سجل حظورك بأبيات من الشعر

ماني مجازيك في صدك وهجرانك
ودعتك الله وتلقى واحدٍ ثاني
أتعبت الأعيان والأقدام من شانك
وأنته ولا شي سويته على عشاني
فزيت لك يوم قلت إسمك وعنوانك
لو كان ماتنتمي لـ إسمي وعنواني
ماجيت أدورك وإلا أطق بيبانك
وإلا اترجاك مثل فلاني وفلاني
أنت الذي جيت لي وأعلنت بلسانك
إنك على شوفتي جايع وعطشاني
وصدقت هرجك يالو ماأثبت بك
واقبلت لك مندفع من كل وجداني
ماكنت أفكر يجي في يوم نسيانك
وأنساك وأنته معاهدني ماتنساني
إلا بعد ماأكتشفت الغدر في أعيانك
قررت أوادعك وأنسى كل ما كاني
خلاص مانيب متعني على عشانك
ودعتك الله وتلقى واحدٍ ثاني