|
جعل السحاب اللي قنوفه مراميس
يمطر على روحي ويسقي ضماها ويبل ريــق اللي طوتــه الهواجيس يابعــد رغبــات النفوس وهـواهــا مبطي عن علوم المطر والعواسيس والشــده لـ داار بعيــد مـداهــا والـبرد والرقــده بخمسـة برانيس يـاحــي طـاريهــا ولــذة دفــاهــا يهديك ياحظــي ويلعنـك ياابليس هيضت روحـي لين جاهـا بلاهـا ليت البشر مايجرحون الاحاسيس أو ليت طيب الناس يغلب رداهـا أضيق من شوف المدن والدواعيس واقول ياحـي السعة ما حـلاهــا ودي ادوج بـ خايـع مابعــد ديس قـد مـره سبـاع تدور عشـاهــا البر بعيوني من الضيق تنفيس للروح من هـم السنين وغثـاهـا لاطرفت شمس العصر ياهل العيس شــب الجـروم اللي يدلك سنـاهـا مشتاق لاجواء الشتاء والنسانيس والسيل لاغطـى البقـاع وكسـاهـا واجمل عطر يسوى عطورات باريس ريــح الحطــب بـ ثيـابنــا لا ملاها |
تعض شفتها وانـا جانــي المـوت
تغمز بعين وزادت الطيــن بله كن الثنايا ثلج وتعض في تـــوت ومن خدهــا تقطف من الورد سله ومعلِقـه في نحرهــا عقد ياقوت ومن البياض العقد ضَيَّع محلـه عنقا طويلة راعية خصر منحوت البطــن ضامــر والفواكـــة مطله اذا أقبلت هيبة لهـا تقطع الصوت واذا أدبرت من ردفهــا جاك علــه وجديلهــا فالبـــرد ما ترتدي كوت غطى الظهر وأردافها تحت ظِلــه إذا حكت ماعاد يحتاج لــك قوت منطوقهـــا يغنيـــك عن كيف دله تسهر معك والوقت يسرقك ويفوت يفوت معهـــا في وناســـة و فلــه مافيـه منهـا في مراكش و بيروت استحوذت هالزيــن دقه وجِلـــه من عقبها حُطوا الصبايا بتابوت هذي تخلي الخل يغتال خلــه |
لا تدور في زمـن سود النوايا صحبه
.................لو تكون انسان طيب قلب وأبيض نيّه الصـــدور الضيقة تاخذ مكان الرحبه ................والوجيه الميته تسرق حضــور الحيّه |
آقولك كلمه عسآها تصحيک
ﻓيه نآسن تعزک مير قلبک ظلمها |
لا تمدحين .. السهر من داعي الحرّه
استهدي الليل توّ الناس ماقامت / ونامي على صوتي المبحوح لو مره ! اللي لو اسمّعه شمس الضحى نامت |
عزت علي نفسي ونفسي عزيرة
مهيب ترضا موقف الذل والهون الله جعل فيها الكرامة غريزة يا اكون في راس الهرم ولا ما كون |
عيب على الرجال يذكر فعوله...
افعل فعولك والرجال تحكي لك ان قدمت يمناك خيراً تنوله... وانقدمت يمناك شراً يجي لك |
لاشفت روتينك تكرر ومليت ..
لا تنطوي للوقت والوقت كافر ' قص التذاكر وأترك الهَم فالبيت واخذ الجواز ، ولا تعلم , وسافر! .. ♥̶̲̲̲‹ وسيع خااااطر ومعطي الدنيا ظهري � ‹☺› |
السم لو انك شربته على الريق
اهون من سموم الخوي و الاقارب و سم القريب إن جاك في حزه الضيق يذبح مثل سم رمته العقارب |
سجل حظورك بأبيات من الشعر
ترانيم الصباح....
مالي مع أهل العرف مخرج ومدخال الهرج واجد والفوايد قليله وقت الصمايل تختلف بعض الاقوال قول بليا فعل وش ترتجي له ضرب من التظليل وازعاج واجدال احد يحصل من كلامه فشيله واحد تشيله كلمته فوق ما طال اللي يبي درب الخفا والرذيله يطلق عنان النفس ويعاشر انذال على طريق الغي يلقي زميله والكل منهم لا سود الفعل يحتال واللي يبا العليا يروم الطويله يسعى لها ويثبت اقوال بفعال يمشي على درب الشرف والفضيله ما ينحني لو فيه كف الدهر مال يسعى لكسب الغانمه والجميله ويحط له في ماكر العز منزال اللي يبي قطف الزهر ينحني له ما تكفي النيه لتحقيق الآمال نيل المنى لا بد له من وسيله بالصبر والمجهود يتغير الحال من غاص في غب البحور المهيله لا بد يصبر لين ياقف على الجال لا صرت في غربه يبي لك دليله بس البلا لا صار في مخك هبال ما يقنعك شرح العميل لعميله يبلش بك اللي مقصده ينصح الضال الحر في دربه يخاوي مثيله والبوم ما له بالمراقيب مدهال ممشى الهبيل بجنب ناس هبيله لو يعرفون الدرب ما فيهم الدال العاقل ان ما جاك حاول تجي له احذر تماشي في مماشيك جهال ترى الخوي لازم خويه يشيله واحد من الاثنين لا بد ينشال النفس تهوى كل برق تخيله لاهملتها ترميك في وسط الاهوال احذر تطاوعها بما تشتهي له اضغط عليها لين ترضى بالاحوال ترى القناعه للنفوس العليله تحصين حتى عن مرض جمع الاموال الطيب ميزه والفعول تهدي له ما كل من يلبس من الشمغ رجال وما كل شجره ينوجد تحتها ظلال ما كل وادي لو تسايل مسيله تطلع بوادر بذرته عقب ماسال وقت الرخا يطلع لك الفين حيله تلقى الخوي والجار والعم والخال ووقت الشدايد تنصدم بالحصيله يطلع لك النصاب والنذل والذال تلقى خوي شهم يسوى قبيله والا الدويني منظره بس تمثال قاف دعاني ما بغيت ارتكي له فجر بجوفي من عنى الوقت زلزال حاولت ابين زبدته وتحليله في نص ساعه سقته اقفاي واقبال قلته وقلبي فوق صلو المليله وارتاح بالي يوم روضت الامثال وصلاة ربي عد وبل المخيله على الصدوق الصادق بكل ما قال |
| الساعة الآن 02:59 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط