سجل حظورك بأبيات من الشعر

ترانيم المسا ....

لبى العيون الي بها العشق مسمـوح
من سحرها ذاب الخفـوق المعنـى

يامنيتـي ياغايـة القلـب والـروح
ماغيرك من الخلـق واحـد فتنـى

من سهم ودك خافقي حيل مجـروح
ولعيونـك النجـلا خفوقـي تغنـى

ليت الغلا نعلق بـه ايـام ويـروح
مير البلا طـول العمـر يمتحنـى

العين تعبها السهر وكثـرة النـوح
والخافـق الملتـاع جرحـه يونـى

عزاه ياقلبن مـن الهـم مطـروح
من فارق الي فـي حياتـه تمنـى

ذايب على شوف الغضي فيه مشفوح
والزين فـي بعـده علينـا تونـى

عن الخطا لو عـاد والله مسمـوح
مسموح لـو خلـي علينـا تجنـى

لاني قويت اسكت ولاطقت انا البوح
والحزن دوله ياهـوى بـه سكنـى

ياعزتي للي مـن الحـب مجـروح
انـا اشهـد انـه بالحيـاه ماتهنـى

يالله ياعالـم بمـا تخفـي الـروح
تشفي جروحـن بالضمايـر كونـى

وتزيل همن في سما خافقـي يلـوح
وترد لي بسمـه لهـا سنيـن عنـا


.