|
الحب مايشرى من الدكان
والله حسيب اللي يبيعونه |
اقتباس:
|
لولاه ماشفت الهنا يوم لولاه
من جد حبيته وعن جد ينحب |
جيتك مع الإعلان وأول من يسوم
لكن ضمانك كم تبقى سنينه حطه بكرتونه وبامرك اليوم لكن بشرط تنسى الليالي الحزينة |
ياسلامي ياروابع مطانيخ العيال
كل منكم بالغلا له محل ومنزلي والله مايرخص غلاكم جنيه ولاريال والوفى سلعه بسوق الصداقه الافضلي والحياه يبي له صبر زمل ووسع بال وقولتن يارب عفوك ورضوانك علي |
يا ربـي تسهـل الأمـر وتزيّـن الأحـوال=
ترانـا بـلا رحمتـك هلكـا ومتهـاويـن ولا عندنا غيرك ليا صـك جـال ٍجـال= ضعـوف الأوادم يا قـوي فيـك متقويـن أبي رحمتك حيٍ .. وفالقبـر والأهـوال= نهار الحسـاب مشيّـب الرضّـع الولديـن لنا حقوق وعلينا حقـوق وماحـط يشـال= زمـان يخلـي ضاحكينـه مـن الباكيـن ما ينزل بـه الراحـل ويرحـل بـه النـزال= ومواعيدنـا وآجالنـا كـل شـي بحيـن فياحـظ مـن طابـت فعايلـه والأعمـال= وياشين حـظ اللـي لا وحـده ولا ثنتيـن هبوب الزمـان وكنتـه والبـراد أشكـال= تقلب بـه الدنيـا وأهلهـا علـى الجنبيـن ولا أصعب على الصاحين من كثرة الجهـال= ولا أقسى على الجهال من سطوة الصاحيـن عسى الله يصيب مـدوّر الشـر بالسـلال= وعسانـا لا ظّـلام ولا حـن بمظلومـيـن ولا نطـرد المقفـي ولا نكـره الأقـبـال= ولا نخطـي ليـا صـار ما نقبـل المخطيـن لو أنهـم تناسـوا فعلنـا ما نقـص مثقـال= من اللي تناسـوا جعلهـم دايـم ٍ ناسيـن ولا تذكرونـا غيـر فـي حـزة الأنكـال= ليا أشتدت الأزمه وخالط صفا المـاء طيـن نطب الخطر والخوف والموت طـب هبـال= تقـول إننـا بمقابـل المـوت مستـريـن بنفنـى وتفنـى عيالنـا بـس لا نــزال= عزاز النفـوس اللـي علـى حقنـا عييـن على الراس طاقيه ومـن فوقهـا دسمـال= ومـن فوق دسمالـي عقـال ٍ يمـيـل يمـيـن ولـو ما تحـوش أيماننـا مـال ما نهـتـال= لو الوقت عاري وجه .. عشناه مستوريـن أبو خمسه لا قـل مـن قيمـة أبـو ريـال= فبو نصف يقدر يقتل أحـلام أبـو قرشيـن ما يوجعك يالسائل سـوا جفـوة السـؤال= ليا صرت تقضي دين ظهرك .. بمثلـه ديـن ولا فيه بيت ٍ سالم ٍ مـن بعـض الأشكـال= وهدامتـه قلـه .. وبنايـتـه كثيـريـن لنا ماضي وحاظر وما نبكي علـى الأطـلال= ما يبكي على الأطـلال يا كـود محروميـن لهم ماضيٍ حلوى لكـن حاظـر ٍ بطّـال= وذولا عرب موتـى ولـو عادهـم حييـن تقـل العوايـد يـوم تتعاقـب الأجيـال= وسلوم الرجـال الأولـه تتعـب التاليـن ولو نذكـر اللـي راح يا ويـل حـال وال= بعـد روحـوا شيباننـا الزحـل الوافيـن موصيننا بالصـدق فـي القـول والأفعـال= وفي جمعـة ٍ تهتـاب مـن قوّهـا الطمعيـن غدينا شتات وحن عيـال ٍ علـى رجـال= رخصنا والأجناب أصبحوا عندنـا غاليـن نحب الجمـل والحمـل ونعـذرب الجمـال= وهو اللي يقود الزمل من ويـن إليـا ليـن مـن أول يـوم القـل والمـال ما ينطـال= قبل شركة الكهرب تنـور بيـوت الطيـن يوم إن الرفيق أغلى مـن الـروح والمنـزال= ويوم إن الرفيق إن غاب نفقده فقـد ٍ شيـن وذا الحين الأخ يقاطع أخوه حيـل وحـال= ولـو حستـه الأيـام ولا غـراب البيـن أخوي إبن عمي إن كان ما يـردع العيّـال= إليا عال فيني رحت به فـي سنـد الأثنيـن أبيعه كـذا وأشـرب ورا بيعتـه فنجـال= وأنا دون عمري قبل يولـد إلـى ذا الحيـن جروح العرب تبرى .. وجرح الأخو قتـال= وجرح العرب واحد .. وجرح الأخو جرحين ولـو يبتلـى والله ماخليـه ليـن يـهـال= علي القبر ولا أنتصـر لـه مـن الغاويـن يقولون جيبـك أكبـر أخوانـك العقـال= وأنا أقول وقفة الأخ تسوى كنـوز الصيـن لا تحزن ولا تزعـل تماسـك وهـد البـال= ترى العاقل اللي يحسب حساب وقته زيـن رفيقك تحمل له ثـلاث ولا شـك ثقـال= لكن رابعته أفطن لها وأخـذ حـق وديـن والأولاد وهبـه لا عمـام ٍ ولا بـخـوال= عسى الله يصلـح ما عطانـا مـن الجنسيـن يا كم بنت خامل جاء ولدها بطـل الأبطـال= وكم بنت شيخ ٍ جاء ولدهـا قصيـر يديـن زكـاة العـوال معاكستهـا زكـاة المـال= لا طاب لك واحد فأدفن عوالـك الباقييـن الشاعر // علي بن حمري |
غلطان من قال البشر مابهم فرق ،،
آحدن دوآ للروح وآحدن يعله |
طلبتك ضمني ولمني يوم انا جيتك
ضمني واحضن فـوادي بالكفـوف الدافيـه واسقني الشهد المصفى من مناحـل ريقـك ولارويت اضحك وقلي جعل فيـه العافيـه عوض الخافق عن غيابك وطولة صبـري وخلني باذوب في بحـر العيـون الصافيـه واعلم ان قلبي حلالك ما يـروووح لغيـرك ونفسي لعشقك ولو طـال انتظـاري وافيـه ضمني.واحضن فوادي.واسقني من ريقك ولا رويت اضحك وقلي جعل فيـه العافيـه |
قصيدة صورة ...وجدران،،
فكرت أعلق صورك..ومالت الفيه على جدار وتخاصمت ياحبيبي كل جدراني عليها قلت أكسب أحلام غرفة بأختياري وأخسر الدار ويكفي الدار يارجواي بوح صورك فيها وأزهر ف الأسمنت حوذانة غرام وفز نوار عقب أرتجف سقفها واركونها منها واليها كن الصور ياحبيبي كلمة ف شفاه ثرثار اوكنها لاقريت الوانها وأبعادها وخطوط أيديها: لهفة شرارة تشظت فأنفجار الطيف والنار في عتمة لو سرت عنها الليالي..تحتريها يفنى الدجى والفصول الأربعة وتجف الانهار ويبقى الندى في ورقها وف ثياب ترتديها في صورتين..أبتسامتك يمين..وعينك يسار كأن أشافيك تكذب كذبة لي وأفتريها فيها سنينك خمايل ياسمينك والجلنار ياللي فداياك عمري وأمنياتي لو تبيها وعيونك اللي تكحل بالدجى وتقول الأشعار الله يخلي هدبها لي ويرحم والدينها واحة نخل حولها كن السراب بحور وسوار من دونها ضيعة العاشق لو أنه مهتديها وف صورة مثل حبس الما بكف وحرث الأوتار أو كنها سالفة من منتهاها تبتديها باكـر أنا موعود بضحكة ونغمة عود.. |
عسى شوفته تجيبها .. مقابيل الآيآم
تجي صدفتن مآجآ على ﺎلبآل طآريهآ |
| الساعة الآن 06:45 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط