سجل حظورك بأبيات من الشعر

راضي على المقسوم لو قسمي قليل
وأنا زبون الكايداات وندها
اما فعول اللاش والوجه الذليل
اشرهه على اللي يفتخر ويعدها
لو مالت الوقفات عزمي مايميل
يثبت مثل روس الجبال وخدها
ان كان ماحنا مزابين الدخيل
لاخير في الوقفة ولا في مدها
الأصدقاء فيهم من السيف الصقيل
يبين في وقت اللوازم حدها
سيفن لحزات الطرب حده يميل
وسيفن لحزات النشايب قدها
يالله تغفر لي قبل يوم الرحيل
النفس ماتدري متى هو حدها
نعيش في الدنيا مثل عابر سبيل
دنياا الفناا ننزل بها ونشدها
حناا تعودنا على العلم الجزيل
من تجربة روسن عريبن جدها
نفوسنا لو ماا لقت غير القليل
مابيحت سود الليالي سدها
مهما فعلنا للخوي المستحيل
افعالناا ماا نفتخر ونعدها
ارواحناا تتعب على رد الجميل
لكن جمالتناا ماا نبغي ردها
#.