه
استغفر الله كن ماهوب مـن طيـن
كنه مليك الحسـن والملـح تاجـه
دكتور عفوا لو كسـرت القوانيـن
غمض عيونك لاتشوف أي حاجـه.