سجل حظورك بأبيات من الشعر

ودي أرحـــل وامتطـــي بعـــد المسافــــــــة
واصـــل المقصـــود لـــو خـــان الزمـــــان

واعشـــق التجديـــف لـــو جانـــي كلافـــــه
واجعـــل مــن الخـــوف فــي ليلــي أمــــان



واسقـــي العطشـان فــي صحـــرا جفافـــــه
واتعنــــا لـــــه ولـــو باقصــــى مكــــــــان

__________________

اخطيت في البعد كيف اخطيت
اخطيت يا قرة اعياني
افرض ولو كنت انا زليت
تبعد وتصبح علي جاني
يا غاية القلب ما حسيت
ما شفت همي واحزاني
ما شفت حالي كيف امسيت
ما شفت دمعي على اوجاني

__________________

فديت قلبك .. لا تسولف عن الصد
عندي وعندك من جروح الجفاء خير

عطني علوم الشوق و الشعر و الود
مليت من صوت العتب و المعاذير

__________________

ارجوك سامحني على كثرة اخطاي
وارجوك تغفر زلتي يوم زليت
وارجع تراني راجع لك من اقصاي
وان ما قبلت برجعتي لك توفيت
اثرك معك صبر وعزيمه لفرقاي
وانا احسب ان مالك امل لوتحديت
جلست افكر في غيابك وش الراي
وحسيت مدري ويش انافيه حسيت
حسيت في ذنبي وفي عظم بلواي
وان الفراق يقول لي وينك امسيت
اخطيت في نفسي وفي وصفة دواي
وانا من جروح الزمن ماتشافيت
حاولت اصلح غلطتي بس ما امداي
حتى اعترفت اني تجاهلت واخطيت
والحين جيتك مندفع لك من اقصاي
وان ما قبلت برجعتي لك توفيت

__________________

خذني معك لا اصير جسم بلا روح
حيث انها تقفى اذا اقفيت روحي
وارحم خفوق بين الاضلاع له نوح
عقبك يعلم ساجع الورق نوحي
ليلي يطول أن غبت من غير مصلوح
وان جا النهار اطول وعيا يروحي
لو ضامني وقتي ترى الوقت مسموح
وعيني تشوفك يا مداوي جروحي

سري بحبك دايم الدوم مفضوح
لو ما نطقت دموع عيني تبوحي

__________________

الا يــاالله يـاحــي بـعـرشـك والـعـبـاد تـمــوت
تزيـنـهـا لـيــا ضـاقــت محـارفـهـا بـــع زانـــت
والا ياالله يالي لك رفعت من الهجوس الصوت
تبدلـهـا عـلـي بـخـيـر يـاربــي بـعــد شـانــت

__________________

غلاك عانه وسم في داخلي وسمه
مكتوب فوق الوسم ( اغلا مواليفي )

منت اختياري ولكن صرت لي قسمه
الله كتب لي احبك ماهو بكيفي

__________________

لك مكآن لو عرفته مآهنى نومك وطآب
ولك حنين في فؤآدي من لهيبه آحترق

إن بغيت آكتب شعوري آنقفل للبوح بآب
ولآذكرتك بين نآسي غآب فكري وآنسرق

__________________

ميّل هنيّا مر في حدب الأضلاع
تقهو لك فنجال من فايح الشوق

ريح الغلى فيني مثل ريحة القاع
لا عاث فيها ماطر الغيم من فوق

__________________

يا سيدي لو قلت لك طاب ... ما طـاب
جرحـي ولكـن للضلـوع إكترابـه

ما غير أدرّج قلب مرمي ومنصـاب
وعيون خلـق الله مخالـب ذيابـه

الله يعلم ما ذكرتـك لـ/ الأصحـاب
ولو كان في قلبي من الضيق مابـه

ودّ العرب لو أفتـح لسيرتـك بـاب
وأنطقك مثل أهل الغـلا والصبابـه

لكن وحقّـك ليـن يغمرنـي تـراب
لأحفظك لو تمسي ظلوعـي خرابـه

بيني وبينك دم وعـروق وأنسـاب
ودونك قصر حظي ولا بـه غرابـه

أدون منّك حلم ما يـوم قـد جـاب
وشلون بتجيبـك حظـوظ الغلابـه

مدري ولكن يابعد كـل مـن غـاب
ماعاد فـ/ عيون الليالـي رحابـه

__________________