ناوي نيه .... عقد النيه

السلام عليكم ورحمة الله وبركاته

طبعاً ناوي نيه اللي هو انا مزعوط في دبي دار الحي

ونفس ما شفتو الموضوع نويت ابتدي رحلة الزعطة للمغريب الحبيب

طبعاً خويكم صفر في المغريب يعني لاعمري رحت ولاشي كلها كم معلومة من كثر الفر في المنتدى

طيب بلا فلسفة وشو المطلوب.... المطلوب واحد شقردي يحب الفله والوناسه يروح معي لانها أول رحله

لي وما أبي اتشحطط حلوه (اتشحطط) يعني صعبه غشيم يروح اول رحله لحاله

طيب متى مقرر تروح..... ناوي نهاية يناير او فبرارير (او على حسب الشقردي"الخوي")

طيب معاك دراهم..... الحمد لله خير من الله

طيب وش هو جوك لايكون يجيب المرض..... جوي احب الفله حتى لو انها في جحر نمله (تمشية ، سهر .........

طيب في اي مدينة راح تسكن..... ودي (مراكش ، واغادير ) وعلى راي الخوي

طيب كم المده اللي راح تقظيها.... المخطط من اسبوع إلى عشر ايام أو على راي الخوي

طيب وين راح تسكن (شقه، فندق،منتجع.....الخ) .... هذي لعبتك ياخوي انت فصل وحنا نلبس

طيب انت شايب ولا صغيرون.... شاب في عمر الزهور "مير يا زيني" ههههههه

طيب كيف نتواصل معك.....اكتب لي وارد عليك هههههه

واي حاجه ماهي واضحه اخليها كلييييير حلوه (كلييير)

ما نستغني عن آرائكم وتعليقاتكم


اخوكم ناوي نيه