|
لا اكيد لا .. الوطن غالي ومافيه مثل ارض الحرمين بالدنيا هذي ، المغرب لاهلها والوطن لنا وحنا عياله ، واذا زرنا المغرب فحنا ان شاءالله نؤجر اننا ندعم بلدان المسلمين بالسياحة ونوزع من خيرات النفط الي رزقها الله بلدنا بدون حولً ولاقوةً منا .. [emoji5]️
|
محاورة بين اثنين شعار من عشاق المغرب.. وساختصرها لكم
يقول يبو فهد قلبي صويب من يوم فارقة الحبيب.. أصبحت بالدنيا غريب أرجوك دورلي علاج.. من يوم شفت في البلاج .. حبه بوسط القلب زاد.. حطيت في البنك اعتماد.. وأصبح معي حلو المزاج.. رد مالك شهر من يوم جيت.. في سوقهم بعت وشريت.. وغيرك يفحّط بالونيت.. وأصبح على دربه عجاج.. المحاورة طويلة ولكن انتهت بهذي الأبيات وبسفرية للمغرب [emoji1] يافلان لا تذرف دموع.. واحجز وعزم بالرجوع.. واحجز على يوم الربوع.. والوعد في ذاك البلاج .. وسلامتكم |
الوجـه ذاهن واللواحي اضمـاره
خُشْفٍ خريشٍ عايدٍ عُقب ما ذار بياض وجـهه يَغْلـب اكثـر حَمَاره يشبه غضبْ محشومةٍ دمّها حار |
وللمرءِ عنوانٌ على ما بقلبهِ
ووسمٌ على ما في الضّميرِ يكونُ ينادي على مَا عندَه نطقُ حالِه فليسَ على نُطقِ اللّسانِ ركونُ |
ماني الوحيد الي خواله عمامه = لاكن بليا عم جالي ولد عم
سلمت منها لو مالي سلامه = الرجل من هول الزمان أيتعلم وطيبٍ لمن لايستحقه رخامه = مثل الذي لاقال أله قول ماتم والبحر لولا غبته واللتطامه = ماصار له هيبه ولا صار له جم والناس لو تدري بهول القيامه = ماشفت قطع الوصل باللحم والدم وبنيٍ بلا ساسٍ سريعٍ هدامه = لازم تبين خلته ويتهدم ولون بوجيه الأوادم علامه = يعرفبها واف الخصايل من الرم ماكان يخدعك الهبود بكلامه = ثم قلت ياطيب الولد لاتكلم بالهرج أشد من الهلالي سلامه = وعلى الصحن قدم الضيوف أيتقدم زاح الصحن يمه وقرب يدامه = سما وكل لوكان ماقلتله سم والرجل مهما كان يرفع مقامه = والخير كمن خص والشر كم عم من يحترم نفسه يزيد أحترامه = ويشاف بالعين الجليله ويحشم بس الخمامه غصب يبقى خمامه = يحكم عليه الوقت والناس تحكم لو لبس من غالي العمايم أعمامه = سرجٍ على ثورن ثبارن معمعم لاكبر راس الثور يكبر سنامه = الحصن تفهق والكديش أيتقدم والعد حول فوق جاله مقامه = أقرش من الطي الرفيع وتصرم ويين الشجيع اللي يجود أحزامه = اللي جويدٍ محزمه ويتحيزم لاكن عسى حسن العمل هو ختامه = الله يغفر ذنبنا ثم يرحم قدر شراب الأدمي مع طعامه = هذا محلله وهذا محرم أعوذ به عن كل ظلم وظلامه = وعن حوبة المظلوم وشرار ظالم وعلى النبي صلاة ربي ختامه = محمد عليه اللهم صلي وسلم. الشاعر /نواف منور العازمي. رحمه الله وأسكنه فسيح جناته . |
تراودني ...
|
أبي قليلك ولا حصلت
بعضك تركني مع كلك ما ادري صواب أو خطا ما قلت إنك حبيبي وانا خلك |
سجل حظورك بأبيات من الشعر
هنيكم ياللي تنامون بالليل
اكيد ما تطري عليكم طواري |
ياما فتحنا صفحـة العفو عافين
ويـامـا تناسينــا جــروحٍ عـديـده كله لأجل ماتهجـر النفس غالين نطفي عن الأصحـاب نارٍ وقيـده ماودنا نصبح من الطيب خالين ولا ودنـا ننشـي حــروبٍ جــديده ولا ودنا ننحاز عن منهـج الدين ولا نلحق الأصحاب شـر ومكيده نبي ليا لجـت صفـوف المصلين نسجد وصفحات النوايا شهيده العمـر كلـه دورت ايـام وسنيـن والنفس تجلس في لحدها وحيـده ماينفعـك ياكـود دعـوة محبيـن وافعـال خيـر في حـياتـك مديده |
صغير وملعب وعلى قلبي يلعب.....
|
| الساعة الآن 11:31 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط