سجل حظورك بأبيات من الشعر

ترانيم المسا ....



هذآك لآ منه زعل قمت أهاديه
.. .. .. .. .. حتَى وهو مخَطي تعذرت دونَه

يمكَن لو أنه يلمسَ الجرح بيديه
.. .. .. .. .. يستغرب ان اللي لمسها طعونه

ابطى وهو غآيب وزلتَ حراويَه
.. .. .. .. .. وأنا منَ العام أتحـرى مزَونه

هو مآدري أني في غيابه محَاتيه
.. .. .. .. .. ليته نشَد عن حالي اللي يجَونه

واقلبي اللي توه أفلت عراويه
.. .. .. .. .. كيف انسرقَ وشلوع قلبي حصَونه

عجَزت أرده كان مآني براعَيه
.. .. .. .. .. يوم أنتثر شَوقه وهاضت شَجونه

يبسنَ عروقَي لكنَ اللي يعزيه
.. .. .. .. .. أن أكثر العالم تردد لحَونه



..

لاصرت فاقد لك حبايب وسهران
ادمع بعين ، وخـل الأخرى #تكابر
عشان مَ تشوه ملامحك الأحزان
نصفك حزين ونصفك انسان صابر .

قـلـبـي المهموم ثار مـن هوى ذيك الديار

مـن يـلومك يا غريب حس بين الضلوع نار ؟

ويـن شـمس ما تغيب ويـن عمر ما يشيب

ويـن يلـقاها غريب مـا لـقى لهمه طبيب

كـل مـا حـل الـمسا أظـلـم الـليل وقسا

ضم في صدره غريب لـلـقـرايـب ما نسى

مـا حـلاهـا من حياة بـالـسنين الماضيات

وش بـقى لك يا غريب شـي غير الذكريات ؟



...

باكتب على قلبي معزه وتقدير.
للشخص ذي يملك بروحي مساحه.
لا ضاقت الايام جاني بتفسير.
من طيب قلبه ملتزم بالصراحه.
باعاهده واكتب بوصفه تقارير.
انه دواء روحي وبلسم جراحه.
هذه رساله فوق ريش العصافير.
من نبض قلبي حبرها بالفصاحه.
انك بقلبي مثل نقش الاساطير.
لا مات جسمي كان رسمك سياحه.
مايمنحه طول الزمن اي تغيير.
لو يضرب العالم بقوة سلاحه.
لان الاصيل الاصل رغم المسامير.
يبقى بقلب الحر مصدر نجاحه.
والمعذره لاهاجسي قال تقصير.
في مدحكم المعذره والسماحه.

تجمّعـت بـي عــزّة الإنــس والـجـــــان
وضـــاقـت بـي الدنـيـا ولــو تحتويـنـي

جيتـك سحـاب بـلا رعـد بــس هــتـّان
علـى ثــراك أمـطـر وفـــــاي وحنيـنـي

خذ الربيـع بعشـبـه أشـكـال وألـــــوان
وأعطيني اللي ما عطتني سنيـنـي




وتبقى الذكريات ....



.

مشتاق له ياناس ماقدر أخليه.. الله يرحم حالتي في بــعــا ا ا ا ده..! *عيني* و *قلبي* معها الروح تــغليــه.. حبــه بــقلبي فــارش له وســا ا ا ا ده..! لامـــر طيـــفه في خيـــالي وطـــاريه.. شفت الحـــياه أجـــــمل وزادت ســعا ا ا ا ده..!

حسبت اشواقنا غابت..واثاري الشوق تو مافاق
واثاري بقلبي الساهي..حنين لك بعد باقي

انا ماكنت احسب..ان القلوب الساهيه تشتاق
ولا كنت احسبك في يوم..تجي وتحرك اشواقي

سهيت بصفحة كتابي..لقيتك بأول الاوراق
انا لاهي مع كتابي..لقيتك كلك اوراقي

الا ياحبي الاول..الا ياغايتي مشتاق
هقيتك مانت في قلبي..واثرك داخل اعماقي

من اشواقي اهلي بك..حياتي والغلا سراق
نعم لاجلك سهى فكري..حياتي وكنت لي باقي

اهلي بك من الفرحه..اهلي بك من الاعماق
حسبتك منت لي باقي..واثرك مالك اشواق

ويش اسوي في غرامك يا غناتي
جعل ربي يغفر لـ قلب .. تعنـآ

انت والشيطان خـربتوا صلاتي
هو يشد القلب منا / وأنت منـآ

وتبقى الذكريات


خل البشر تكفـى عـن الحـب تـدري
نكتم غلانـا ،، ليـه؟ ونحـب بسكـات

إما نمـوت بطاغـي الحـب.. بـدري
وإلا نموت وكـل حـي بهـا مـات

شي بأقوله : و أبتـدي فيـك عـذري
ماني ببايع ، لكن .. الحـب ..سكـرات

إما نحب .. ونترك الناس .. تـدري ؟
وإلا نتفارق دامها سكات ،، بسكـات !


...

يـآقلب فضفض على الصفحات واكتب له
أبيــات .. يمكن يجي صدفه.. ويقراهاآآ,,
سيّل حروف الوله والشوق واسكب له
من دلتك.. لين .. عينه .. ينتثر ماهاآآ