سجل حظورك بأبيات من الشعر

ترانيم المسا

أفتح شبابيك الامل للحلم فالفجر الجديـــــد
لو أكثر احلامي تلوح للفراق كفوفـــها

وقفت يا أسراب التمني شوق في يوم الوعيد
وان طفتني ياحلم ظلم النفس كيف تطوفـها

أطلع بشي من الطموح يبدده حظن عنيـد
وأنا أتعذر له واقول خلها بظروفـــها

لي قلب لو يصبر ترى ماهوعلى الشده شــــديــد
ولي روح من سود الليالي يعتريها خوفـــها

أستمطر الإلهام من غيم القوافي فالقــصيد
يمطرعليّه من جزال المفردات حروفــها



والحرف شمعه للأمل والحظ يا أحلامي جليد
وشمس الحقيقه قبل غيبتها قريت كسوفـــها

يبقى الأمل لو ضربت أيامي مقامع من حديــد
وأخذ دروس الوقت لو شده علي من جوفـــها

ويبقى طموحي فوق والهمه على القاسي رصيد
والعين نظرتها على الكايد تعدى شوفــــــــها

يا حلم لك قصه معي بس النهايه مستفـــــيد
أطرد ورى شفي وخلق الله تشوف شفوفها

وأنحت من أبياتي قصيد يصحي الحظ البلـيد
تشوفها وأشوفها والمسلمين تشوفـــــها