الفزعه

سلام شباب
بكره رايح اغادير وعندي اسئله
حجزت في اطلس مارينا كيف وضعه لان الاراء اختلفت واحد من الشباب يقول ومدري صح او غلط انه كلم واحدمن المؤيد يعرفه وقاله ماينصح في المارينا 00

وتنصحوني احول من مطار محمد السادس او من الرياض
وكيف الطقس هناك يقول نفس جو الرياض
انتظر فزعتكم

وعليكم السلام

ان شاء الله توصل بالسلامة

المارينا الامور عاديه وفري جدا ، اماكن السهر في موضوع مثبت فوق ممكن تتطلع عليه بالتفصيل بس راح اذكر لك نبذه عندك ( مخيطو ، مقهى سكاي الساعه 11 ، عندك خيمة صحاري الساعه 6 الى 11 بالليل ، شهرزاد في صحارى وغيره كثير ).

تحول فلوس احسن لك من المطار كازا افضل لك ، والله طقسهم الان بارد والجو مره غيم ومره صافي بس في برد.

هلا اخوي...المارينا الشباب توهم جاين منها وبصراحه الكثير يقول ماشي الحال عندهم بس التضبيط وراك وراك يعني من الحين ثبت لك احد هناك

من حقين الرسبشن او السيكورتي وماعليك من اي احد يقولك عااادي وتدخل وتطلع مع احترامي الشديد للجميع واللي يمدحون فيهم التضبيط

وراك وراك...وبالنسبه للمؤيد مو صحيح كلام خويك اللي تقول قبل كم يوم واحد من الشباب هنا اتصل فينا وحجزناله في المارينا عند المؤيد ومشا

الوضع معاه عاادي جدآ وبالنسبه للتحويل ياخي وش تحس فيه انت وغيرك ههههههه تحول من الريال للدولار الى الدرهم او من الدرهم الى الدولار

لا خل الريال السعودي معاك وحوله في المغرب افظل وااحسن واذا عندك وقت حول من البنك الشعبي افظل بنك يعطي سعر صرف اعلى بالنسبه

للريال السعودي او عندك البريد المغربي بعد يحول وله مكتب في مطار كازا وتراه مكانه ماهو جنب البنوك وفيه ميزه احبها انا ههههههههههه

سعر صرف وفلوسهم جيده ماتبحل تحط لك 10000 في جيبك لانه جديده وتكون ملمومه وياحلولو ههههههههه..والطقس بارد وقارس جدآ ولاتنسى

تاخذ ادويه خفيفه للبرد والزكام لان ادويتهم فرنسيه اكثرها وبتحبل هناك ووووووووش تبي بعد تدلل وامر واخوانك في خدمتك وخدمة جميع المزاعيط

بس لاتكتبون قبل السفر وتهربون ههههههههههههه معاد نشوفكم ياخي ارجعوا بتقارير ولو مختصره ومفيده مثل ما انت وغيرك استفدتوا من اخوانك

هنا تقبل مروري وتحيااااااااااااااااتي