تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص

تسلم يا روداني على كلامك الجميل بحقي .. تستاهلون اكثر و لو اعطيكم عيوني ما كفيت !

بالعكس يالحبيب لو تلاحظ المطعم فقط اول ما اصحى من النوم وجبه رئيسيه وحده فقط و اروح مطاعم مرات مع بعض الشباب اذا كانو بيمشون بس ما اكل اشوفهم بس هههههه

والله ياخوي انا كنت مدمن الشيشه في المغرب و اشيش بالزاف الا بالسفره القبل الاخيره اصبت بمرض التهاب بالرئه و السبب شيشت في شيشة موخيطو ( الفاشله ) و ضربني مايكروب و بعد ما رديت

الكويت طحت بالمستشفى 3 اسابيع و الحمدلله تعالجت و قمت بالسلامه و دابا ما اشيش الا من شيشتي الخاصه فقط ..

شاكر لك متابعتك الدائمه للتقرير و اتمنى اكون وفقت بكتابة الحلقات ..

__________________

مساء الخير للجميع .. نكمل معاكم الحلقه السابعه و سامحونا مقدما ..


شطحه : اغنيه ضاربه عندنا بالكويت لمحبين التنكس هههههه يوسف العماني سكنت قلبي

الحلقه السابعه:

تمر الايام و تمر الايااااام .. و مر اسبوع من السفره مثل رمشة العين ( الاوقات الحلوه دائما تمشي بسرعه ) صحيت من النوووم و كالعاده الجووع يلعب لعبته .. فكرت فكرت و قلت ماكو الا القلعه

و احلى كبسة لحم و كاس لبن ننظف المعده شوي من الشوائب ( اخص يالشوائب ) و بعد ما تم التعبئه بنجاح حاسبت تقريبا 130 درهم و اتمشى على الكورنيش الى الشقه و اولع الفحم و اضبط الشيشه

و اخذلي كم راس حلوين مع كاسين شاي لبتون و يصحى ال و سوالف معاه شوي و قالي اليوم ماقدر اقعد وياك عندي شغل باجر الصبح .. قلت الله وياك خذ اجازه تستاهل ههههه .. قعدنا سوالف شوي

و بعدها دق علي واحد من الشباب وينك قلت بالشقه قال جايك .. و نقعد سوالف شوي بعدها ال استاذن و قال اشوفك باجر قلت الله يحفظك .. مشى ال و تميت انا وصاحبي قالي انا متواعد ويا شخصين

اللي ذاك اليوم جونا بروتانا و بنجلس بمقهى yacht اللي بجمب زارا في جلسه حلوه على البحر شرايك تجي معاي .. قلت ماشي قعدنا شوي و بعدها رحنا الكافيه جلسنا و سلمنا و قعدنا سوالف و اتاي

والمشتقات الاخرى .. بصراحه كانت جلسه حلوه و بهاليوم جلسنا يمكن ساعتين مرت بسرعه البرق سولفنا بالامور السياسيه بالكويت و امور الزواج و نقاش حامي و اختلاف بوجهات نظر ههههه

المهم خلصنا و حاسبنا و ودعناهم على خير .. طلعنا و قال صاحبي ودي بسكاي شوي نفرفش قلت فوقه .. طلعنا و على سكاي و ندخل و نلاقي الشباب ربعنا جالسين ( شلة الليل ) هههه سوالف معاهم

و فرفشه وراها قال واحد من الشباب شرايكم نعيد الاجواء الحلوه بالعنبره .. ( انا شخصيا احب طرب العنبره بغض النظر عن الناس اللي فيها ) قلت اوكي ما يمنع نعيد ايام الخوالي ..

و جلسنا بسكاي الى الساعه 12:30 وراها اتصلت بمستر يحيى مسؤول العنبره و احجز طاوله ما راح يجون معانا الا انا و 2 فقط الباقين بيجون الديسكو .. ردينا الشقه بدلنا و تضبطنا و وراها ركبنا

الطاكسي و يالله على العنبره و ندخل العنبره كانت خاويه بهاليوم .. مافي الا 8 طاولات بس والباقي خاااوي .. المهم جلسنا كان في واحد اسمه ( عزوز مع شلته ) بصراحه هالولد في نفس عنصري كبير

اهو من جنسيه خليجيه ماحب اذكر الجنسيه لانه هذي تصرفات فرديه مالها علاقه باهل البلد ابدا .. و يجلس يرش رشششششش مو طبيعي و كل شوي يطلب المطرب و يدفه و قول ( البلد و بس )

قالها طول السهره يمكن ولا 40 الف مره .. و كان في جم واحد شقونا شق يطلبون اغاني دبكات سوريه و يجلسون يشطحون .. المهم مرت سهرة العنبره بكل سهوله و يسر حاسبنا و طلعنا على شهرزاد

و ندخل الطاوله و نلاقي الشباب و الجو يرتفع والامور هانيه و سهره جيده طبعا الموجودين يشوفون كل الايام معاك ال و اليوم مو معاك و انواع الرفع بطريقة مباشره و غير مباشره لكن اخوكم مبسوط

و عايش جوه بكل روقان و ماخذ اجازه حلوه انا بعد هههههه المهم تطنيش بتطنيش وراها خلص شهرزاد و حاسبنا و على الشقه و يبدي after party جميل بهاليوم واحد من الشباب مسك ال dj

و انا خذيت اجازه جلست اول الشيشه و قاعد بالمطبخ و راس يسحب راس و اسولف مع الربع اهل الديره بالواتساب سوالف خفيفه و بعدها حسيت بالنوم و استاذنت من الشباب وراها رحت انام و قفلت

الباب والشباب مكملين ال after party و احلى نوووووووومه و اضن الشباب جلسو الى الساعه 8 ..


تحياتي لكم

ياخوك وانت عارف مستوى قهاوي الشيشه في المغرب جدا سئ 00

كنت في احد المقاهي في الداخل وكان حداي واحد الدري يخدم في سكاي في الشيشه وسالته كم مره تنظفوا الشيشه ؟ تصدق جاوبني مره في السيمانا !!!

ياحبيبي لازم تشيل معك 2 ليات ديال الشيشه وتهزه معاك فين مامشيت للمقاهي انا ديما ادير هكا لان اعرف سلفا ان المقاهي ديال الشيشه في المغرب للاسف موسخه

ناهيك ان عندي جوج شيش في الدار 00

شاكر مرة اخرى على تميز تقريرك والله يوفقك

تقرييرررر واااعر اخويا

متابعين تقرير روعه تسلم يالغالي:Abu Ahmed (113):

مساء الخير للجميع .. نكمل معكم بقية الحلقات .. مع العلم انه ال الحلقه الثامنه والتاسعه لا جديد يذكر حيث كان في عطله راس السنه الهجريه و بداية محرم فا كل الاماكن مسكره بالمغرب .. ما عدا

صحارى فقط !!

فا جلسنا نقزرها بالشقه فقط .. اكمل معاكم

الحلقه العاشره:

خلال اليومين اللي طافو بصراحه ريحنا عدل و دب فينا النشاط من جد و جديد و حسينا بطاقه ايجابيه جدا .. المهم صحيت من النوم عال 12 الظهر .. و دب فيني الجوووع بشكل كبير .. قلت خلني اسخن

بحريره حلوه من سكاي .. مشيت سكاي قعدت بالبلكونه و طلبت حريره و جلست اشوف المحيط و اشرب بهالحريره افتح المعده شوي .. وراها مشيت من سكاي و على القلعه من زمااااان عن الكبسه

و امشي على القلعه و احلى كبسة لحم و لبن .. حاسبت وراها قلت امشي شوي عالكورنيش خذيت الكورنيش روحه و رده .. وراها انخرمت ابي شيشه .. و امشي على الشقه و اولع الشيشه

و احلى جلسه بالشقه شيشه و شاي و شوي و يدق واحد من الربع و يجيني سوالف مشى الوقت وراها قلت لصاحبي شرايكم اليوم نروح اطلانتك كلنا مع الشباب قال فوقه .. و اكلم الشباب و قالو اوكي

وراها دقيت على مستر عبدالله مسؤول اطلانتك و حجزت الطاوله و ضبطنا الامور .. طلعنا من الشقه مشينا على روتانا كوفي و اتاي حلو و الاجواء حلوه .. وراها قلت ودي اروح بيانو و ادق على ال

و اقوله شرايك بيانو اليوم قال اوكي .. ردينا الشقه لبست و بدلت و مرني ال و تضبط و طلعنا على بيانو قعدنا و اجواء طيبه و جا واحد من الشباب قعد ويانا .. و اجواء طيبه .. عال 2 طلعنا ردينا الشقه ريحنا

شوي وراها شرت على الشله شرايكم نزرق باباجايو بو ساعه كذا .. قالو اوكي و نمشي باباجايو و كان الوضع ملياااان عالاخر كله اوروبيين .. جلسنا خذينا جو و عال 3 ونص مشينا اطلانتك و جلسنا بالطاوله

خذينا طاوله ل 12 شخص بهاليوم .. قعدنا و جو الشباب معاهم ربعهم و احلى جو باطلانتك كان هادي شوي مغاربه و شوي خليجيين .. صارت 6 حاسبنا و عالمارينا و احلى افتر بارتي لي 9 وراها استاذنو الربع

و خلدناااا للنوووووووووووووم

تحياتي لكم

__________________

برضو اكل ياعله بالعافيه ههههههههههه

ياحبيبي والله ماتجي كبسه في المغرب طول عمارنا ناكل كبسه في بلداننا وبعد ناكلها في المغرب 000

المغرب ديال سمك -بسطيله - ستيك - طواجن - سفه - سللو - شعريه بالدجاج - سلطة الحديقه - كسكس -حريره -

تدري عليش تكثر الوجبات في المغرب اولا الجو بارد وتانيا الشيشه الله يخسها تجيب الجوع 00


شكرا لك اخي على التكمله

هلا بعمدة اغادير .. ياخووووي انت ناشبلي بسالفة الاكل وش قصتك هههههههههه

التنويع مطلوب و بصراحه الكبسه بالقلعه غير شكل .. شي خيااالي لها متعه جدا و صدقني انا مو نوعي بالسفر اركز بنوع معين من الاكل لازم انوع و على حسب المزاج

بالضبط الجو البارد والمجهود البدني والنفسي والعاطفي يخليك تاكل على طول خخخخخخخخ والشيشه قصه ثانيه :Abu Ahmed (212):

تحياتي لك يا عسل

__________________