حلفت باللـي غيـب الشمـس منـاك

والصبح بأمره تطلع الشمس منـاا

ان اسـعـد الايــام شـوفـك ولقـيـاك

وان اقـشـر الايــام غيـبـت عـنــااا

ودك تــلاقــيــنــي ودي بــلــقــيــاك

لاكــن ظــروف الـوقـت مساعـدنـا

ولازلـت احـبـك واتحـمـل خطـايـاك

مانـي مـن الـلـي قــال حـنـا وحـنـا

شعر الغزل يصلح لمثلك وشرواك

وان غنت الورقا مـع الصبـح غنـا



راقت لي كثيـــــــــــــــرآ

قلبٍ شغوف وطاري الشّوق يضميه
وش حيلته لا تلّه الشّوق يمّگ

مل وتململ ما لقى شي يرويه
سراب عشق داخل الرّوح ضمّك

يا جعل ما غيرك من النّاس يسقيه
ولا يهتني به غير قلبك ودمّك

ناسٍ تحسب اعقولها مستنيرة
بالعلم والأخلاق والمنطق الزين

ولو درت فيهآ بس لحظة قصيرة !!
تبي تشوف آشيآء ماهي علئ العين

بعض العرب ماينعطي وجه بالحيل= = وليا عطيته وجه صارلك عله

وبعض العرب ماله سنع لكن حليل= = بالضبط كنّك لاتمعنت ظلّـــه

وبعض العرب شقرا وشقرا مع الخيل= = ماينفعك لولا الرموش المظلّــه

وبعض العرب لايعجبك ثرثرة ليــل = = وباكر ترى ماقال لك شيء للــه

وبعض العرب مرسال مدري مريسيل = = يساير العالم وهو حاصــلٍ لـــه

وبعض العرب يسلخ وينفخ وهو ريل = = وفي زعمه أنه يفهم الكون كلّـــه

وبعض العرب ماغير بندق ودربيل = = ومنين ماهب الهواء جـــايزٍ لــه

وبعض العرب يطلع كما طلعة سهيل = = ويغيب نجمه قبل دربـــه تدلّـــه

وبعض العرب يوذيك بالقــال والقيل = = تجلس معه ساعة والأخرى تمــلّه

نذل وخسيس يفصل الهرج تفصيل = = وليا لقاله طيبٍ يسْتغله

وبعض العرب منظر وكشخة وتحليل = = شبح بحال والحال الأخرى كورله

لاشفت زوله من خيار الرجاجيــل = = واليا عرفته ماتجيه بمحله

وبعض العرب ماضيه ليلٍ على ليل = = قد بصّموه وصوروه الأدله

وبعض العرب لاوالله إلا تهــاويل = = مهما عقدت الحبل لازم يحـلّه

قد دربوه ولكّعوه الرجـاجيـــل = = من قبل لايصير الحدث جاهزٍ له

وكانك شجاع صحيح حارب اسرائيل= = قبل اليهود القدس لا تستحـله

ياخوي وش دخل اسرئيل بالموضوع اول نصلح بيتنا الداخلي وبعدين نشوف الوضع

وش فايده صمتك وفي داخلك صوت
سولف وجر الصوت والصمت خله

لاصار قربك موت ومفارقك موت
هذا هو اللي زايد الطين بله


مساء الخير على الجميع

دنيا غريبه .. والبشر صارو أشبآه
وكلن ينادي.. (بإختلافه عن الغير) ..
يذكر خطأ غيره / وينسى سواياه
كنه مطهر عن الذنب .. تطهير ..
آواه يالليل الوفـا .. بالحيل " اواه "
ماعاد بك ذمـه .. ولاعاد بك خير ..!

كل ما جيتك أبكشــف لك شعـوري
ردّني عنك الحيـــــــا بآخر دقيقـــه

أكتم اجروحي وأرسل لك سلامي
وادفن اشواقن تخبّـــــــر بالحقيقه