شد الحقايب وقال ماشي لاغادير ... حلقات

مخيطووو · 2011-02-08T23:41:42+00:00

[COLOR="Navy"][B][FONT="Comic Sans MS"][SIZE="6"]اخواني مزاعيط المغرب . تحية طيبة من اخوكم انا واعوذ بالله من كلمة انا بسمي نفسي السلاوجي وخويي المعنجر وذلك لاني اسلوج بمعنى اني احب التغيير ما احب اثبت على شي واحد وخويي المعنجر لانه بعض الاحيان يقفل بليتينه ولا يغير رايه ابدا بس انا اعرف له . المهم لا نكثر الكلام . ندخل بالموضوع .. السالفة ومافيها ياطويلين العمر دخل علي صاحبي قال تراك معزوم في راس السنة على حسابي في التو سيز يعني البحرين قلت كفو والله اجل الموتر علي رحنا البحرين وانبسطنا وسهرنا قلت وحنا في وسط السهره آآآه يالمغرب آآآه يامخيطو قال والله ماتصمل قلت اسحبها قال والله ما اسحبها متى متى قال عندي اجازة في اول فبراير قلت تم بدخل النت واضبط الحجوزات قال يالله . دخلت النت وحجزت برخص التراب (الله يعزكم) واعطيه رقم الحجز كما هي عادته ذيبان راح الله يكثر خيره وقص التذاكر على حسابه . قلت لازم تصير طيب زي خويك رحت انا بعد وحجزت رحلة داخلية عن طريق النت (موقع الخطوط المغربية) ودفعت عني وعنه (كازا ـ اغادير ـ كازا) . [COLOR="Red"](الحلقة الأولى)[/COLOR] يوم الاثنين 7فبراير 2011 الاقلاع الساعة 12.00م وعلى غير العادة طارت الطيارة بموعدها (الخطوط السعودية) وكان العدد فيها قليل ويوم دخلنا الطائرة اول ماشفت اربع صقور ومعهم اثنين بدو ... قلت لهم لابومتعب قالو الله الله . قلت يستااااهل . عرفت ان الطائرة بتضبط امورها ...هههه المهم . الحمد لله الرحلة كانت حلوه يالله من فضلك تبطح في ذا الكراسي . يوم اخذنا لنا 7 ساعات الا ويجينا البراد اللي يرد الروح اثرنا دخلنا ديره الشموخ والمعزه . نزلنا المطار الا وش تشوف هوى عليل بس والله فيه برد شوي وصلنا المغرب الساعة 5 بتوقيت المغرب ورحلتنا الساعة 9.20 إلى اغادير قلت يالله اربع ساعات نتصبر عليها كان المطار حلو وجلساته حلوه وجوه حلو المهم دخلنا إلى الصالات اللي فيها البوابات قالوا راح تتأخر طائرة اغادير قلنا ماااشي والله كان التعب بدأ يسيطر جلسنا الصالة مليانه من الاجانب فرنسيين واسبان وبعض الخوال مادري وين يبون المهم جت طائرتنا وفتحو الباب وركبنا الطائرة كنها توبيس خط البلده وبعدين فل ابوشن مليانه وكلها نص ساعة الا وحنا بدارنا اغادير الا والله ادفى من كازا وعلى طول اقرب تموينات عبينا لنا شنه كاملة لي ولخويي (عصيرات ـ شوكولا ـ ماء ـ لبن (امزح لبن مين والناس نايمين) اتجهنا إلى اماديل وكنا حاجزين عن طريق واحد صاحبنا (مضبطنا) ودقينا على طويراتنا ويوم وصلو كان التعب اخذ منا ما اخذ بس يوم دخلو ربعنا اسفهلت امورنا وارجهنينا واسفهلت امورنا ونمنا الساعة 6صباحا .. صحينا اليوم (الثلاثاء) ورحنا لمطعم إسماعيل اللي بجنب صحاري عندهم اكل حلو وزوين . ورجعنا للفندق علشان نتجهز وننزل مخيطو والآن اكتب لكم الموضوع وراح انزل أدري ان بعضكم لشطني عين بس عسى الله يستر . تحياتي لكم وإلى اللقاء مع الحلقة القادمة . [/SIZE][/FONT][/B][/COLOR]

النجم الأول

الـلـمـبــي

المشاركات: 2,029

تاريخ التسجيل: Jul 2010

2011-02-09, 08:49 PM

المشاركه #11

اقتباس:

المشاركة الأصلية كتبت بواسطة عاشق المغرب

يا خوي حاول تترك العنصريه اللي مالها لزوم
بدو ....خوال .... مدري وش باقي ما قلته ؟؟؟؟
المشكله كلامك كلام بدوي ومسوي زحمه على انك انسان متحضر يا شين شوفه النفس والعنجهيه اللي مالها لزووووووووم:Abu Ahmed (704):

أي عنصرية تتكلم عنها أخي العزيز!!!

الرجال ماسب أحد ولا شتم أحد,,,هو مجرد ذكر ان فية بدو بالطيارة صقارين,,,يعني لاسبهم ولا مدحهم!!! وانت جاي مدرعم تبي تتهاوش وبس!!!
حتى موضوع الخوال!!! هو ذكر ان فية فرنسيين واوربيين وخوال,,,هل سب أحد؟ أو شتم أحد؟!!,,,لذلك أخوي لاتتهم الاخ بالعنصرية وهو ماغلط ولا سوى شي,,,قل خيراً والا فإصمت,,,

تحياتي وأشواقي,,,

__________________

تابعونا:Abu Ahmed (456):...

تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

التعديل الأخير تم بواسطة النجم الأول ; 2011-02-09 الساعة 08:52 PM

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: شد الحقايب وقال ماشي لاغادير ... حلقات
الموضوع	آخر مشاركة
قالت له وقال لها	2012-08-16 09:23 AM
انا ماشي	2012-04-04 10:50 AM
سلسله حلقات اخطر المجرمين في المغرب	2011-08-17 11:23 PM
قالت له وقال لها	2011-08-16 05:42 AM

الساعة الآن 07:41 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

شد الحقايب وقال ماشي لاغادير ... حلقات

روابط سريعه