بعد اول سفره لكازا قررت اشتري شقه

اقلعت الطياره وبعد ماطفت لمبة الحزام والتدخين ايام ماكان مسموح تدخين قلت خلاص قام الطير وبيجلس قدام انتظر ولا جالس بمكانه ولا طراله يقوم قلت ياولد افتح موضوع التفت عليها ابتسمتلي طبعاً اخوكم جاته ام الركب وش اقول سألتها انتي جايه من الامارات (سؤال غبي) قالت ايه انتا لما دخلت الطياره ما شفتني نايمه بيني وبينكم تمنيت اني عاض على شحمه وساكت صرفت الموضوع وقلت ماخت بالي سالتني معاك (قارو) ابغا سجاره انا لو ما قالت سجاره والله مدري وش السالفه بعدين عرفت ان القارو يعني الدخان المهم عطيتها سجاره وصرنا نسولف سالتها مقيمه في الامارات قالت لا عندي زياره لاختي في دبي بعدها صارت تكلمني عن المغرب وعن كازا لانها ساكنه في كازا بعد ما طلعنا من الاجوا السعودية ولا المضيفه جايه تسأل وش تحبوا تشربوا انا طلبت عصير وهي طلبت...؟؟ راحت المضيفه التفتت علي وقالت انا ماعرف انام إلا بعد ما اشرب علبتين ناديت المضيفه وقلنا علبتين وبلاه العصير صرنا نسولف ونمزمز في العلبتين ياولد شوي وطفوا النور وخلوا نور بسيط كل الي في الدرجه الاولى إلي نام وثنين من الامارات اشتروا عصير (2) لتر وثلج وطاوله صغيره وهات يافله المهم قالت انت وين بتسكن في كازا قلت انا معزوم عند ناس في كازا ولا اعرف وين ساكنين ... بعد السواليف والضحك أستأذنت تنام بيني وبينكم انا صرت اشوف باب الطياره بدال مو واحد صار ثلاثه نمنا وبعد سحبه يحبها قلبك إلا الي دقني في كتفي رفعت الغطاء ألا هي بتروح للحمام اناظر الا باقي على الهبوط حوالي نصف ساعه إلا الفطور جاي وشاهي وسواليف (اربط الحزام ياولد وقف التدخين) قلتلها ان الناس الي معزوم عندهم ناس كبار في السن اذا حبيت اتمشى في كازا اقدر اكلمك ونتمشى سواء على طول عطتني الجوال حقها وقالت اي وقت اتصل.. نزلنا في المطار ولا الباصات واقفه تحت وننزل حقين الدرجه الاولى ونركب الباص جلست جنبي وحرك الباص وعلى الصالات وعلى كاونتر الدرجه الاولى وتختيم وحنا مع بعض وعلى السير ننتظر العفش قالت خلاص هنا ابعد عني لان وحده من قريباتها تشتغل في المطار قلنا اوكيه اخذنا عفشنا وطلعنا إلا السواق واقف ومعه لوحه باسمي عطيناه الشنط وركبنا السياره واتجهنا لكازا وش الجو الي يفتح النفس شوي إلا جوال السواق يوم دق رد عليه وعطاني الجوال منهو قال هذا العم ابو نواف ابو صديقي كلمني وتحمدلي بسلامة الوصول وصلنا الفله صراحه مو فله هذا قصر مساحه كبيره ومسطحات خضراء ومسبح ودنيا دخلت السياره الفله إلا الرجال الي جالس في الحديقه منهو هذا يامصطفى اكلم السواق قال هذا ابو نواف سلمت عليه وجلسنا شوي قال خلاص اطلع لغرفتك فوق الشناط سبقتك لغرفتك وخذلك دش ونام وعزيمتك الليله.