كل القلوب.. انظارها صوبك

يا ابيض قلوب الناس واصفاهم

لا تستفزّ.. ان طرّوا عيوبك

عيوبك.. اجمل من مزاياهم!



نهاش

احساسي .. اني مافقدتك لهالحين

لو .. تاخذك سود الليالي يجيبك

حتى لو انك ما دريتي .. بتبقين :

حبيبتي .. لو كنت ماني حبيبك ،



نهاش

أحيان أحس أني بدونك أنا بخير

وأحيان أحس أنا بلا خير دونك

لكن قَسم باللي رزق بأمره الطير

دنياي ما تسوى بليا عيونك ..


نهاش

تعال ياقلبي .. تعوذ من ابليس

وٱلـلـه ماينفعك بالارض مزيون

بتصير ياقلبي مثل سالفة قيس

خذوه صاحي ثم ردّوه مجنون..


نهاش

تعبت امشي على جمر الاشواق حافي الاقدام

ارتجــي وصــلك وقـربك ومالقيــتك

ماكـني إلا سـجين ينتظر حــكم سيـف الاعـدام

عجــل بتنفـيد حكمـك وبالـــوصـل سِـل سيـفـك

دنيآ البشر .. فيها من الناس أشبـآه
................ فيها رزين العقل .. فيها .. المطفـّق ..

كم واحدٍ أقفا وأنا مقدر أنسآه
................... وكم واحدٍ جآني وأنا ماتشفـّق ..

ترانيم المساء..... وضيقت صدرك


ياللي تبي تعرف أسراري وعنواني

الحزن والضيق واللوعه عناويني


وإن كان من جد ياابن الناس تبغاني

في كل لمة حزن يمكن تلاقيني


أجامل الصبر والأيام تعصاني

بالله قلي وش اللي معجبك فيني


.

مشكلتي اني ماتعودت الأعذار
ابيض قلب وما تصنعت طيبه

تفضحني عيوني ولا عندي اسرار
ماهي غريبه للقلوب الأديبه

تحزني الدمعه ليا صار ماصار
وارتاح لا هونت عنهم مصيبه

وللحب بقلبي مساحات واسوار
وافرح ليا شفت الأماني قريبه

اكبر عيوبي حب الأحباب باصرار
ما قدر على بعد العيون الحبيبه


.

سلام يالجانب الغربي من الدوله

لو ان قربك سبب همي وحرماني

ياللي مشاعر فؤادي منك مقتوله

اعوام مرت واحزاني هي احزاني


نهاش

هبت نسايم من الغربي على صدري

وقامت تداعب بصدري خضر الاغصاني

ويطري علي الرياض ولابس الخمري

اللي عليه الغلا ماراح... مجاني


نهاش